حماتي فشلتني بالعزيمه !!

[عاشقة طيور الجنه]

السلام عليكم ورحمة الله وبركاته

بنات راح ابداء بالكلام

كان فيه عزيمه عند اخت زوجي ورحنا لها

المهم جلست حريم وكثار

سمعت ام زوجي الله يهديها تتكلم وتقول انه ولدها << زوجي

يشتكي لامه ويقول انه انا افطره كل يوم من البقاله !!!

الحريم جلسو ينقدووون انا ماقدرت اتكلم

بالرغم انه انا اطلب منه اعمل له افطار تشكيله كل يوم لاكن هو رافض

بس يصحى يروح البقاله ويجيب اغراض منها

زوجي للحين مارجع من السهره وماني عارفه كيف اقوله

ماراح اعديها له بس مابي مشاكل او يوصل لامه وتزعل علي

هو ماطلب مني بس يروح من وراي ويشكي لامه وانا ماقصررت وربي اعرف اطبخ وشغلي حلووو بشهاده من امه انه طبخي حلو بس سكر الشاي دايمن زياده

ابي تساعدوني كيف اقوله بطريقه ماتسبب احراج لي او له او لامه ؟؟؟

[**سماسم**]

طيب يالغاليه يمكن ماقلها ولدها لاكن تشوفه كل يوم يروح للبقاله ويجيب اغراض الفطور ..
لاتكلمينه الحين يالغاليه وخليها الصباح بدري سوي الفطور وجهزيه له قبل لايصحى وأكيد بيسألج ليش مسويه فطور وبهنا تقدرين تقولين له إلي تبين ..

[ام اتوكي]

طريقة سمسووووووووووم افضل شي000تصحي قبله وتجهزيله الفطور واذا جلس عالسفرة وسالك وهومستغرب عاتبيه وانتي حاطة عينك بعينه000وصدقيني حيتعلم من خطاه

[صعبه]

مثل ماقالت لك سماسم

لا تتسرعين وتندمين اصبري وخلي تصرفك بالفعل ..

[شموسه]

ماله داعي تكلبمينه كلميها هي وقوليلها عيب ياخاله تتكلمي على ولدك حراام عليك وماله داعيء الكلام الفاضي وقولي حق زوجج عادي اصلا هاذا مو شي خطير بس انه يكلمها واذا ماكلمها انتي اذا سمعتيها تقول كذا مرهثانيه قولي لها كتام الحريم والله هذا ولدك ربتيه على البقاله هههههههه

[om lara]

تبي نصيحتي لاتكلمي امه عشان لاتفتحي باب للمشاكل
اعتبريها امك واقصري الشر قولي لزوجك بطريقه حلوه ومن غير ماتعصبي او تزعليه
ترا اي ام زوج ماتتقبل انتقاد من زوجة ولدها
معليش واحتسبي الاجر عند الله

[عاشقة طيور الجنه]

يعطيكم العافيه جميعاً

الله يعينني

[حنين الجنة]

اللى قالته سمااااااااااااااسم عييييييين العقل
ولا ازيد شئ عليه

[الحب لك وحدك]

كلام سماسم صح غلاتي
والله يسعدك ويبعد عنك الحساد
لاتقولين له الحين خليها بكره
عشان ماتصيرين وحده نكوديه

[Wteen]

اايد سماااسم وحتى اذا قلتيله
الصبح مو من باب انك زعلانه
لاااا قوليهااا بمسكنه انك ضميرك انبك
وقولي اتاريني مقصره وانا ماني داريه
ههههههههههههههه
ان كيدهن عظيم
بس بجد المواجهه في موضوع يخص ام الزوج مو حلووو
مهما كان لهاااا قدرهااا حتى لو كانت غلطانه