✾◕‿◕✾سر هرمون الفرح ... وازاي نحفزه في اجسامنا .. ونعيش الزأططة ✾◕‿◕✾

[قمر الجزائر]

صباح مزهر منور معطر بكل عطور الحب في الله

وبريحة الفل وزهر الياسمين

وحشتــــــــــــــــوني يا أطيب اخــــــــــوات







ما هو ســـــــــــــر هرمون الفرح ؟؟؟؟







انتي اكيد عارفة ان جسمنا بيتحكم فيه هرمونات كتير لكن ياترى هل سمعتي قبل كدة عن هرمون الفرح والسعادة في جسمنا .. ده كلام بجد على فكرة ..
في هرمونات مسؤلة عن السعادة والفرحة والراحة النفسية و الزأططة والشباب والانطلاق والمزاج الرايق ودي موجودة في اجسامنا بالفعل ... واشهرهم الاندروفين والسيرتونين والميلاتونين ...


ولما بتزيد الهرمونات دي في الجسم بيكون الانسان سعيد ومنتعش



وكمان

بتساعدة على التشافي السريع من الامراض وتقوية جهاز المناعي
وقتل الشعور الألم
وجمال البشرة والصحة والشباب
و بتساعد على علاقة زوجية وحميمية رائعة

..................................

وعلى العكس لما بتقل هرمونات الفرح في الجسم بيحل مكانها الحزن والكآبة وضيق النفس والانكسار والكسل والملل وسرعة الغضب ونوبات الخوف .....

...............................

وهنا في موضوعي ده هعرفك باذن الله ازاي نحفز جسمنا انه يفرز الهرمونات الرائعة دي ونحافظ على اعلى مستوى من هرمونات الفرح والزأططة باذن الله

مبدأيا كدة في اكتر من طريقة لتنشيط وتحفيز هرمونات السعادة وكلها طرق علمية ومجربة ومثبتة بفضل الله

بداية كدة عشان نكون متفقين انتي كل ال عليكي انك تتعاملي مع الطرق دي بيقين تااااااااااااام وثقة كاملة في ربنا لان ده بداية التشافي والنجاح الاكيد باذن الله لان العقل الباطن لما بيعمل حاجة وهو مصدقها اووووووووووي بيعطي نتايج مذهلة بجد وكمان الاستمرار عليها عشان تلاقي مفعول ونتيجة سريعة باذن الله


اول طريقة لتحفيز هرمون الفرح ... ومجربة واكيدة جدا باذن الله بأبحاث عربية واجنبية هي



الصــــــــــــــــــلاة


الصلاة الخاشعة .. المطمئنة .. الهادية ال فيها سجود طويل واستبشار واستسلام كامل لربنا
بتزود جدا جدا من افراز هرمون السعادة وبتعمل توازن هرموني عجيب ولو استمريتي فترة على الصلاة بالطريقة دي
هتحسي بوضوح للرؤية وهدوء وصفاء ذهني راااائع





الرياضة


ثبت ان ممارسة رياضة متوسطة المجهود زي المشي السريع مثلا لمدة 20 دقيقة بتزود معدل هرمون السعادة وبتطلق طاقة الفرح والانتعاش في الجسم لوقت طويل



الشمس


التعرض للشمس في فترة الصباح ... قبل الساعة 11 صباحا لمدة 20 دقيقة بيشجع جدا على زيادة هرمون عجيب وهو السيرتونين ال يديكي نشاط وحيوية بالنهار ونوم عميق وممتع بالليل





التأمل والاسترخاء التخيلي



من اروع الطرق ال تزود هرمون الفرح جدا في اجسامنا ممارسة تمارين التأمل والاسترخاء وتخيل الاحداث السعيدة وتحقيق اهدافنا ومشاهدة الصورة الطبيعية الجميلة واصوات الطيور والوان الزهور وروعة صنع الخالق العظيم
وهقولك على تمرين تأمل بسيط جدا ممكن تمارسيه قبل النوم او عند الاستيقاظ وسهل ونتايجه مذهلة بجد



وهي انك تختاري مكان هادي بعيد عن اي ازعاج وتاخدي جلسة مريحة وتبتدي في التنفس بهدوء وتركزي على تنفسك فقط وتوقفي التفكير في اي حاجة تماما بس تركزي على الشهيق والزفير الطبيعي الهادي المرتاح ال بيتم بانسيابية وهدوووووء واي فكرة تخطر على بالك وقت التأمل تجاهليها و تخيلي انها بتذوب وركزي بس على النفس لمدة 10 دقايق ل 15 دقيقة ولحد ما توصلي لمرحلة هدوء تااااااااااام واحساس جميل بالرااااحة والرغبة في الاسترخاء
ده من اكتر منشطات هرمون الفرح خاصة لما تستمري عليه







الاكـــــــــــــــــــــلات المحفزة



ثبت علميا ان في بعض الاكلات بتنشط هرمونات السعادة وفعلا بتحفز الجسم على افرازها بمعدلات عالية وخاصة
الشيكولاتة مكعب صغير يوميا ... الاسماك ... التونة ... الشوفان ... العيش الاسمر ... الدجاج واللحوم





الاستغفار والذكر وخاصة ..لا اله الا انت سبحانك اني كنت من الظالمين



ليه طاقة راااائعة بتحفز كل الطاقات الايجابية في الجسم خاصة لما تقوليها بخشوع واستشعار ويقين



اللعب مع الاطفال ومعانقتهم وعيش الطفولة معهم


محفز قوي لهرمونات السعادة والزأططة في الجسم .. وطاقة ايجابية رااائعة






الفانتازيا


انك تكسري ملل حياتك وتعملي حاجات جديدة وغريبة ومش متعودة عليها بيكون محفز رائع لهرمونات الفرح يعني جربي ترقصي تلبسي بطريقة غريبة عليكي روحي اماكن جديدة انكشي شعرك








دي تقريبا اشهر الطرق واكترها فايدة باذن الله نتيجة ابحاث كتير ويارب ينفعنا بما يعلمنا




وافتكري دايما الحياة حلـــــــــــــــــــــــــــــــــــوة لل يفهمــــــــــــــــــــها
ربنا يغمر حياتكم بالسعادة والفرح والهنا والزأططة

[jojo 123456]

يعطيك الف عااااااافية

[قمر الجزائر]

الله يعافيكى حبيبتي

منورة

[أم أحلى بنوتهـ]

روعه موضوع يوسع الصدر

بارك الله فيك

[منتظره لحلم الأمومه]

انا بصـراحه من دخلت موضوعكـ اقرأ وأشوف الصور أسترخييت والظاهر ارتفع الهرمون عندي وخاصه بسبب أخر صورتين ههههههه



الله يدييمـ عليكم الفرح والسعاده

يعطيك الع ـافيه

[بحــ العيون ــــــــر]