بنات ساعدوني ... احترت و ضايق خلقي

[عيالي سعادتي]

السلام عليكم
كيفكم بنات هذي اول مشاركة لي معاكم
بليز عطوني رأيكم والله احترت و نفسيتي تعبت
قبل كل شي الحمدالله على كل شي ربي كاتبه لي أنا الحين حامل بالشهر السابع وقبل حملي و ببدايته كنت ادعي ربي يرزقني بالولد الصالح خاصه أن زوجي نفسه بولد وكنت طول الشهور الأولى كلها احساسي انه ولد لين رحت للدكتورة بنص الخامس و سوت لي سونار وما كنت حابه اعرف ايش هو جنس الجنين بس هي تكلمت من نفسها وقالت لي بنت وقتها من جد ما زعلت قلت الحمدالله كل اللي يجي من ربنا حلو قلت لها متاكده وقد ايش النسبة قالت ايه بنسبة 90 بالميه فرحت وقلت بنزل السوق و ابدي اشتري أشياء بنوتات قالت ليش مستعجله استغربت قلت لها دام متاكده 90 بالميه خلاص قالت اصلا الحبل السري بين رجل البيبي و حاولت أكثر من مره تحرك البيبي عشان الحبل يتحرك من مكانه بس مافي فايده وقالت انتظري السابع و تعالي
رجعت البيت ومبسوطه وأفكر بتجهيزات بنتي والدنيا كلها بعيوني بمبي
على قوله سعاد حسني الحياة بقا لونها بمبي بمبي بمبي
ورجع زوجي العزيز وبشرته أن الدكتورة قالت لي بنوته 90 بالميه حسيت شكله تغير وقال ايش دراها العلم عند رب العالمين قلت له ونعم بالله بس هي شافت بالجهاز
و أتخيلو يا بنات ردت فعل أهله قالوا لي ما نبي بنات نبي أولاد يحملون اسم العيله ولما قلت لهم هذا بيد الله ماهو بيدي و لا بيدكم والبنات خير و رزق سكتوا و رجعوا ضحكوا وغيروا الموضوع بس وجوههم مبين عليها مو عاجبهم ومن وقت للثاني اسمع منهم كلام يجرح واطنشهم
ومن يومها يا بنات و انا نفسيتي زي الزفت أكثر شي من ردت فعل زوجي و خوفي لا يأثروا أهله عليه بالكلام خصوصا أنه يتأثر بكلامهم مره رجعت بكيت وقلت له انت ايش فيك هذا شي من رب العالمين ماهي مني ولا منك رجع يراضيني و يقولي انه راضي باللي يجي هو صح نفسه بولد بس اذا بنت حياها الله
اكذب عليكم يابنات اذا قلت أني ارتحت من كلامه خلاص خربوا فرحتي و نفسيتي صارت زفت وكل يوم ادعي واخلص بدعائي أن الدكتورة تكون غلطت وارجع استغفر ربي وادعي يسامحني
الحين انا بالسابع ومابي اروح للدكتورة ولا ابي اشوف نوع الجنين
اسفه يا بنات طولت عليكم يس تدرون الواحده لما تحمل تصير نفسيتها صعبه و دمها ثقيل والله اوقات ابكي و ارجع استغفر ربي في ناس مش لاقين بس تتوقعوا الدكتورة غلطانه ولا لا
معقوله عضو الذكر ما يبين من الحبل السري ودام انا مش متاكده ليش قالت لي 90 بالميه بنت نسبة كبيرة جدا أدعوا لي و انصحوني