مرحبا بنات كيفكم ان شاء الله الجميع بخير
انا راح ادخل بالموضع بدون مقدمات لان نفسيا تعبانة سبق وان تحدثت بمشكلتي من قبل في هذا المنتدى الجميل و العضوات في المنتدى قدموا النصائح و الارشادات لي و جزاهن الله خير جزاء و مشيت على جميع النصائح ولكن مشكلتي ما تزال قائمة الى الان !!
مشكلتي كالاتي ,, زوجي تعب نفسيتي حطمها تحطيم شامل زوجي مدمن لعب القمار تكلمت معه مرارا و تكرارا حاولت بكل الطرق كلمته بالكلام و الاسلوب الجميل و انطيته امثله على اشخاص مدمنين وين وصل بيهم الحال الى حد الرذيلة و القحط , ولم ينفع هذا الكلام معه , زعلت منه و طال زعلي عليه و لم يأبه بي ولا اهتم و رجعت نتكلم عادي , تعاركت وياه و مجاب اي نتيجة كلمت اهله نصحوه مفاد اي شي كلمت اهلي ميقبل يتكلم ويه اهلي بالموضوع , مللللللللللللللللللللللللليت تعبت انهارت اعصابي محصلت شي من وراه غير بس الهيستريا الي صارت بيه بسببه لان قبل ما اتزوجه كنت انسانة بقمة الرقة و الهدوء و اهلي و صديقاتي و جيراني يشهدون بهذا الشي صبرت عليه اشهر طويلة ما اكلمه بموضوع القمار قلت مع نفسي بلكت يحس على نفسه و من حاله يترك القمار هم مفاد بيه زهكت يا بنات و الله شاهد شلون حالتي هسه , يعني الله يقبلها كل فلوسه صرفهم على لعب القمار و هسه باقي اله شيء قليل ولا اعرف كم من المال عنده وفوك القهر يعطيني مصروف شبه معدم كل شهر طبعا بالحاح مني ياله ينطيني و حتى المصروف الي يعطيه الي و جدا قليل واني احتفظ بيه من شهر الى شهر اسد بيه حاجاتي البسيطه جدا قام ياخذ من المصروف المعدم الي باقي الي و يصرفه في القمار او مرات يشتري بيه مواد غذائية للبيت بسيطة من خبز او خضرة ولحم هذه الاشياء و يقول لي لا تخافين ارجعلك المبلغ الي استلفته منج صحيح هو يرجع الي يستلفه مني لان هو مبلغ تافه بس هذا الاسلوب يحسسني بالقرف منه و يصغر بنظري اضافة لهذا الشي هو بخيل معي و كل العالم يعرفون بالبخل مالته من اهله او حتى اصدقائه ,, حطمني و اني عاطلة عن العمل و اعيش في الغربة و يعرف هو اني اعتمادي على الله وعليه و نسكن في ايجار و كان في مقدوره ان يشتري بيت و يلمنه بيه و نحن نسعى حتى نسوي طفل لان ما عدنه اطفال و انا الان عمري 34 سنة و بسبب لعبه في القمار صرت اخاف افكر بموضع الطفل مع الرغم حابة اصير ام ومن حقي هذا الشي بس بنفس الوقت مترددة وخايفة لان هو ما اله امان كلمته قلت اله نحن نحاول نسوي طفل لازم تفكر تترك القمار ميجوز هذا الشي لازم تفكر بالمستقبل ميهتم في كلامي كانما اكلم الحائط صارلنه فترة ماكو اي مشاكل بينه و حلوين و يا محلانه مع الرغم هو يروح لللعب القمار بس على الخفيف يروح لان فلوس ماعنده كاش واحاول اني اتناسى مشكلة لعب القمار بس هو الي يسوي المشاكل و ميخلي حياتنه يسودها الهدوء من يوم الجمعة الي مضت كان المفروض يكون بالبيت لان اني في فترة ال 13 من الدورة و هذه الفترة جدا مهمة للحمل هو تركني و راح على لعب القمار و اني كنت متفقه معه على هاي الفترة لازم نلتزم بيها و السبت يوم ال 14 من الدورة كانت و هم قضى و قته كله بالقمار و رجع للبيت الساعة 2 ليلا و حاول اني يتقرب مني بس مقبلت اني لان نفسيتي انكسرت من يمه , لان يريد الامور على مزاجه تعبت منه كثير و البارحة صارت المشكلة الي بسببها كسرت فازه الورد و جرحت ايدي لا شعوريا , ومن اكلمه بالموضوع امس يقول لي اني معايش بخيرج هذني فلوسي و انتي ما الج اي دخل بيه و عرفي حدودج ويايه ويقول لا انتي ولا الي خلقج يقدر يحاسبني و يقول لي وين تروح وين تجي و ليش تتصرف هيج تصرف يقول محد يحاسبني ,و اني طبعا شبت نار بيه من كلمني بهذا الاسلوب قلت اله اني من اكلمك لان احنه حياتنه سوى مع بعض و الي يضرك يضرني و الي يفيدك يفيدني و اني مقلت شي على فلوسك بس كنت اظن اني وياك واحد يقول لا نحن مو واحد انتي وحد واني وحد ,,, كسرني بكلامه هذا و كرهته و عرفت حجمي و قيمتي عنده شنو و اني قررت ما اسوي اي اطفال منه و هو اصلا مديصير ما اعرف شنو السبب يمكن الله اله بيها حكمة و ارادة , و بيها خير يجوز الي , و قررت بس تترتب اموري و اشتغل و اقدر اعتمد على نفسي اطلب الطلاق منه لان ما اتحمله بعد !!!!! رايكم يا بنات اتمنى تشاركوني بمشكلتي هاي العويصة و الله تعبت و احس بذلة و اهانه اني كل همي كان اريد حاله ينصلح و نعيش اني وياه عائلة طبيعية بدون هاي الافة الي اسمها القمار و كنت حابة كلش يصير عدنه اطفال بس كسر كل شي حلو بينه مع الاسف و هذا الشي مو سهل عليه لان احسه شخص غريب عني مو زوجي ,, شتنصحوني يا بنات ,, اسفة على الاطالة بس هذا الي ديصير ويايه و الله شاهد على حالتي هاي ,,, شكرا جزيلا لكم