ماتوقعت تعب الرضاعة .. (قصتي مع صور)

[اذهبة]

بسم الله الرحمن الرحيم

السلام علييييكم .. .



بصراحة ماااا توقعت ان الرضاعة صعبة لهالدرجة


يومي مو لي أبد.. كل شوي لازم أرضع !!!!!


[ . . قصتي. . ]



انا يوم كنت بالمستشفى كانو لما اييبون لي ولدي ارضعه اخاااف لأنه يألمممممني واااايد


فأول مارجعت من المستشفى صرت كله بسسسس أشفط له بالآلة الشفاط (ميديلا) .. بالكهرباء ويصير بالبطارية واعتمدت هالطريقة فقط





مريييحة ( الى حد ما ) . .

مشكلتها صوتها مزززعج،

فلازم اروح مكان في البيت مافيه احد واشفط ،،

احطها على درجة قويــــة علي عالصدرين اجمالي المدة (30دقيقة) . .


واللي يطلع الحمدلله كان يكفيه..

اسخنه بآلة التسخين ..


يشربه وينام لمدة 4 ساعات تقريباً ويصحى مرى ثانية اكون مسوية له وحدة من قبل لا يصحى


هاذي آلة التسخين



احط ماي واشغل الكهربه وتسخن في غضون 5 دقايق




والمشششكلة الثانية في الشفاط
ان لما يصحى واكون انا مثلا ماجهزت له رضعة من الشفاط لأني مثلا كنت نايمة او انشغلت يصيييح ويصيح ويصير مافي وقت اشفط له لمدة (30دقيقة)




فقررت أجرب أرضعه من صدري..

كميزة وقت ما يبي حليب أحطه على صدري جاااهز



لـــــــــكن
ما توقعت ان الموضوع صععععععب لهالدرجة..


من ناحية الألم الحمدلله قدرت أتأقلم مع الألم وخف علي وايد الحمدلله



لكن المشششششششششششكلة...



إنه يرضع

مني لمدة ســــــــاعة كاملة تقريباً ...

وما ينام بعدها


اكتشف انه يوعان وما شـــبـــع !!!!
ربي يحفظه

يمكن شفطه ضعيف.. ؟!



قمت وعطيته رضعة حليب صناعي وما شاء الله شربها كلها ونااام ما شاء الله بارك الله
وهاذي المرضاعة . .




بس الحلمة احسها مع الصناعي يمر الحليب بطئ،

شكلي باخذ حلمة اكبر منها.. مع انها بتكون اكبر من عمره.. انتو اشرايكم؟؟
اخاف يشرق بها..





الـــــــمــــــهم . .

انا نفسيتي مش ولا بد
وتبعب واحس روحي ضاااايعة . .



انا اول مرة أربي ومو عارفة شاسوي

أرجووووووكم فيدوني شاسوي . . شنو النظام اللي لازم امشي عليه


مع العلم انا ابي أعوده عالصناعي لأني بعدين برجع للدوام ..



يــــــزاكم الله خيييير

في انتظااااركم

لاااا تخيبون أمليي فيكم بعد الله

[اذهبة]

احبااااااااط . . مــــا في و لالالا رد :(


خوااتي بعد أحس الحليب في صدري خف..

اليوم يوم رجعت حق الشفاطة حسيت الحليب أقل من كل مرة !!

[المتأمله خير]

هلا حبيبتي
وربي يحفظ لك ولدك
اذا انتي لسه في الاربعين
ف طبيعي انه بألمك
والله انا ببكري
كنت اموت من الوجع
لكن كنت اتحمل والله مرات كنت احس حراره تطلع من صدري وانا ارضع
لكن صبرت واتحملت سبحان الله ما مرت الاربعين الا وانا ارضع بدون الم
واذا على النظام اللي حابه تمشي عليه
قوليلنا على شو رسيتي صناعي ولا طبيعي
او الاثنين كع بعض
وان شاء الله بنساعدك

[مرهفة الإحساس]

حبيبتي الالم طبيعي جدا في اول شهر وبعد ما يخلص ابنك رضعته ادهني صدرك كريم مرطب وان شاء الله يزول الالم
على الرضعات ما اعرف في تنظيمها لاني وقت ما يجوع ابني ارضعه يعني مش مرتبطه بنظام معين

الله يخليلك ابنك ويحفظهولك يارب

[اذهبة]

المتأملة خير .. ما شاء الله ربي يحفظج تنوريييين مواضيعي والله


مرهفة الإحساس .. اي انا جربت ان كل ما يجوع اعطيه، صار كل ساعة ونص او اقل يجوع لأنه مايشبع واذا اعطيه من صدري يبقى عليه ساعة تقريباً :(




- - - -


الألم مو مشكلة بالنسبة لي، الحمدلله .. بس المشكلة انه يبقى ساااعه كاااملة يرضع واكتشف انه ما شبع مني شي..

