بين الدراسة و الإنجاب

[فاطم]

السلام عليكم و رحمة الله و بركاته

كيفكم أمهات ..

هذه أول مشاركة لي بينكم بس أنا لي كم شهر متابعتكم باستمرار و متابعة حالاتكم ،

اللي خلاني أسجل و أشارك بدل ما أكون متفرجة هي مشكلتي اللي مأزمتني هالفترة


أنا طالبة في الجامعة و الحمد لله و باقي لي كم سنة ع التخرج مو سنة أو سنتين ")
مشكلتي هي إني حاليا في نهاية الشهر السابع ما شاء الله يعني باقي لي قليل ع الولادة و كل تفكيري في أن هل هالبيبي بيآخذ من وقت دراستي مستقبلا و الا بقدر أوفق بين البيت و الدراسة "(

أنا تعلقت في الجنين قبل ما أشوفه و ما أتخيل نفسي أترك الدراسة لا سمح الله خايفة أضعف قدام الظروف الجاية ،،
أبغاكم تساعدوني كيف أقدر أحافظ على مستواي الدراسي ما ينزل و أنا بتنضاف لي مسؤولية جديدة غير البيت و الزوج ؟
المشكلة هي إني ما أعرف نماذج من البنات اللي حولي أنجبوا و يكملون دراسة الا قليل و معرفتي فيهم سطحية فأستحي أسألهم ، قلت أسألكم يمكن فيه أحد منكم خاض التجربة ،

فكيف أقدر أتخرج بمستوى ممتاز و أوفق بين المسؤوليات الثلاث البيت و الزوج و الطفل ")

الله يحقق لها مناها اللي تثلج صدري و ترد و لو بدعوة ()"

[ام سهيل]

الله يخفف عليكي ويساعدك يارب

[حياتي توأمي]

حبيبتي نظمي وقتك
لما يكون البيبي نايم تقدري تحفظي وتذاكري
واذا حد من اهلك يقدر يساعدك وتخلي البيبي عندهم بأيام الامتحانات
او تجيبيلك مربيه للبيبي تساعدك
والله يسهل أمورك
وممكن تتركي البيبي في حضانه قريبه لك من الجامعه حتى تنتهي دراسه
وموفقه ان شاء الله

[sweet90]

وعليكم السلام ورحمة الله وبركاته
هلا فيك بين أخواتك

شوفي المسؤولية راح تكون صعبة شوي بس بإصرارك وعزيمتك تقدرين تتخطين الصعوبة
نظمي وقتك وخلي في أولويات
البيبي خليه عن اهلك وقت الاختبارات والصباح وديه حضانة
مثلا تغسيل الملابس خصصي لها يوم بالويك اند لاتنشغلين فيها وسط الاسبوع خليه للأولويات بالبيت ودراستك
تعودي تصلحين اشياء سهلة للغدا والعشا
واذا انضغطتي جيبي خدامة بالساعة تساعدك بالشغل

وبعدين اذا قرب التخرج وماقدرتي تكملين انتظام حولي انتساب
ولاتخلين احد يحبطك وتوقفين دراسة ابدااا
اتعبي شوي بعدين ارتاحي
اعرف بنات يدرسون وقسم مو سهل والله معاهم على بيبي او اثنين وعادي ماشين حتة لو نزل المستوى شوي
واعتذري من زوجك عن اي تقصير وقولي فترة وتعدي ان شاء الله
اتمنى مااكون طولت عليك
الله يوفقك لما يحب ويرضى ويسهل لك طريق العلم

[فاطم]

أم سهيل
آميين وياك يارب ، الله يسعدك و يخليك ()"

حياتي توأمي
كلامك عين العقل ،
بس أنا خايفة إذا رجعت البيت عشان أريح جسمي و أبدأ بالمذاكرة أكون قدام مسؤليات كثيرة للبيبي ما أعرف كيف أتجاوزها لحالي

ربي يسسعدك على ردك اللي يرد الروح ششكرا ()"

سويت
حلوة فكرتك في تنظيم المهام ، إن شاء الله بطبقها
بس المشكلة أهلي مو عندي بنفس المدينة ، إن شاء الله ألقى من يمسكه عني وقت مذاكرتي
الله يسعدك و يسخر لك عباده شكرا ()"

[عروستة]

حبيبتي اتكلي ع الله تتيسر

سبحان الله كل ماقلتي و على الله فل يتوكل المتوكلون .. الله يسهلها عليك

انت منتي اول و لا اخر وحده تولد وهي تدرس

انا اغلب صديقاتي متزوجات و يدرسوا ومعاهم ولدين او ثلاث

و عادي البيبي يجي و يجيب رزقه معاه تطمني مافي شي الا وحكمته معه

و انت خذي الموضوع باإجابيه ان شالله راح تكون حياتك منظمه و مرتبه

و لا تحاتي شي

و بنسبه ا بعد الولاده هي اول ايام الولاده تكون صعيه عشان التعب و البيبي يكون كثير يبكي بس عادي خذي اجازه اسبوعين ترتاحي فيهم و تستردي صحتك و تهتمي في البيبي

بعدها اذا بدا الدوام خلاص تترتب الحياه و تستقر نفسيتك و الروتين يصير عادي


اتوكلي ع الله ان شالله ماكوا الا كل خير


عادي الحامل توسوس بس بعدها الله يسرها

انا وربي كنت احاتي مثلك تزوجت و انا ادرس و ًحملو وانا ادرس و الان ولدت و تعب الولاده مرررره مررره يبغاله لكن اتوكل ع الله ربي يحفظ بنتي و يحميها

و ان شالله دراستي اكملها و تستمر الحياه

ولابد من الضيقه و الاحباط في بعض الاوقات بس الحمدلله رب العالمين ع كل حال اشكرك ياربي

[حنونة المشاعر]

انا مثلك طالبة جامعية وحامل باخر السالع واكمل دراستى

كل شيء يجي بالدعاء والله يسهل علينا ياااااارب

[عطر الربيع]

حبيبتي هو صعب انك توفقي بيناتهم بس مو مستحيل
انتي بس حطي لنفسك برنامج وبعون الله حتقدري

الله يوفقك ويهون عليك ويسعدك ياااا رب

[منااير]

انا رايي الشخصي يقول انه دراسة وطفل او شغل وطفل
بيكون ظلم للطفل لانه من اكيد رح تقصري بحقه مو مثل لما تكوني متفرغة للطفل
وقصة انه يكون بين يد فلان وعلان في غيابك حتى لو من اقارب
الطفل ممكن يتعرض لاذى او شي اخر و يتشتت بين تربية امه و تربية غيرها
برايي الام لازم تكرس وقتها وحياتها للطفل .. لكن طبعا اكيد بقدر انه فيه ظروف تحكم انها تشتغل لو محتاجة
هدا رايي بس من وجهه نظري وماحد يهاجمني

[فاطم]

عروستة
انبسطت كثير لما قريت كلامك و ارتحت بنسبة كبيرة
الله يسمع منك و يهون الصعب و يعين يارب

و صحيح اجازة الأمومة لطالبة الجامعة اسبوعين بس / فكنت خايفة اني أرجع و أنا ما استردت صحتي ، و انتي مجربة ريحتيني لما قلتي اسبوعين يعني ان شاء الله تكفي أسترد لو جزء لا بأس به من صحتي

صحيح و الله ، أنا حاسة ان الحمل مخليني أوسوس أكثر من اللازم
ربي يحفظ لك البنوتة و يفرحك فيها بشوفتها عروسة ياارب
ششكرا على ردك ()"


حنونة المشاعر
الله يسمع منك و يسهل علينا جميع و يفرحنا بالبيبي و بالمعدل يا رب
يسعدك ربي و يوفققك شكرا ()"


عطر الربيع
إن شاء الله ربي يقدرني و أمشي على برنامج و ما ألقى معيقات في طريقي
ربي يرزقك من واسع خيره و يسعدك أكثر و أكثر شكرا ()"


مناير
اممم صحيح أنا معاك من ناحية انه بيكون البيبي في أكثر من يد و هذا تشتييت للبيبي
لأن أكثر من أسلوب تربية بيواجه و هذا شايلة همه كثير و مقلقني
بس أنا مو معاك من ناحية انه تتوقف حياة الأنثى بمجرد ما تنجب
فيه حلول ترضي مستقبلها و مستقبل البيبي و هذا اللي أبحث عنه ^^

لا شدعوة هذا رأيك ومن حقك محد بيهاجمك عليه ^^
الله يسخر لك البيبي و يرزقك بره و يسخر لك زوجك و يسعدك يارب شكرا ()"