" بعض الاخطاء في حياتنا الزوجيه "

[أم عبادي2]

[SIZE="3"]السلام عليكم حبيباتي ..

كل بيت له ايجابيات وسلبيات : مافينا وحده متهنيه لدرجة انه مابيصير ف بيتها لو حتى تتش
ومافينا وحده حياتها كلها مشاكل وتعذيب لابد من كلمه حلوه و ابتسامه للرضا
،،

أكثر شيء يكبر المشاكل بين الزوجين عدم التغاضي و المقارنات
مثال : الزوج رجع من الدوام معصب واخلاقه قافله .. طبيعي بيقول كلام او حركه ماتعجب الحرمه
الزوجه : بتبداء ليش قلتلي و ليش تعاملني و و و الخ
او
الزوجه : شايله هم دراسة الاطفال و تبي تطبخ الغدى قبل لا يرجع الزوج من الدوام ومع ذلك تقصر والتقصير وارد
يرجع الزوج من الدوام : ليش انتي مهمله ليش ماتعتنين ف البيت و و و الخ
..
لابد من الزوج و الزوجه غض النضر عن الطرف الثاني
^ عاد اذا جا وقت النوم العبي لعبتك

والمقارنات بعد يابنات تهدم بيوت قسم بالله
لا تقارنين زوجك باي شخص حتى لو اقل منه ف المستوى .. بالعكس ارفعي من معنوياته
و حسسيه انه اطلق الرجال ف عينك بعدها صدقوني تاخذون كل اللي تبونه لان الرجال داخلياً
مرتاح و واثق بنفسه انك تحبينه بعكس لمن يحط ف باله العناد ع مقارنتك له برجال ثاني
^ راح ينكد عليك عيشتك ..

..

نصايح مجربه مني
1 - اذا زوجك معصب لا تكلمينه ابداً ..
سوي له عصير برتقال او ليمون او اللي موجود عندك
2 - اي شيء يطلبه منك لا تبينين له انك طفشتي و سمعيه احلى الكلام
( ابشر و حاضر : من عيوني : بس ! كم فلان عندي ومن هالكلام )
3 - لا تكلمينه ف موضوع يخصك او يخص البيت الين تتأكدين انه مروق ومستعد يسمع لك
4 - خليه يرجع وريحة البيت عوده عشان يحص ان فيه تغيير
5 - نظافتك نظاااافتك الشخصيه قبل كل شيء ف الحياه ..
زوجك لا يشم فيك اي ريحه موب حلوه : تنظفي باستمرار بالخلطات و غسلي داايماً باي غسول عندك : خلي المكان ريحته نظيفه وهو نظيف عشان مايتقرف منك زوجك ويبداء يلعب بعقله الشيطان ويشوف غيرك ..
6 - لا تطلبينه فلوس كل شهر .. بيني له انك تبين تساعدينه وتوقفين معاه < بتكبرين ف عينه

...


والمعذره ع الاطاله : تقبلوا مروري [/SIZE]

[أم عبادي2]

معليش كبروا الخط :)

[ريحانة الجنة]

طرح يستحق الشكر
بارك الله فيك

[عبير الصيف]

موضوع متميز
مشكورة يالغلا

[بحــ العيون ــــــــر]

[حياتي توأمي]

تسلمي عالنصائح المفيده يعطيكي العافيه

[jojo 123456]

يعطيك الف عااااافية ع الافااااادة

[υм вtℓαα]

يعطيك العافية

[Um sara1]

رائعة..

نموذج مثالي يجب على المرأه التوقف عند كل عبارة منه كثيرا ومحاسبة نفسها قبل ان تبدأ الشكوى او تسرد مشكلة زوجية فأكثر المشاكل تبدا بالتقصير والاهمال والفضاضة وتتشعب لما هو اكبر ..