|
حملة أكل القسط الهندي للحمل من بتشارك؟
السلام عليكم ورحمة الله وبركاتة
طبعا ما يخفى عليكم فايدة القسط الهندي في تنظيم الهرمونات وتنشيط المبايض والتخلص من الأكياس وبعد ينظم الدورة منو بتشاركني في أخّذ القسط الهندي هالشهر والله يرزقنا جميع ملاحظة هامة: لازم يكون بعد الدورة مو وقتها |
رد: حملة أكل القسط الهندي للحمل من بتشارك؟
أكذب عليكِ اذا قلت لك اني باعرف القسط الهندي
|
رد: حملة أكل القسط الهندي للحمل من بتشارك؟
سوي بحث في النت هيه عشبة (اعواد) ذكرها الرسول عليه الصلاة والسلام وفيها خير كثير انا الشهر إلي طاف خذتها بنية تنظيم الهرمونات والحمدالله نظمتها هالشهر باخذه بنية الحمل والله يرزقني
|
رد: حملة أكل القسط الهندي للحمل من بتشارك؟
كيف طريقه استخدامه ؟؟
وكم مره في اليوم وكم يوم تخذها بعد الدوره ؟؟ انا لسى باقي على دورتي اسبوع اذا ربي ما كتب هالشهر حمل راح ابدا اخذه معاك |
رد: حملة أكل القسط الهندي للحمل من بتشارك؟
هلا ام صالح الله يرزقج الحمل وما تحتاجينه
تشترينه اعواد وتطحنينه او تاخذينه مطحون من عند العطار بس انصحج تطحنينة بروحج افضل بعد الدورة مباشرة ابدي في حريم ياخذون 5 مرات بعد كل فرض بس انا لما بغيت آخذ لتنظيم الهرمونات خذته مرتين في اليوم بعد الغدا وبعد العشا والحمدالله نظم لي الهرمونات على طول هو مر وايد تاخذين ملعقة صغيرة وتشربين ماي وراها في ناس تاخذه مع العسل وحد ياخذه مع ماء الورد وحد يحطة في التمر كل حد وطريقته علشان يخففون المرورة بس انا افضل اخذه مع الماي خلاص تعودت بس خذيه لمدة اسبوعين يعني لين ايام التبويض ووقفي عنه لأنه ينزل الدورة يعني بس لين ايام تبويضج وخلاص لا تاخذينه لأنه مدر للطمث والله يرزقنا جميع |
رد: حملة أكل القسط الهندي للحمل من بتشارك؟
يعطيك العافيه
وان شاء الله ما احتاجه ياحي ياقيوم والله متفاله هالمره زي كل شهر مدري ليش الله لا يخيب رجاي ويزرقنا من واسع رحمته |
رد: حملة أكل القسط الهندي للحمل من بتشارك؟
هلا بك يالغلا
بأذن الله انا ببدأ اخذه معك لو ماحصل حمل هالشهر بس يالغلا آخذه لين اول يوم تبويض ؟ او لين آخر يوم تبويض وشكرا واسال الله تعالى ان يرزقنا حمل بدون علاجات ياارحم الراحمين |
رد: حملة أكل القسط الهندي للحمل من بتشارك؟
آمين يارب ربي يكتب لكم حمل هالشهر وماتحتاجونه باذن واحد احد
ان شاء الله راح ابدأ معك غاليتي لما تخلص دورتي وانا حاليا جالسة اشرب البردقوش اول مرة اجربه ربي يجزاكِ الجنة |
رد: حملة أكل القسط الهندي للحمل من بتشارك؟
انا كتبت قبل عن فوائد القسط العظيمه وكثير ناس استفدو منه
وبديت استخدمه الشهر اللي طاف اليوم السابع من بعد الدوره وذا حين دورتي لها 3ايام مانزلت تتوقعوووووون هو السبب؟؟ |
رد: حملة أكل القسط الهندي للحمل من بتشارك؟
اقتباس:
|
| الساعة الآن 12:23 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .