تكلفة التلقيح الصناعي بالمغرب ..بنات المغرب ممكن تفيدوني

[ام جمال ان شاء الله]

السلام عليكم حبيباتي بناتي منتداي العزيز

اخيرا قررت ابدا اول خطوة في درب العمليات واريدان ابدا بعملية التلقيح الصناعي iui
واريد اعرف تكلفته عندنا بالمغرب وفين ينعمل
ممكن بنات المغرب الي عندها فكرة او تجربة تفيدني
ولكم الاجر
ودعواتي لكل بنات القسم بالحمل والذرية الصالحة ان شاء الله

[ملك78]

السلام عليكم ورحمة الله وبركاته
أنا درتها في الدار البيضاء عند جينيكولوج مصلي ولكن مانجحتش لي تقامت علي ب درهم3200 هد المبلغ فيه إبر التنشيط وعملية غسل الحيوانات المنوية لزوج وإيد طبيبة هي ماشي مكلفة بحال الحقن المجهري وجدا بسيطة الله يسرها ليك يارب ويارب تنجح لك من أول محاولة

[ام جمال ان شاء الله]

بارك الله فيك يا ملك
انا رحت عند طبيب جينيكو في تازة وقالي راح يعملها لي لكن لم نتكلم في التكلفة والتحاليل
ممكن تحكيلي رحلتك وخطواتك وما اسم الادوية والتحاليل الي عملتيها
الله يفرحك يا ربي بالحمل عن قريب يا ربي

[ملك78]

آه على الرحب والسعة أول خطوة هي أول يوم في الدورة مشيت عندطبيبة شافت لي الرحم قالت لي مخاصس إكون تكيسات الحمد لله مكان والو عطاتني كلوميد من 2 يوم لدورة حتى 6 يوم من الدورة وعطاتني إبرة جونال ف 450 لمدة 3 أيام كنضن يوم 8 و 9 و 10 وقالت لي نشوفك نهار 11 من الدورة فعلا خديت هد شي بإنتضام الجرعة لي كنت كناخد من الإبره هي 75 الإبرة على شكل قلم ديرها في اليوتوب تشوفي شكلها وكيفاش كتخاد أنا أول مرة مزعمتش نديرها بوحدي مشيت لكلينيك فين خديتها المهم نهار 11 مشيت عندها لقات عند 3 بويضات الحمد لله كان حجمهم مزيان قالت لي زيدي جرعة أخرى من جونال اليوم يعني نهار 11 وكتبت لي على إبرة تفجيرية بريجنيل 5000 قالت لي خوديها نهار 12 من الدورة مع 10 مساء وراجلك إمشي نهار 14 في صباح بكري المختبر باش إيدرو ليه التحليلة وجهزوا الحيوانات المنوي من أجل التلقيح في نفس اليوم
فعلا مشيت أنا وراجلي في الصباح المختبر ودار راجلي تحليل بقينا كنتسناو في الطبيبة ملي جات دخلت الغرفة المخصصة جابوا ليها الحيوانات المنوية في واحد جعبة رقيقة كتسلقي وكتجول لك إسترخي كتدخل هداك تويو كتحاول لمكسيموم توصلوا البويضة وصافي من بعد قالت لي باقي مستلقية شوية على ضهرك وكتبت لي أوتروجستن من 16 حتى ل 25 من الدورة وأنا الصدمة كانت عند فاش كملت عاد قرات نتيجة التحليل وقالت لي أه للأسف هد المرة خرجت تحليلة ناقصة بزاف المهم دازت ولله الحمد إن شاء الله إنتي تنجح لك من أول مرة تفائلي خير
قبل مندير تلقيح قالتلي طبيبة ضروري ديري أشعة الصبغة باش نشوف الأنابيب واش سليمة أو لا فعلا درتهم والحمد لله كانوا مزيانين نصيحة ديريهم منها كطمأني عليهم ومنها كضمني نجاع العملية نسبيا هاد كنتي مزال مدرتيهاش
الله يسرليك غير توكلي على الله وديري التلقيح سهل بزاف وماديا ماشي مكلف بزااااف 3200 درهم مقدور عليها ماشي بحال 30000 درهم حقن مجهري هدي شوي قاصحة الله يجيب لي رزق ونديرها

طولت عليك الله يوفق الخير وفالك نجاح العملية بإدن الله

[ام جمال ان شاء الله]

ملك بارك الله فيك
والله شرحتي ووفيتي الله يسهل عليك وتيسر امورك للحمل ان شاء الله
انا عملت كلشي اشعة الصبغة والحمد لله مزيانة وعملت التحليلة ديال ايام الدورة ديال الهرمونات والحمد لله ماعنديش التكيس
لكن انا عندي كسل في الغذة وهي كاتاثر على المبيضين كاتيتكاسلو حتى هما وصار عندي ضعف في التبويض والحمد لله لانه كنت تابعت مع طبيب جينيكو بالتنشيط لمدة شهرين ووقفت لانه ما ارتحت له وكانت التكلفة اكثر من تكلفة التلقيح لانه طلب مني نجيب الدواء من اوروبا وجبته من مليلية ,
وانت لك كممن مرة عملت التلقيح
وشومشكلتك حبيبتي
الله يفرحك بالحمل ويفرحني ويفرح كل منتضرة يا ربي

[نور الرافدين]

حبيبتي ام جمال يارب الله يسهلك
ويارب تبشرينا بحملك
عاجلآ وليس اجلآ ويرزقك انتي وكل محرومة يارب العالمين

حبيت ادعيلك ياغاليه
ﻻن تعرفين انا من العراق

[ملك78]

وفيك بارك أختي أم جمال
أمين يارب جزيت خيرا على الدعوة الله يسر أمورنا جميعا
المشكل أختي عند زوجي عند ضعف في الحركة ونسبة كبيرة من التشوهات الحمد لله على كل حال
التلقيح درتو مرة وحدة حاليا تنفكر في الحقن المجهري الله يوجد لينا الرزق باش نديروه وجعل لينا فيه الخير آمين يارب

[jojo 123456]

الله يسر امورة والاخت ملك ما قصرت الله يرزقك ويرزقها وكل محروم ياااارب

[ام جمال ان شاء الله]

نور حبيبتي نورتي موضوعي اعرف طبعا وشكرااااااااااا
الله يتمم لك على خير يا ربي
جوجو شكرا وجزاك الله خيرا
ملك الله يسهل لك امورك وييسر عمليتكوتكوني انشاء الله حامل هدا العام
يا ربي
انه على كل شئ قدير
سبحانه وتعالى
واياه نسال ان يسعدنا في الدارين

[ام اية]

الله يسهل عليكم بالذر ية الصا لحة