شيروا علي اترك وظيفتي ?

[ايمووو]

السلام عليكم
انا موظفه اداريه خدمت فقط 4 سنوات وعملي يبعد عن الرياض 80 كيلو وارجع الساعه 3 هذا غير الدوام بالاجازه وبرمضان ولا عندي الا 36 يوم اجازه فقط تزوجت من سنتين من رجل يارب لك الحمد والشكر جيد ومرتاح ماديا ماشاء الله لا قوه الا بالله ولكن عمره 43 وعمري 29 وليس عنده اولاد حملت بعد علاج بعد الله سبحانه
كنا نفكر نجيب شغاله للبيبي لكن انا ماارتحت لسالفه الشغاله ما اضمنها لطفلي واخاف تسوي له شي او تنحاش وما يحتاج هالوقت كثر القتل والانتحار وهروب الخدمات وبالعربي انا ماني متحمسه اكمل بالدوام
اليوم قال لي زوجي اتركي الوظيفه والطفل الزم ونرتاح من وجع الخدامات وهمها واذا على الراتب مستعد شهريا يصرف لك 1500 الى2000 ريال وانتي براحتك.
وش اسوي شوروا علي مع العلم اني طفلي يهمني اكثر وماصدقت يوم عرفت اني حامل وتقريبا عاجبني جلسه البيت لكن شايله هم راي اهلي بيقولون انتي مهبوله الوظيفه امان والرجال ما ينضمن ولو تحتاجين فلوس راتبك عندك ما تنذلين مع ان راتبي 5000
وش رايكم