اعراض مخوفتني

[لوليتآآآ]

صباح الخيرر ياحوامل

انا بحساب امي كل يوم 9 الشهر ادخل شهر بس حساب المواقع انا دخلت الخامس من يومين تقريبا
المهم بنات في اعراض عندي وانا مره خايفه منها صارلي كم يوم احس بالم من الجوانب اسفل الرحم اذا مشيت واحس المثانه مليانه بول وادخل الحمام ويطلع شي قليل وكل شوي ادخل الحمام الله يكرمكم ولا يطلع مني الا شي قليل واحيانا لا يكون طبيعي البول
انا خايفه من الالم اللي احس فيه لاني عندي تكيس في المبايض وخايفه انها بتأثر عليا او خايفه انو عندي التهاب فالبول
وكمان الامساك كل فتره يجيني والله متعذبه مره والمشكله دكتوري صعب ادخله لازم موعد وموعدي يوم 18
تنصحوني بكره اروح اي مستشفي خاص اعمل تحاليل واشاعه واتطمن ?? واللي مرت في حالتي ياليت تطمني

[حياتي توأمي]

ايوا حبيبتي ﻻازم تشوفي دكتورة
عشان تطمني من التحاليل. لأن التهابات البول خطر عالحامل لاسمح الله.
بخصوص التكيس لاتخافي منه حتي أنا عندي تكيس مااثر بحملي السابق
ولابحملي هذا الحمد لله

ماله علاقه. هذا التهاب بالبول اعتقد

الله يشفيكي حبيبتي
ويتمم حملك وحملنا علي خير

[حياتي توأمي]

بخصوص دخولك شهر جديد كل تاريخ 9 بالشهر
لاتعتمدي عليه حبيبتي
لأن اساسا في اشهر بتمر علينا مدتها 31 يوم
فاكيد مع مرور الاشهر تتقلص الايام اقصد ربما تدخلين شهر جديد بيوم 6 او 7 مو شرط 9
وهكذا

وبالتوفيق

[أم وتين♥]

نفس اعراضي ..
صلحت تحاليل قالت لي الدكتورة عندك التهاب بالبول
واعطتني اسبوع اكثر فيه من شرب الماء..
واعطتني موعد اعادة التحليل لو ماراح الالتهاب بتعطيني علاجات..
قالت لاتستهيني بالتهاب البول ..

[Orchid109]

والله الافضل استشارة الطبيبة اختي
بس ماتروحي لاي مستوصف اختاري الاكوس

[Orchid109]

والله الافضل استشارة الطبيبة اختي
بس ماتروحي لاي مستوصف اختاري الاكوس

[لوليتآآآ]

اليوم رحت المستشفى علوي تونسي انا اصلا ملفي عند دكتور صلاح بس اليوم عندو عمليات فرحت عند دكتوره عصمت قالتلي اسوي تحليلين بول واحد طلع اليوم والثاني زراعي يطلع يوم الاثنين وكمان فالت اسوي اشاعه علشان يشوفو عنق الرحم بس ماعرفت شنو هذي الاشاعه هي غاليه ب400 بس تقول ضروريه للتاكد وهي عاديه موجات فوق صوتيه للحوض
بس لسي ماعرفت نتيجة التحليل الساعه 3 برججع واشوف التحليل اما الاشاعه يوم السبت علشان الوقت تاخر وبكره اجازه
ادعولي والله خوفتني جالسه تتكلم عن الولاده المبكره وتتفلسف وخفت بصراحه

[قسطنطينية]

اعتقد اعراضك تدل انو عندك التهاب في المسالك البولية ،،، حاليا اشربي ماء كثير على ما تسوي تحاليل لاني مريت بنفس هالاعراض و كان التهاب و الماء كثيييير يخفف هالمشكلة ،،، متشوفي شر ان شاء الله خير ؛)

[زوجي قره عيني]

ربي يطمنك ان شاء الله
ويثبت حملك

[دانة العراق]

اختي انتبهي من الان لحين موعد طبيبك لازم تكثرين شرب الماء والسوائل
وانتبهي للبهارات والسبايسي وحتى الاشياء المعلبة اللي بيها مواد حافظة لازم تمتنعين عنها
لان الاعراض اللي عندك هي نفسها اعراض الالتهاب وانا بحملي الاول شفت الأمرين بسبب الالتهاب لان ماكنت انتبه لشرب السوائل وحتى دخلت مستشفى مرتين لهذا السبب