الرعايه _ بروكير _ الخبر

[new.mam]

السلام عليكم ورحمة الله وبركاته..
الحمدلله والصلاة والسلام على رسول الله وعلى آله وصحبه أجمعين


اخبار الامهات اليوم ؟

حبيت انزل الموضوع عشان الحلوات اللي يسالوني عن افضل مستشفى تابعت حملي فيها
قصه مو موضوع

بصراحه انا كانت متابعة حملي بشهر الاول عند المواساة كانت بنسبه لي (مأساه)

لا رعايه ولا اهتمام ولا ضبط المواعيد كل همهم الفلوس وبس وبعدها احتجت اسوي عملية ربط عنق الرحم

اكتبو لي يوم ادخل فيه المستشفى واسوي العمليه كنت مكمله شهرين ونص بس قالت الدكتوره انه دكتور اللي بسويها واحنا اول مادخلنا عندها قالت انا اللي ح اعملها (هههه)

المهم زوجي عسى ربي يطول بعمره قام واتصل على مستشفى سعد وسال عن عملية ربط الرحم دكتور او دكتوره


واتصل على الرعايه وقالو في استشاريه تعال وكلمها

وفعلا كانت الساعه سبعه ونص الليل والدوام ينتهي 8 بس والله ماقصرت الدكتوره قالت لزوجي انا استناكم

وفعلا طلعنا من المواساه طيران لرعايه

ودخلت على احلى د/ لمياء المدني ربي يسعدها دنيا واخره

والحمد الله طمنتني بعد مااخوفوني المواساة وقالو اني مفتوحه كم سم

ودخلت والحمد الله اجريت العمليه لاني مرتين سقطت باخر الشهر الرابع

وكانت الدكتوره قمة الاخلاق والروعه ماشاء الله

وتابعت عندها والحين انا اخر الثامن ومرتاحه معاهم الحمد الله



اللي يسال عن المستشفى بصراحه انصحكم فيها من جد رعايه واهتمام

انا متابعه عند الاستشاريه د/ لمياء موسى المدني

ممتازه بمعنى الكلمه بس دايم عندها زحمه وكلامها حلو وفحصها وتريح الوحده وتحسين انها فاهمه من اول جلسه

اذا تبون نصيحتي تابعو عندهم بس بصراحه انا مااعرف الاسعار لاني على التامين

عندهم الاستشاريه / لمياء المدني ممتاااااازه جدا

وعندهم رنا جمال بصراحه ماجربتها
وبعد منى عبد الرحمن

وعندهم استشاري / نسيت اسمه مافي غيره دخلت عنده مره لانه دكتورتي عندها ولاده بس لاني انا مااحب رجال يكشف علي

وبنسبه لرعايه ممتازه عندهم مرررررررره

حتى الطوارى اذكر تعبت كم مره ماشاء الله رعايه واهتمام بنات يوقفون معاك ويهونون عليك


وبنسبه للغرف انا يوم سويت العمليه نمت 3 ايام غرفه خاصه ومجهزين الروب والمناشف وكل اللي تحتاجينه وبس احط يدي على الجرس القاهم قدامي ويحليلهم طيبااااات

واالاكل يجيبون لك قائمه انتي تختارين فطور وغداء وعشاء

وعن الاسعار اسعارهم حلللوة ...
الولادة الطبيعية 4750 غرفة خاصة مع إقامة يومين
vib يوم فقط بـ 2500
رويال سويت يوم فقط بـ 9000

طبعا مواعيد العيادة
من السبت الى الأربعاء
من 8 إلى 12 ظهرا
ومن 4,30 إلى 8 مساءً
ويوم الخميس فقط من 4 إلى 8 مساءً
ويوم الجمعة مافيه دوام

وهذا اللي سمعته والله اعلم


ربي يهون علي وعليكم يااااااارب واي سوال انا حاضره ومن عيوني بفيدكم اللي اقدر عليه


اسفه طولت عليكم

[الأمل الجديد]

هلا اختي الله يجزاك خير عطيني رقمهم
وكيف مواعيدهم مضبوطه والا انتظار وياأخرون عليك ووش افضل دكتوراتهم والا دكتورات السعد

[حبيبي]

اهلين بصراحه سعد مثل ما قلتي روعه بس غالي اذا على حسابك التامين زين بريحكم
والولاده الطبيعيه اكيد بس 4750ريال بس مو مصدقه يمكن اكثر

[روح الورد]

يعطيك العافيه
هومبناهم جديدصح؟!

[new.mam]

هلا خوتي اتمنى اني ماطولت عليكم

السوال الاول مواعيدهم مررره مظبوطه ورقمهم 8955900

السوال الثاني ماادري اذا غيرون اسعارهم بس هذا السعر منهم

السوال الثالث مبناهم جديد قدام مجمع الظهران مول

[الحب لك وحدك]

مشكوووورة اختي

[ام هديل]

أهلين أختي أنا حبيت أقولك أنا متابعه عندهم مع الدكتورة كيران والله نفس كلامك رعاية وأهتمام
حتى الممرضات مرة محترمات في التعامل
والله يهون علينا

[new.mam]

امين يارب ونقوم بسلامه

بس مع الاسف كيران مااعرفها يمكن تكون الباكستانيه فيه وحده باكستانيه ممتااازه

[عاشقة طيور الجنه]

يعطيك العافيه

[جديدة في عالم الأمومة]

طيب انتي وش اسم شركة التأمين حقتكم التعاونية أو بوبا أو اليانز؟!