الكشف الداخلي ...؟

[ريـم الفلآ]

السلام عليكم ورحمه الله ...

حبايبي انا بالاسبوع الثاني من التاسع وبكريه وجاتني امغاص مره فظيعه ورحت المستشفى وقالت


كشف داخلي ورفضت لان باقي لي ع موعدي ..


ومرررررره خايفه من الكشف لدرجه فظيعه ...

بسألكم لازم الكشف الداخلي ؟

ولاني م ابغاها تحرض الولاده مع اني تعبت وطفشت بس لان الم يروح ويجي م ابغى يحطون لي ظلق صناعي ..


بنات طمنوني الله يريح بالكم

[بحــ العيون ــــــــر]

الله يقومك بـ السلامه يا الغلا
وان شاااااااااااااااااااااااااء الله البنات يفيدونك

[؛,.جوري.,؛]

رفع إن شاءلله البنات مايقصرو ربي يسهلك

[ام وليد2005]

حبـــيــــبــتي بما انك لا تريدين طلق صناعي عليك بالمشي
نصف ساعة يوميا وأكل التمر بكثرة وممارسة الجماع
ان شاء الله تكون ولاتحاد طبيعية سهلة وما تحتاجين اي شيء
الله يقومك بالسلامة

[zainaby]

ماراح يعطونك طلق صناعي دام ما جا موعدك لسه

انتي شوفي الامك يجي منتظم ومايروح هاذا معناته طلق صجي

يعني لو تخافين من الكشف نطري للطلق الصجي ...

[عشرينية]

حبيبتي دام المغص يروح ويجي هذا طلق والكشف لابد منه الولادة كلها كشف وقياس
ومو لازم تخلصي التاسع عشان تولدي روحي وخليها تشوف الرحم كم فاتح
قوي قلبك وافسخي الحيا وروحي خخخخخخخخخخخخخ كلنا مرينا بتجربتك
الله يكتب لك ساعة طيبة يارب

[عااايشة]

وشنو اللي مخوفج من الفحص الداخلي ؟!!!!!!

احنا ننحرج منه بس مايخوف. ولابد منه
عشان تعرف اذا فاتح الرحم او لا
واذا فاتح كم صانتي

في بنات مايجيهم الم اصلا بس نزول ماء
ومن الفحص يبين ان الرحم فاتح ويدخلونها ولاده ع طول
ولا تقولين لسى باقي ع موعدي. من قال اصلا ان لااااازم
تكون الولاده على الموعد ؟؟؟؟

[ريـم الفلآ]

الله يسعد قلوبكم كل الي ردوآ ويفرج همكم بهالشهر الفضيل

[dr.loly]

اختي العزيزه ما تخافي

لازم منه الكشف الداخلي لمعرفه كم سنتيمتر فتح الرحم بالضبط
هو من يوصل 5 سم ويتوسع عنق الرحم مارح تحسيه ان شاء الله


ومافي شئ يحرض الولاده لانها من عند رب العالمين

ف الدراسات الحديثه اثبتت ان المشي والجماع ليس لها علاقه بتااااتا بتحريض الطلق


المشي فقط يحافظ علي تتثبيت ابنك بالحوووض..

عليك بذكر الله والاستغفار كثيرا واكل التمر فهو اكبر مغدي لعضله الرحم

تمنياتي لك بولاده ميسره

[منى العين]

انا مثلك كنت خايفه وما رضيت تفحصني الدكتوره
بس من نزل الماي عندي علی طول رحت وخليتهم يفحصوني وكنت خايفه
طلع عادي وفي وقت الطلق كل شوي يفحصوني وانا مو حاسه حتی بعد الولاده فحصوني يمكن 3 مرات
وخلاص صار عادي ما يخوف هو علی يد الا تفحص وخفتها