○☼●سر البيت الفرحان ..المزأطط ..المريح نفسيا ..تخلصي من الطاقة السلبية في بيتك○☼●

[قمر الجزائر]

ازيكم يا احلى واجمل واطيب وارق كروشات

وحشتــــــــــــــوني


ليا الشرف طبعا اني اكتب في القسم الجميل ده


وان شاء الله افيدكم بموضوعي زي ما استفدت منكم كتيييييييييييييير قبل كدة



اوقات بندخل بيوت بنحس فيها براحة نفسية عجيبة وانشراح صدر وزأططة رغم انها ممكن تبقى بيوت بسيطة ومش بنكون عارفين السر في كدة ايه ..



واوقات كمان بنروح اماكن فخمة جدا وبيوت بتشف وترف من النظافة والنظام لكن بنحس بعدم الراحة او الضيق الخفي او خنقة كدة من غير سبب


وفي بيوت اهلها بيعانوا باستمرار من الكسل والضيق والمشاكل الكتير والامراض الكتير للاطفال وتعسرهم في الدراسة و و و


وعلى العكس في بيوت تاني بتشع بالايجابية والفرررررحة و النشاط والبركة و الزأططة



فين الســــــــــــــــــــر ؟؟؟




السر في الطاقة السلبية ال بتسكن بيوت معينة وبتتراكم مع الوقت وتسبب كل المشاعر والاحاسيس السلبية دي وتبعد البركة والفرحة عن البيت


عشان نتخلص منها ونستبدلها بالطاقة الايجابية الرائعة ال بتعكس الجمال على كل حياتنا في خطوات عملية بسيطة .... يلا نعرفها سوا ...






1-المحافظة على اذكار الصباح والمساء و تشغيل سورة البقرة بصوت جميل يوميا في ساعات الصباح الرائعة تبعد الشيطان وتكون تحصين أكيد باذن الله للبيت طول النهار جربيها بيقين لمدة اسبوع وشوفي الروعة بنفسك





2- تهوية البيت يوميا في ساعات الصبح الرائعة وعمل حمام شمسي منعش لكل الغرف وفتح شفاطات الهواء لسحب كل هواء النوم المشبع بالطاقة السلبية واستبداله بالهواء الجديد المنعش المليان بالنشاط والانطلاق والحيوية





3- مسح البيت مرتين اسبوعيا بماء وملح ... يفضل الملح البحري الخشن من العطار .. وتوزيع الملح الخشن في اركان البيت ثبت علميا انه بيمتص الطاقة السلبية بشكل مذهل وعشان كدة كل اسبوع تغيري الملح ده وتتخلصي منه فورا لانه مشبع بالطاقة السلبية وتضيفي ملح جديد





4- الحفاظ على باب الحمام مغلق باستمرار وعدم وضع ملابس على شماعة الحمام وتبات فيه ونلبسها لانها بتتشبع بالطاقة السلبية مع المحافظة على تجفيف الحمام باستمرار ونظافته المستمرة


5- التخلص من اي اتربة موجودة في البيت باستمرار لانها بتمتص الطاقة الايجابية حاولي تزيلي تكون اي طبقة من التراب وخاصة على الاشياء الظاهرة زي المكتبة او الاجهزة المنزلية او او




6- التخلص من الكراكيب .. اي حاجة مش بتستخدميها .. تخلصي منها .. القديم بالنسبالك ممكن يبقى جديد لغيرك وسبب كبير في سعادة تدخل على قلب محتاج


ولو مش قادرة تتخلصي من كراكيبك لاي سبب حاولي تبعديها تماما عن الاماكن الظاهرة وياريت احتفاظك بيها يكون بشكل مؤقت لانها فعلا بتعمل جو سلبي كبير





7- النباتات الخضراء المنزلية طاقة نماء وايجابية رااائعة .. ياريت نرجع نزرع في بيوتنا زي زمان ونعلم اولادنا يحافظوا على الزرع لانه بيصنع البهجة وبيقاوم المشاعر السلبية بقوة





8- رئة البيت ... الليفينج ... غرفة المعيشة ال بتكون مكان تجمع العائلة و الاكل والدردشة لازم تديها اهتمام كبير انها تكون مريحة وبدون بهرجة كتير وتكون حميمية بدون زحمة او كركبة وتحافظي عليها باستمرار نضيف ومتعطرة لان ده بجد بيعمل اثر ايجابي لكل افراد الاسرة





9- البخور ....رااااااااائع في امتصاص الطاقة السلبية .. وانتبهي لما تبخري بيتك لازم تكون الشبابيك مفتوحة واتبعي السنة في التبخير بحبة البركة كل 3 ايام بجد سحر في تجديد طاقة البيت



10/حافظي على لسانك رطب بذكر الله وعمل الرقية الشرعية ليكي ولاولادك من وقت للتاني وفكري دايما بإيجابية وحسن ظن و حسن توكل على ربنا وتوقعي كل يوم من ربنا حاجة حلوة تحصلك واعملي كدة بيقين مطلق وحبي بيتك مهما كان بسيط وامتني لربنا بكل حاجة عندك هتكوني انتي نفسك تردد مشع للطاقة الايجابية والسعادة والفرحة والزأططة





وانتظروني باذن الله في القادم

[غفران شكران]

. مشكوووووووووورة حبيبتي موضوع مميز وفايف ستارررررررر لعيونك يا الغالية

[غفران شكران]

. يستاهل فايف ستارز

[قمر الجزائر]

تسلميلى حبيبتى منوره

[أم أحلى بنوتهـ]

صدقتي والله

جزاك الله خير

[منتظره لحلم الأمومه]

مـاشـاء الله موضوع اكثر من رائـع

الله يملي حياتنا كلنا بالفرح والسـع ـاده

يعطيك ألف ع ـافيه حبيبتي قمر