حيره في التحليل المنزلي .. يارب اعطني الصبر لوقت نتيجة الهرموني

[عظيمة الشوق]

السلام عليكم ورحمة الله
يابنات انا الشهر اللي فات اخذت كلوميد ومرخت والنتيجه ان الدوره نزلت قبل موعدها نزلت يوم ونص ووقفت وكان نزولها خفيف جدا ف شكيت انا بالحمل جبت اختبار حمل وطلع خط ثاني خفيف جدا باقل من نص ساعه صراحه انا ماعتمدت عليه لانه خفيف مره بس مع مرور الساعات غمق شوي وبعد يومين جبت تحليل ثاني ومابين الخط الثاني طلعت من البيت ورجعتله بعد ساعات طوله ولقيت برضو خط خفيف صراحه النتيجه حيرتني
واليوم رحت لمستشفى حكومي سوتلي الدكتوره تحليل بول طلع مافي حمل مع العلم ان الممرضه مانتظرت ع التحليل خمس دقايق اقل من كذا لما قلت للدكتوره عن التحليلين اللي بالبيت وخااصه الثاني انه بين الخط بعد ساعات طويله قالت طالما بين معك خط لازم نتاكد وسوتلي تحليل دم هرموني والنتيجه بعد يومين

بنات انا احس بالام دوره خفيفه ومعدتي غثيان وظهري ماقدر اتحمل المه

بصراحه انا مستبعده الحمل من اول لان بين الخط الثاني بين بعد الوقت المحدد مكتوب ع الاختبار انه من خمس دقايق تبين النتيجه لكن تحليلي الاول بنص ساعه بين والثاني مادري متى بالضبط بس مو اقل من ساعه
بنات الدكتوره عطتني ذرة امل بالحمل من صارلها مثلي او شبه حالتي وطلعت حامل. ؟

[يآ أرحم الرآحمين]

حبيبتي الخط الذي يظهر بعد ساعات هذا اسمه خط التبخر
لذلك اي اختبار تركتيه لمدة ساعتين أو اكثر أعتقد راح يظهر الخطين

بس ولأنه طلعلك خط بالتحليل الأول فلسة فيه امل ومالك غير تنتظري التحليل الهرموني
ويااااارب تكوني حامل لا تنسي تبشرينا

[ملامح حاليه]

اسأل الله رب العرش العظيم ان يبشرك بالحمل بعد يومين

[bnt elnour]

الله يرزقج حبيبتي

[om baraah]

ربي يفرح قلبك حبيبتي

[البريد الملكي]

ان شا الله عزيزتي تكونين حامل مافي شي على الله مستحيل
بس انتي بعد حطي ببالج انه ممكن ما يكون حمل خصوصا ان الخط الثاني يطلع معاك متأخر
يا رب تجين وتبشرينا

[عظيمة الشوق]

يعطيكم العافيه حبيباتي
والله انا كتت متوقعه مو حمل طبعا التحليل الثاني انا كنت واثقه انه خط التبخر لانه طول مابين ولونه رمادي فاتح لكن التحليل الاول بين بنص ساعه او اقل وكان يميل الى الوردي رحت للمستشفى وانا مقتنعه ان مافي حمل بس رحت اتاكد وبرضو اعرف ليش الدوره نزلت علي يوم وخفيفه جدا لكن الدكتوره اعطتني امل بالحمل لانها قالت طالما بين معك خط ثاني لازم نتاكد هرموني
ادعولي يابنات محتاجه لدعواتكم

[انثئ مجرده]

والله تستاهلين كل خير الله يرززقك يارب يكون حممممممممل .. وتبشرينا ..

[حياتي توأمي]

حبيبتي عظيمه اذا الخط يبان لونه زهري ان شاء الله حمل
اما اذا كان شفاف وماله لون معناه خط تبخر

ويارب ياحبيبتي تبشرينا بعد يومين وتطلع نتيجه الهرموني هو البشاره يااارب

[عظيمة الشوق]

فديتكم

لا الخط في التحليل الاول اللي ظهر باقل من نص ساعه لونه وردي لكن خفيف جدا مع الوقت غمق وصار بين الرمادي والوردي اما التحليل الثاني اللون رمادي خفيف مع العلم اني ماشفت متى طلع الخط الثاني لاني طلعت من البيت بس اللي متاكده انه ماطلع باقل من ساعه وانا التحليل الثاني مو مصدقته نهائي احسه مو حمل والله يكتب اللي فيه الخير