مشكلتي مع الرضعه الصناعيه , و استفراغ طفلي المتواصل

[ام الشبلين]

السلام عليكم ,



كيفكم اخوااتي إن شاء الله تماااام
انا ولدت من 21 يوم تقريبا ,, وطفلي من أول يوم ما رضى بالرضاعه
الصناعيه , فـ كان شي عادي عندي في البدايه
وضليت هالفتره ارضعه طبيعي
بس المشكله الحين ان اجازتي بتخلص بعد شهر ونص
وراح اضطر ارضعه صناعي على الاقل في فتره غيابي


جبت له اليوم حليب وعطيته أول رضعه الساعه 12 نام ساعه ونص
وصحى يبكي يبي رضعه كمان ,
هذا واضح انو يفتح فمه في كل الجهتين يبحث عن الرضعه

بس التعليمات على علبة الحليب تقول رضعه كل اربعه ساعات
مدري كيف اتصرف هل عادي ارجع اصلح له رضعه ثانيه
او ارضعه من صدري ,,
انا خايفه يتضرر لما ارجع اصلح له واخالف اللي مكتوب بالتعليمات


::

مشكله ثانيه ,, انو يرجع ( يستفرغ ) كثير ,, حتى لما يرضع من صدري
بعد ربع ساعه او اقل يرجع , واحس كميه كبيره ومع كل مره يرضع نفس الحاله ,,, مع انو امي تقول
عادي خليه يرجع ما يضر
بس انا احس كذا ما يستفيد من رضاعته
ويصير يجوع بسرعه لدرجه اني ارضعه كل ساعه
واحيانا كل نص ساعه ,,
نومي مررره متلخبط وماني قادره انام اكثر من ساعتين
متواصله , والباقي كل نص ساعه يصحى ,

تعبت معه

طفلي الأول ما عذبني مثله
كان يرضع بانتظام وينام فتره أطول , هذا مختلف عنه تماما
وحسيت نفسي كاني اتعامل مع اول مولود :(


هل هذا شي طبيعي ؟؟؟
ويا ليت الاقي حلول وتوجيهات منكم :(


::

[ليااااان]

االحمد لله على السلامه اختي

ان مثلك بالاول ماتعذبت اما الثاني كان كله صياح

بالنسبه للترجيع لازم بعد كل رضعه طقطقه على ظهرة علشان يتشجأ ( يتشده اذا كنتي حساويه )

واذا كان على طلبه للحليب كثير ما اقدر احكم لك لكن انا بنتي يوم ولدتها عطيتها صناعي لكن ماخليها اربع ساعات تجوع

كل مابقت عطيتها لكن مو كل ساعه لا على حسب اذا تاكدت انها تبقي

لان اذا جوعانه بتتعبك صياح الى ان تعطيها

واتمنى افدتك

وان شاء الله الاخوات يساعدونك اكثر

[~~لحن الحياة~~]

حبيبة قلبي بكون على علبة الحليب مكتوب عيار الرضعة
انت اعمليلو قد العيار لا زيادة ولا نقصان وبالنسبة لحليبك ايمت ما حستيه بدو يرضع اعطي صدرك ازا كنت عاطيتي رضعة صناعية عادي لا تخافي ما بضر
وحبيبتي بالنسبة للاستفراغ بعد كل رضعة دشي الولد ضلي طبطبي على ظهرو شوي شوي لتحسي انو دشا والله يخليلك ياه يارب

[ام الشبلين]

ام عباس

هلا فيك اختي , الله يسلمك
فديتك لا مو حساويه , نجديه ونقول عليه ( يترع )
انا حريصه اخليه يتجشأ
بس المشكله انه يستفرغ اول ما ارفعه
يعني قبل ما يتشجأ

::
وبالنسبه للرضعه , والله مو عارفه
يمكن لانه يرجع كثير , يصير فتره رضاعته اقل :(
بس مابي ابني على هالاحتمال ..

:

مشكوره يالغلا

[ام الشبلين]

توأم كوكي


هلا فيك اختي ,
ايه انا سويت له الرضعه على التعليمات ,,
وعيار الرضعه ,,
بس هو ما شربها كلها بقى شوي ,
و كمان رجع كثير منه
وانا سويت مثل ما قلتي ,, لما صحى بعد ساعتين رضعته من صدري
بس انا ابي اخليه ينتظم بالرضعه , وابي يرتاح بنومه
مو كل ساعه او ساعه ونص يصحى :(

::

مشكوره عزيزتي

[ملكة المشاعر]

والله حتى انا ولدي نفس الشي من قبل مايتشجا يستفرغ

شي طبيعي الدكتور قالي

[ام الشبلين]

زادت حالة الاستفراغ على ولدي
واليوم صار معه حراره ,,
لما اخذته للدكتور ,, طلع عنده التهاب بالحلق ,,

عطاه مضاد حيوي , مع ان عمره الحين شهر بس :(
والله اني خفت من هالمضاد
بس توكلت على الله وعطيته ,,

::

[ام حميد]

انا كانت عندي نفس الحالة

ما خليت شي إلا سويته

يمكن افيد انا غيرت المرضعة ماله وما اطلع وايد يتم يمصها لين ما تطلع له نقطة يعني يرضع بصعوبة صح يتعب بس الحمدلله انا ما يستفرغ الحين وخلاص ما اغير مرضعته اشتري له نفس الشركة وهالمرضعة ما تصب حليب قليبها وشوفيها ما تصب حليب لازم يمصها

وهذا هو الحلو

والحين الحمدلله ما يستفرغ


اتمنى الإفادة