قصة ولادتي باحلى بنوتة

[& ام الاء و ولاء &]

السلام عليكم

اليوم بيكون عمر بنتي 18 يوم و حبيت احكيلكم قصة ولادتي للافادة
كان يوم 3 جانفي و كنت خايفة لانو يوم و ادخل في العاشر و الطبيبة قالتلي انو لو ما ولدت 4 جانفي راح تعملي عملية يومها كنت حاسة بالم في اسفل الظهر لكن قلت عادي لاني كنت اعاني من الام الظهر حتى قبل ما احمل و على فكرة انا بكرية
قمت الصبح و حضرت حالي و رحت مع سلفتي للحمام و للي ما بيعرفو هو مكان تلتقي فيه النسوان و يتحممو و يكون سخن كتير و ميتو طبيعية المهم تحممت و رجعت عالبيت و ما كان عندي شي مع المغرب دخلت الحمام لقيت دم على ملابسي و ما كان في الم بس خفت و طلبت من جوزي انو ياخدني عالمستشفى و ما حملت اغراضي لاني ما كنت مفكرة راح ابقى المهم شافتني الطبيبة قالتلي مفتوح 1 صم لازم تظلي و ما راح تولدي الا مع الفجر جوزي رجع جابلي الاغراض و جابلي (تيزانا و زعتر) و هاي اعشاب بالاسم التونسي انا شربتها و صرت اتلوى من الالم و كانت معي اخت جوزي ممرضة و كنت اقرا الدعاء و سورة الزلزلة و اية من سورة مريم بس لما يقوى الام كنت اقول يا الله يا محمد و كنت استغفر مع العاشرة مساء حسيت انو الطلق حمي كتير و طلبت الطبيبة و لما كشفت قالتلي ما شاء الله 4 صم و بعد نصف ساعة قالتلي صار 6 و بعد دقيقتين 8 صم و كانت مستغربة من سرعة التقدم المهم طلبت مني ادفع لما حس بوجع بس لاني ما كنت باكل و ضغط الدم عندي دائما منخفض ما لقيت قوة للدفع حتى التغدية ما ادرو يركبوها لانو عروقي ما كانت باينة و جربو 6 مرات و ما ظبط فظليت بلا تغدية المهم كانت الطبيبة بتصرخ و تقلي راح تقتلي بنتك ادفعي ما قدرت و كانت جنبي ممرضة صارت عم تضغط على بطني بكل قوتها حتى كنت عم حس حالي راح انفجر و اخيرا بان الراس و طلعت البنوتة بس ما سمعتها تبكي و ضعتها على بطني ؤ كنت بسال مالها كان الحبل السري ملفوف على رقبتها وبس بكت اتطمنت لبسوها و خيطتلي الطبيبة بس بعدين غبت مرتين عن الوعي و اليوم التاني رجعت عالبيت و هلا معي احلى الاء و على فكرة انا من وقت ما حملت و انا عم تابع حملي و كل تساؤلاتي على هدا المنتدى الي فادني كتيير مشان هيك بحب اشكر كل المشرفين و الراقبين و الاعضاء و انشاء الله كل الكروشات يولدو بسلامة و داي صورة بنتي الاء بالصورة الرمزية