الحمد لله على كل حال تبويضي باليوم 12 من الدورة

[حياتي توأمي]

السلام عليكم ورحمة الله وبركاته


بنات أنا كان يوم تبويض البارحه كان اليوم 12 من الدورة طبعاً مثل ما انتو عارفين من مواضيعي السابقه اني اخذت الشهر اللي فات ابره تفجيريه ونزلتلي الدورة باليوم 14 من ابرة التفجير ولله الحمد على كل حال..

المهم لما جتني الدورة فاجئتني لأني ماتوقعتها تنزل على طول يعني من 14 يوم بعد الابره
فطبعاُ ما أمداني آخذ منشطات للشهر هذا وتركتها على رب العالمين قلت خليني أجرب بدون منشط هالشهر وبنفس الوقت أرتاح شوي من تعب هالمنشطات ..
المهم كنت متابعه التبويض يوم أمس 12 يوم من الدورة وكان للأسف حجم بويضتي 11
وطبعا ماتنفع للحمل ولايجوز آخذ ابره تفجيريه لها ..
المهم الدكتورة قالتلي سوي اشعه صبغه هالشهر لأن مستبعدين الحمل فيه لصغر البويضه
فقلتلها أنا سويت اختبار قنوات قالت ماينفع هذا شيء وهذا شيء ثاني قالت وين تقاريرك اللي سويتيها قلتلها ماعندي قالت لازم اشوف التقارير عشان نبتدي خطوة صحيحه تقول ما انصح تاخذين منشطات وممكن الانبوب لاقدر الله فيه التصاق من العمليه القيصريه اللي سويتها بحملي الأول

المهم بنات انا اختبار القنوات اللي سويته كنت مسوتنه في مصر يوم سافرت سياحه رحت لدكتورة وسويته وقالت عندي انسداد خفيف في الانبوب اليسار وقالت ان شاء الله بتحملين من بعد هالاختبار للقنوات وقالت هو نفسه اشعه الصبغه ومافي فرق بينهم بس انا مو مرتاحه لكلامها ...
و بصراحه دكتورتي في الامارات شككتني بمصداقيه هذا الاختبار القنوات والدليل ان الدكتورة بمصر ماعطتني اي دليل او تقرير يدل على اني سليمه او غير سليمه ؟؟


المهم بنات قررت اسوي اليوم اشعه الصبغه ادعووولي بنات بالخير من بعدها يااارب ..

وابتداء من الشهر الجاي راح نبتدي منشطات بعد نزول الدورة وان شاء الله ربي يكرمنا من بعد تعبنا ويفرح قلوبنا أجمعين بالحمل السليم اللهم آآمين

[ملاك عزيز]

يااااااااارب يااااقااادر يااااكريم تفرج هم اختي ( حياتي توأمي ) وتشرح صدرها وترزقها من حيث لاتحتسب وتكتب لها الخير وين ماكانت ياااارب يااارب ياقادر ياااكريم

[حياتي توأمي]

المشاركة الأصلية كتبت بواسطة ملاك عزيز

يااااااااارب يااااقااادر يااااكريم تفرج هم اختي ( حياتي توأمي ) وتشرح صدرها وترزقها من حيث لاتحتسب وتكتب لها الخير وين ماكانت ياااارب يااارب ياقادر ياااكريم

تسلمي حبيبتي على الدعوة الطيبه
مشكورة حبيبتي ربي يفرح قلوبنا كلنا بما نشتهي ونتمنى يارب ياكريم

[نبضة أملـ]

يااارب ترزق اختي بالحمل السليم العااااجل يارب وتفرح قلبها بسلامة أنابيها

جدد ضاق صدري عليك بس تصدقين ياحياتي اني ناويه أسوي متابعة للتبويض في اليوم ١٢ طبعا من غير منشطات
بس كاني تراجعت عن قراري بعد تجربتك لان عندي تكيس فمستحيل يكون التبويض كويس
الله يعوضنا بصبرنا وطول انتظارنا بما يفرحنا ياارب

[حياتي توأمي]

المشاركة الأصلية كتبت بواسطة نبضة أملـ

يااارب ترزق اختي بالحمل السليم العااااجل يارب وتفرح قلبها بسلامة أنابيها

جدد ضاق صدري عليك بس تصدقين ياحياتي اني ناويه أسوي متابعة للتبويض في اليوم ١٢ طبعا من غير منشطات
بس كاني تراجعت عن قراري بعد تجربتك لان عندي تكيس فمستحيل يكون التبويض كويس
الله يعوضنا بصبرنا وطول انتظارنا بما يفرحنا ياارب

شفتي حبيبتي
شكلها ماراح تظبط بدون منشطات
وخاصه التكيسات اللي لاعبه دور فينا استغفر الله وأتوب إليه من كل ذنب اعاق حملي وحمل أخواتي المنتظرات يارب افرح قلوبنا يااارب

انا اليوم موعدي عالساعه 3 مساء راح اسوي الاشعه ادعولي

[عشقي هواك]

الله يرزقج بالحمل عاجل غير اجل
اذا كنتي عايشة ف الامارات انصحج بدكتوره ف عيادة الامل اسمها كوثر وايد ممتازة في بني ياس وهذا رقمها ممنوع كتابة الارقام والايميلات بس مافي مواعيد عليها لان عندها زحمة هب طبيعيه اذا تبين تدخلين عليها بسرعه اخذي رقم من 4 ونص العصر و5 هي تيي العيادة

والله يوفقج

[حياتي توأمي]

المشاركة الأصلية كتبت بواسطة عشقي هواك

الله يرزقج بالحمل عاجل غير اجل
اذا كنتي عايشة ف الامارات انصحج بدكتوره ف عيادة الامل اسمها كوثر وايد ممتازة في بني ياس وهذا رقمها 025832331 بس مافي مواعيد عليها لان عندها زحمة هب طبيعيه اذا تبين تدخلين عليها بسرعه اخذي رقم من 4 ونص العصر و5 هي تيي العيادة

والله يوفقج

حبيبتي شكرا جزيلا الله يكثر من امثالج
بس للأسف انا في دبي وهذي العياده اتوقع في ابوظبي
مابقدر اروح للأسف
الحمد لله على كل حال وربي يوفقنا ويرزقنا بدكتورة شاطره بنت حلال ان شاء الله
سمعت عن دكتورة نوال في مجمع سما الطبي يمدحونها راح اجربها ان شاء الله بعد اشعه الصبغه بإذن الله تعالى

[عآزفة آلآحزآن]

الله يفرجج عننك حبيبتي ويرزقك الحمل..
ويرزق كل المحرومات يارب ..

[Carolina]

اللهم يا كريم يا قادر يا من امره بين الكاف والنون ان اردت شي ان تقول له كن فيكون اكتب لاختي حياتي تؤامي الحمل السليم التام الثابت من غير زياده ولانقصان ولي ولكل محروم يا رب
والله يا اخت انا الدكتور اعطاني منشط وخاااااااااايفه اخذه يقوم يطلع لي تكيس انتي كان عندك تكيس من قبل والا من بعد اخذ المنشط

[ام وليد2005]

الله يفرجها عنك بالخير و تحملين ويعوض صبرك خير ويفرجها عن كل المنتظرات يا رب يا كريم