جربت عقب مارضع من صدري سااعة، عطيته رضعة طبيعي في مرضاعة شاطفتها شربها كلها تقريباً يعني كأنه مايشرب زين من صدري مباشرة


وانا مقررة أجمع بين الطبيعي والصناعي..



انا تقريباً قررت ان اشفط له وأعطيه. .
ورضعة الليل اعطيه صناعي . .
وممكن مرة في اليوم اعطيه من صدري.

[فاغره]

مو شرط نكون الر ضعات كلها من صدرك وانتي صاحيه اشفطي وخليها برضاعه وانتي نايمه سوي حليب عادي مو لازم كلها من صدرك يعني لو رضعتي باليوم 3 رضاعات كويس والباقي اعطيه حليب عادي والله يعينك

[اذهبة]

المشاركة الأصلية كتبت بواسطة فاغره

مو شرط نكون الر ضعات كلها من صدرك وانتي صاحيه اشفطي وخليها برضاعه وانتي نايمه سوي حليب عادي مو لازم كلها من صدرك يعني لو رضعتي باليوم 3 رضاعات كويس والباقي اعطيه حليب عادي والله يعينك

اختيي فاااغرة الللللله يريح بااالج مثلما ريحتيني . .

انا لما اقول حق احد اني ما أرضعه من صدري كأني مسوية جرييمة :(
يخلون نفسيتي كلللش ..


خلااااص باعتمد كلامج ان شاء الله :)

[يارحيم]

بالنسبه ان ولدك يطول هالشي طبيعي لانه ماتعود يرضع من صدرك اللي يحتاج قوة اكثر.. ولدي كان بالاربعين يرضع لمدة ٤٥ دقيقه بعدها بساعه وشوي يجوع مرة ثانيه.. لكن مع الوقت تعود وصار خلال عشر دقايق او ربع ساعه يخلص ويبقى ساعتين لين الرضعه اللي بعدها..

لو ولدك تعود على الرضاعات وبالذات اللي تفكرين تجيبينها اللي فتحتها اوسع مارح يتقبل صدرك بعدين.. اذا حريصه على الرضاعه الطبيعيه نصيحتي انك تحاولين تخلينه يرضع من صدرك اكثر لانها مسألة وقت ويتعود ويصير اقوا واسرع.. ممكن تستخدمين الشفط والصناعي بعدين بس بالبدايه ركزي على صدرك اكثر لانه اريح اذا تعود ولدك عليه.. بعدين اشفطي كل يوم مرة او مرتين وخليه يرضعهم وانتي بالدوام وممكن الصبح بدري او الفجر رضعه صناعيه تشبعه وتصبره.. لكن قبل النوم نصيحتي رضعيه من صدرك لانه سبحان الله الحليب بالليل في صدرك يكون دسم وفيه دهن ويساعد على النوم.. خليه يخذ اخر رضعه من صدرك وينام وعلى الفجر كذا عطيه صناعيه وخلي المشفوط بالثلاجه اذا احتاجوه وانتي برا..

اذا حسيتي حليب صدرك بدا يقل كثفي الشفط يعني اشفطي كل ساعتين لمدة يوم او يومين وبتشوفين كيف يرجع يكثر بشكل كبير..

[يارحيم]

ما قلتي لنا كم عمر ولدك ومتى بترجعين الدوام؟

[king_ro7e]

شوفي حبيبتي لاتقولي قدام الناس وهذا شي خاص فيك وصناعي وطبيعيراهم شي صحة البيبي
وع فكرة انا كنت اشفط صدري شهرييين وجف لانه صدري كان صغير وماكان ولدي يقدر يمسكة وفيه حلمات يبيعوهم تركبيهم على صدرك ويشرب بكل سهولة البيبي بس للاسف انهم ماقالو لي الا بالوقت المتئخر
بس انا عندي اهم شي صحة البيبي وجربي ذول الحلمات وخلك عالشفاط شوفي الي يريحك وربي يخليه ويحفظه لك