حملة أكل القسط الهندي للحمل من بتشارك؟

أم روضة وسارة · 10-10-2010, 05:43 AM

السلام عليكم ورحمة الله وبركاتة

طبعا ما يخفى عليكم فايدة القسط الهندي في تنظيم الهرمونات وتنشيط المبايض والتخلص من الأكياس وبعد ينظم الدورة

منو بتشاركني في أخّذ القسط الهندي هالشهر والله يرزقنا جميع

ملاحظة هامة: لازم يكون بعد الدورة مو وقتها

Om KHaled · 10-10-2010, 05:53 AM

أكذب عليكِ اذا قلت لك اني باعرف القسط الهندي

أم روضة وسارة · 10-10-2010, 06:25 AM

سوي بحث في النت هيه عشبة (اعواد) ذكرها الرسول عليه الصلاة والسلام وفيها خير كثير انا الشهر إلي طاف خذتها بنية تنظيم الهرمونات والحمدالله نظمتها هالشهر باخذه بنية الحمل والله يرزقني

ام صـالـح · 10-10-2010, 06:46 AM

كيف طريقه استخدامه ؟؟
وكم مره في اليوم وكم يوم تخذها بعد الدوره ؟؟
انا لسى باقي على دورتي اسبوع
اذا ربي ما كتب هالشهر حمل
راح ابدا اخذه معاك

أم روضة وسارة · 10-10-2010, 07:02 AM

هلا ام صالح الله يرزقج الحمل وما تحتاجينه

تشترينه اعواد وتطحنينه او تاخذينه مطحون من عند العطار بس انصحج تطحنينة بروحج افضل
بعد الدورة مباشرة ابدي في حريم ياخذون 5 مرات بعد كل فرض بس انا لما بغيت آخذ لتنظيم الهرمونات خذته مرتين في اليوم بعد الغدا وبعد العشا والحمدالله نظم لي الهرمونات على طول

هو مر وايد تاخذين ملعقة صغيرة وتشربين ماي وراها
في ناس تاخذه مع العسل وحد ياخذه مع ماء الورد وحد يحطة في التمر كل حد وطريقته علشان يخففون المرورة بس انا افضل اخذه مع الماي خلاص تعودت

بس خذيه لمدة اسبوعين يعني لين ايام التبويض ووقفي عنه لأنه ينزل الدورة يعني بس لين ايام تبويضج وخلاص لا تاخذينه لأنه مدر للطمث
والله يرزقنا جميع

ام صـالـح · 10-10-2010, 08:00 AM

يعطيك العافيه
وان شاء الله ما احتاجه ياحي ياقيوم
والله متفاله هالمره زي كل شهر مدري ليش الله لا يخيب رجاي
ويزرقنا من واسع رحمته

ندى السعوديه · 10-10-2010, 09:15 AM

هلا بك يالغلا

بأذن الله انا ببدأ اخذه معك لو ماحصل حمل هالشهر

بس يالغلا آخذه لين اول يوم تبويض ؟ او لين آخر يوم تبويض

وشكرا

واسال الله تعالى ان يرزقنا حمل بدون علاجات ياارحم الراحمين

أم بيسان · 10-10-2010, 12:41 PM

آمين يارب ربي يكتب لكم حمل هالشهر وماتحتاجونه باذن واحد احد

ان شاء الله راح ابدأ معك غاليتي لما تخلص دورتي
وانا حاليا جالسة اشرب البردقوش اول مرة اجربه

ربي يجزاكِ الجنة

العاتي · 10-10-2010, 02:52 PM

انا كتبت قبل عن فوائد القسط العظيمه وكثير ناس استفدو منه
وبديت استخدمه الشهر اللي طاف اليوم السابع من بعد الدوره
وذا
حين دورتي لها 3ايام مانزلت
تتوقعوووووون هو السبب؟؟

أم روضة وسارة · 10-10-2010, 06:51 PM

اقتباس:

المشاركة الأصلية كتبت بواسطة ندى السعوديه

هلا بك يالغلا

بأذن الله انا ببدأ اخذه معك لو ماحصل حمل هالشهر

بس يالغلا آخذه لين اول يوم تبويض ؟ او لين آخر يوم تبويض

وشكرا

واسال الله تعالى ان يرزقنا حمل بدون علاجات ياارحم الراحمين

هلا الغالية لين اول ايام التبويض بس لأن هو شغلته ينشط لج المبيض ولما تنزل البويضه خلاص ماله داعي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن القسط الهندي للتكيس والحمل باذن الله	امنيه	إستفسارات حوامل من الشهر السابع إلى الشهر التاسع	8	12-13-2012 11:15 PM
القسط الهندي هو علاجك للحمل بعد" اللــه"	العاتي	منتدى علاج العقم و تأخر الحمل	22	05-28-2012 08:26 AM
طبق التكا ماسالا الهندي	عزيزة النفس	قسم التغذية	6	12-05-2010 01:53 AM
استفسار بخصوص القسط الهندي؟؟؟؟	العاتي	المنتدى الطبي الــعــام	6	10-11-2010 02:09 PM
((القسط الهندي))علاج التكيسات وتنظيم الدوره الشهريه وعلاج الغده الدرقيه	استغفر الله	منتدى الصحة الغذائية والطب البديل	2	07-18-2010 06:41 PM