أفيدوني بخصوص اللازانيا

[حياتي توأمي]

صباح الخير يالغاليات
عندي استفسار

كل ما أحاول اسلق شرائح اللازانيا تتلصق معاي وتدخل في بعضها
وماقدر افتحها عن بعض وقت ما أرصها بصينية البايريكس
تعبتني
كل ما أسلقها تتعجن مني وتتلصق في بعض

افيدوني كيف اقدر أسلقها بدون ماتتشابك ببعض ?

[ريحانة الجنة]

ياقلبي قدامك عدة خيارات
تسلقي كمية قليلة اربع شرايح مثلا بالمرة الواحدة

تقلبي ياستمرار

ماي السلق فيه زيت (وملح طبعا )

لاتسلقيها اصلا ورصيها بالصينية وكثري الصوص شوي وراح تستوي بالفرن

وكمان انا عشان لاتلزق معي معجنات الباستا والمكرونات بكافة انواعها اشطفها بماء فاتر اول ماشيلها
من الماي المغلي تماما تصير مو معجنة

ان شاء الله تفيدك هالنقاط وعسى البنات يفيدونك اكثر

موفقة ياقلبي

[حياتي توأمي]

تسلمي ريحاانه
يعني اللازانيا ممكن تستوي بدون سلق ؟
بس اتوقع بتظل ناشفه حتى لو فيها صوص !!!

راح أجرب ان شاااء الله

[ريحانة الجنة]

انا ياقلبي للامانة ماجربت
بس كثير يسووها كذا يكثروا الصوص
وع ماينشف بالفرن تكون استوت

بس لو ماحبيتي النتيجة لاتدعين ع اختك ريحونة ها
ههههههه ان شاء الله تطلع النتيجة زي ماتبين

موفقة

[هبة الله 24]

اللازانيا اصلا بتستوي في الفرن انا دائما اعملها و عمري ما سلقتها راح اقولك طريقتي اتمنى تجربيها و تنجح معك

اعملي اول شيء قي الطبق البيشاميل ثم اللازانيا من العلبة اي ناشفة ثم طبقة من اللحم المفروم بعدين الصوص ثم البيشاميل ثم اللازانيا بعدين اللحم المفروم بعدين الصوص بعدين البيشاميل

اما عدد الطبقات مثل ما تحبي و كثري شوي البيشاميل غطي اللازانيا مليح عشان تستوي كويس و عشان تتاكدي من انها استوت اثقبيها مرة على مرة بالسكين حتى تشوفيها طرية

اتمنى اكون افدتك و بالتوفيق ان شاء الله

[حياتي توأمي]

هبه الله

مشكووره يالغاليه

ان شاء الله أجربها مثلي مانصحتيني انتي وريحونه


يسلموووووو

[ام ارجواااااان]

ضعي في ماء السلق زيت وما تلصق

بالتووووووووووووفيق

[حياتي توأمي]

يسلمو ام ارجوان

احط زيت ومافي فايده

يعطيكي العافيه عالمرور

[أسيرة زوجي]

أنا طريقتي أسلق بعض الأوراق لازم تكون منفصلة

يعني كل مرة أغلي طبقة

الله يوفقك يا رب

[إحساس إمرأة]

ماشاء الله الاخوات ما قصرو معك يالغلااا
ربي يوفقك ♥