مستعجلة على الحمل .. تنصحوني اخذ ابرة تفجيرية

[أم مؤيد بإذن الله]

السلام عليكم بنات

ابغى اقولكم قصتي واعطوني نصايحكم جزاكم الله خير

انا اخذت كلوميد برمضان و حملت الحمدلله بشوال
واسلبت بعيد الاضحى كنت باخر اسبوع من الشهر الثالث

وجاتني الدورة بمحرم واخذت كلوميد
وبعدها جاتني بصفر
وبرضو اخذت كلوميد
وانا دحين باليوم ال 12 من الدورة
ويا بنات انا مررررررررره متحمسه للحمل مره
تنصحوني اروح اخد ابرة تفجيرية
لاني كثير تعبانه نفسياً
وكم يكلفني لو اخذت هالابرة
وهيا بالعادة متى نآخذها بايا يوم
انا من السعودية

[حياتي توأمي]

حبيبتي الابره التفجيريه عاديه جداً
وموغاليه كثير
وعلى حسب دكتورتك شو تنصحك تاخذيها او لا
وطبعاً هي بتساعد عالحمل
لأن عملها انها تفجر البويضه اكيد
وتنزلها لقنوات فالوب عشان تتلقح

الله يفرح قلبك ان شاء الله

[ندى الوردة]

ربي يفرج عليك ويرزقك في القريب العاجل آااااااااامين
ان شاء الله الي جربو الإبرة يفيدوك

[عهووود11]

انا اخذتها بشهر ١١ بس ربي ماكتب لي الحمل للحين
هي يعطيك الدكتور بعد مايقيس حجم البويضات ووقتها يكون ب ايام التبويض
مو غاليه.
الله يرزقك يارب وادعي لي

[غصه مكتومه]

الله يرزقك ياارب في الحمل عاجلآ
بس الابره الدكتوره تحدد لك اذا بتاخذيها او لا
لان تعرف الوقت المناسب لها

وان شاءالله الله يكتب لك الي فيه خير لك يااارب

[حبيبت عمر]

حبيبت قلبي ام مؤيد. انصحك تأخذيها هي كثير مساعده على الحمل وانتي بيوم 12 من الدوره نفسي بالضبظ أنا وانا ماخذه كلوميد هالشهر وبكره عندي متابعه تبويض عشان اخذ ابره تفجيريه انصحك شليها وهي ابدا مو مكلفه ويلا أنا وانتي بنشلها سوى أنا ان شاءالله باجر موعدي. وانا بكره اكون 13 يوم من الدوره وانتي روحي بكره وشوي سونار واذا التبويض كويس قوليلها تعطيج ابره تفجيريه واستعدي للحمل يارب يكرمنا جميعا الحمل من غير حساب يارب

[أم مؤيد بإذن الله]

مررره فرحت بردودكم
الله يجزاكم خير يارب
يعني عادي اخذها وانا مآخذه كلوميد

وبالله قولو لي اللي اخذوها كم سعرها
لان حالتي المادية مو تمام
ولازم يكونرعندي مبلغ كويس عشان اخذها

[غصه مكتومه]

اييه عاادي تاخذيه وانتي ماخذه كلوميد
انا استخدمت الكلوميد بس دكتورتي قالت عندي تبويض كويس واحجام حلوه للحمل
ناتحتاجي ابره لان ممكن يكبرن ويتحولن كيس
وفيه ناس تحتاج الابره

وسعر والله مدرري بَـﺱ اتوقع مو غاليه

[حبيبت عمر]

اي حبيبتي ينفع تاخذيها مع الكلوميد اساسا نحتاجها مع الكلوميد إذا البويضه بحجم 17 او 18 او 20 واحيانا إذا 22 يعطون ابره تفجيريه عادي وبالنسبه لسعرها بالسعوديه اظن 60ريال لكن حبيبتي احتمال تعطيج ابرتين في ابره واحده حسب كم ابره تحتاجي حريم يحتاجو ابره و وفي حريم ابرتين يعني في عيار 5000وفي عيار 10000ويارب يرزقج من واسع فضله دعواتلج لي بالحمل السليم يارب

[حياتي توأمي]

ام مؤيد طبيعي جداً تاخذيها مع كلوميد
أنا اخذتها. بعد الكلوميد وابر منشطه بعد. وبعدها ابره تفجيريه والحمد لله لك يارب حملت بفضل الله
عقبالكم ان شاء الله