تعالو نستفيد من أخطاء بعض أثناء الحمل

[ام القماري]

السلام عليكم ورحمة الله وبركاته

كيفكم ياحوامل ياحلوين

حبيت اضع بين ايديكم موضوع نستفيد ونفيد من الاخطاء السابقه أثناء الحمل
وكمان يستفيدوا البكريات من اللي والدين سابقا


يعني مثلا انا في ولدي البكري مارضعته طبيعي عشان كنت ادرس في الكليه
والنتيجه قلة المناعه لديه وكثرة الامراض من حين لآخر

وناويه ان شاء الله ارضع طبيعي مهما حصل
نصيحتي لكم يابنات الرضاعه الطبيعيه

اتمنى القى تفاعل من الكروشات ونشوف اخطائكم السابقه

[أم ماهر]

موضوع جدآ حلو وهادف يعطيك العافيه
انا بعد ولادتي ماكنت استخدم ادوية النفاس وبعد الاربعين تعبت من الافرزات
انصحكم باستخدام الادويه والله تتعبون من الافرزات 24ساعه واحراج مع زوجك

[حكآية عطر]

انا حملت وماهتميت قلت كل الحريم يحملون ويشيلون ويحطون ماضرهم وعآدي اشيل الاشياء الثقيله شوي واركض احيانآ
وبالرابع نزلت مني مويه بعدها منعوني من الحركه نهائي لين صبت كل المويه ومات الجنين ببطني ناشف باول السابع والحمدلله على كل حآل
الوسط والحذر زين بدون مبالغه

[رمش القمر]

انا ولدي البكر تلعوزت وتعذبت معاه يامن سافرت مع زوجي بنغبر جو وهو عمره ثلاث شهورطلع على حسابه
صغيره والله من رجعت من السفر وهو من مرض لامرض ماخف من هالمراض والتعب الا يام كمل السنه تعبت معاه وتعبته معاي عمري فديته الله يحفظه لي واخوه
من كذا اخذت درس بالثاني عرفت شلون اتعامل معاه
اصلا اول طفل ياقلبي عليه يصير دائما مثل التجربه الام تتعلم عليه ههههههه
فانصحكم اللي عندها طفل صغيييييييير لاتسافر فيه الا بعد سنه هذا اقل شي الا لضروره

[dolce]

والله فكرة كثير حلوة بس انا نصيحتي للكروشات الجدد والبكريات هي بعد الولادة انشاء الله الاستعداد نفسياا لانو بعد الولادة للمرة الاولى حياة غير واكثر شي الاكتءاب الي يصيب المراة والي تحتاج دعم ومساعدة كبيرة من خلال الزوج والاهل فاقول لهم فترة صعبة بس تمر الوحدة تحاول تتجاوزهاا وبيكون احسن لما الزوج يساعدهاا وياريت كل وحدة تشرح لزوجها هدا الشي من قبل عشان مايخليهاا تتعب لحالهاا بالفترات الاولى بعد الولادة

[صدفة عمر]

::



بسراحة موضوع حلو يسلمو


انا مثلك مارضعت بنتي طبيعي عشان المستشفى يرضعها صناعي

وتعودت يومين ترضع صناعي وكمان حلمة الصدر عندي معدومة

بس ذحين في حلمات صناعية تحطيها ع صدرك ويرضع منها النونو

وبكذا لاتقلقي اذا ماعندك حلمات ^_*



::

[توفيه الفوشيه]

صدفة عمر الحلمات الصناعيه وين احصلها

[ابتسم وبداخلي مليون طعنه]

انا ولدي رضعته طبيعي وما عطيته صناعي من اول ما انولد قلت احصنه من الامراض
النتيجه
بعد الاربعين ما نزلت الدوره وظلت على ذا الحال حتى كملت سنه في الفتره هذي استخدم حبوب مانع للحمل بس حبوب رضاعه علشان ولدي ما ينقطع عنه الحليب كل الناس اقنعوني ان الحبوب مع عدم نزول الدوره ما يصير حمل وهذا انا حامل في نهاية الشهر الخامس ولدي توه له سنه و5 شهور ورافض يترك صدري جالس يرضع مني سالت الدكتوره عن رضاعه وقت الحمل تقول ما تضر الجنين ولا طفل بس تضرني انا راح يصير عندي نقص في كالسيوم وحالتي حاله عاد انتم تعرفون اشلون تكون الحلمة الصدر حساسه اثناء الحمل احس بالموت لما يرضع ورافض يفكه
نصيحه مني
ارضعي طفلك طبيعي وشوي صناعي علشان ما تنقطع عنك الدوره واذا صار حمل لا قدر الله ولدك ما يصير متعلق فيك مره

[ابتسم وبداخلي مليون طعنه]

الف شكر لصاحبة الموضوع صراحه موضوع حلو وان شاء الله الكل يستفيد من تجارب بعض يسلمو يا عسسل

[عبير العمر]

موضوع جدا رائع ان شاء الله راح نأخذ بملعوماتكم وخبرتكم
يعطيك الف عافيه خيتوو على الموضوع