إنتبهوا من طباشير الشعر

[ليلى الحلوه]

السلام عليكم ورحمة الله وبركاته...
أنا كتبت بالعنوان إنتبهوا من طباشير الشعر بس ما قصدت الكل بس من نوعيه وهي طباشير للرسم وليس للشعر.. المهم مره كنت أشيك بالنت عن الطباشير وقريت وحده كاتبه إنه بعض التاجرات وللأسف يبيعون طباشير للرسم على أساس إنها للشعر و أنا طنشت وحصلت وحده تاجره تبيع طباشير و وصلتني الطلبيه فتحتها بس إستغربت العلبه كان عليها رسومات جره وفواكه وقلت شو خص الشعر ب هالرسومات وتميت أدور و أدور ولقيت داخل ورقه صغيره كل شي فيها ماله دخل بالشعر واضح إنه للرسم وتواصلت مع التاجره قالتلي إنه التاجر قايل لها إنها للرسم وهي قالتلي بعد إنها كانت سائلته من قبل هاي شكلها للرسم بس أكد لها إنه للشعر وهالتاجره بقمة الاخلاق ومالها دخل وقالتلي لو ما تبيها رجعيها , المهم بعدها سرت ادور بالنت عن نفس العلبه إلي عندي وشفت وااايد تاجرات يبيعوها ويروجون لها والبنات يشترون بالهبل لهم ولربيعاتهم وخواتهم وحتى الصغاريه صراحه بداخلي إنقهرت الكل مغشوش مثلي ,, وعلى فكره أنا أول ما شكيت بالعلبه إلي عندي دورت بالنت وصدمتني هالصوره...



والكلمه إلي عليها دائره معناتها للفنانين!!!

يعني كل شي وااااضح وانا هالعلبه إلي شريتها..

[ليلى الحلوه]

وبداخل هالعلبه هالورقه وصورتها وركزوا على الصوره إلي عقبها فيها ألوان رصاصيه وهي لعشاق الرسم باللون الرصاصي يعني بدل قلم الرصاص..

[ليلى الحلوه]

[ليلى الحلوه]

المهم الصدمه إلي إنه صار غش أكثر من جذيه ولانه هالطباشير إنكشفت للبعض قاموا وغيروا الورقه الصغيره إلي داخل لورقه ثانيه فيها شعر عشان يريحوا البنات وهاي الصوره!!!
و واضح إنه الورقه مالها أي دخل بعلبة الطباشير إلي برع إلي خاصه بالرسم أو حتى إسمه أنا إلي علي بلغتكم الاغلبيه يشتكي من تساقط الشعر وضعفه يعني مب ناقصين تدمروه زياده وبعد المصيبه بعد هالصوره شفت ردود البنات وهم يطلبونها بالهبل.. بلغوا إلي تعرفوهم وشكرا...

[الفراشة الالماسية 20]

وتسلم ايديك

اشكرك على الطرح

وننتظر جديدك

صور رومانسية

[نجمة السمر]

جزاك الله خير عالتنبيه

[basouma26]

حسبي الله و نعم الوكيل على اللي ياكلو المال الحرام