مشكلتي زوجي & ابويا والدراسه

[صوت الامل باذن ربي]

السلام عليكم ورحمة الله وبركاته. يابنات أنا في هم لايعلمه الا الله. وابغى مشورتكم كل وحده في محلي تقول ايش ممكن تسوي. المهم أنا ثالث جامعه واتزوجت قبل بداية السنه. بشهرين وبدأت الدراسه وطلع تعيين زوجي في مدينة بعيده تبعد 1000 كيلو عن مدينتي المهم بدأ الترم الأول وأنا اطلب منه ابغى اروح معاه وهوا كمان يبغاني بس يقول لسى ما اعرف وضعي وابويا رافض اني اروح الجامعه اللي هناك المهم بعد بداية الدراسه بشهرين بدأ زوجي يحاول يضغط علياأ اني اجي بالا لحاح وأنا كنت اصرف الموضوع عشان ابويا هددني ان رحت معاه والله مايستقبلني في بيتو ويتخلى عني لانو مكتشف يقولي زوجك خسيس ويكذب أنا عارفه أنواع الرجل لو كذبت عليه مرا معد يصدقك المهم دحين جا بموال جديد قريب انتهاء الدراسه باقي شهر ونص يقولي أنتي مسويتلي انك قويه ونكد عليا اجازة الحج تعرضلي بكل أنواع السبل عشان اجي معاه وأنا أفكر في ابويا +دراستي +علما اني راح أعيد سنة عندوو المشكله انو متغرب هناك وماعندو احد ويشتكي من الوحده في الاجازا الحالية هددني ثلاث مرات بالزواج من أخرى لغرض التحصين لانو مايقدر يصبر سنتين ونص الين اجيهه دراستي هنا أربع سنوات ونص وهناك أربع سنوات وأنا ادرس الخطة القديمه وهناك الجديده وأنا الان في مستوى خامس المهم خبرت ابويا على نيتي علما اني حاربتو وقلتلو تزوج تطلقني قالي والله ما اطلقك وسارت مناوشات المهم أنا خايفه اروح معاه اهلي يقولو حيبهدلك ويسيبك في البيت لحالك وراح تتعبي ومعدلك ينزل يخوفوني. وابوي تقريبا راضي عشان مستقبلي معاه لو انتي مكاني بعد. ماهددك تروحي معاه ولاتعاندي تجلسي تكملي. عند اهلك وابغى رايك في وضعي ايش لازم اسوي لو رحت وكيف ابين لو انو أنا شخصيتي قويه

[جنوني فنوني]

والله ما ادري اش اقولك بس معقوله الدراسه

عندك اهم من زوجك وبيتك..

شوفي حبيبتي اللي كاتبه ربي بيسير

انا زوجت اول ما خلصت ثانويه على طووول

سجلت في الجامعه بس ربي ما كتب لاني حملت

وتعبت وراحت سنه قلت خلاص اسجل السنه الثانيه

وربي كتب وحملت ثاني مرره بس ما فقدت الامل

يعني لو ربي كاتبلي اكمل دراستي لو بعد 100

سنه راح اكملها بس ما حاربت زوجي

عشان الدراسه..

حبيبتي اذا انتي متمسكه بالدراسه لذي الدرجه ليه تزوجتي..

الزواج يعني زوج وبيت وسوؤليه...

انا من راي ان الدراسه تاتي بعد الزوج..

ومن وجهه نظري انتي غلطانه ليه تجلسين عند ابوك وانت لسى ما شفتي معدن الرجال

على اي اساس ابوك يحكم عليه .. امكن لو رحتي معاه من البدايه وباسلوبك

الحلووو كان كملتي دراسك وهوو في وظيفته بدل البهدله ذي..

لاتزعلي من كلامي بس هذه وجهة نظري

الله يسهلك اموووورك يارب..

[صوت الامل باذن ربي]

ججزاك الله خير والله نفسي اروح بس ابويا هوا اللي يضغط عشان ارفض. الله يسيرلي اللي فيه الخير

[قــــــــــمر]

انا الي فهمته يااختي انك الحين ثالث جامعه كملي هالترم بعدين روحي للجامعه الي في مدينته وكملي
واذا ماقدرتي كملي هالسنه كلها وبعدين ليش تقعدي سنه كامله ماتقابلي زوجك! فيه اجازات كثيررره مره
زي اجازة عيد الاضحى الي راحت المفروض انك رحتي عنده وبكذا تقنعيه اني حتى انا ابغى اروح معاك وابقى معاك
بسس قهر يعني اقنعيه كل اجازة تجينه او هو يجيك اذا هو بعد عنده اجازه لين تعدي هالسنه وبعدين تشوفي اذا هو راح يستقر
بالمدينه الي هو فيها ولا لا وادعي ربك انه مايسقر هناك
واذا جاب طاري الزواج ترا عشان يخوفك وبعدين قولي له انا الحين افكر بالموضوع وشايلة هم واقرر ايش اسوي بدراستي وروحتي عندك
وانت تجي تقول بتزوج عليك بدل مآتصبر وتساعدني وبعدين اذا جاب طاري الزواج غيري الموضوع
والله مدري شقولك بسسس ادعي ربك بكل وقت انه يفرجها عليك ويوريكي الخيره وين ....
الله يوفقك حبيبتي ويعينك ان شاءالله

[صوت الامل باذن ربي]

الله يسعدك دنيا وءاخرة. شكرا لردك

[رزينة]

دراستكم اولى يا امي يتحمل ايش هادا يجيكي كل اجازة مشكلة هيا وعلى كلامك باقيلك فترة بسيطة انتى حاولى تناقي بعقلانية مو عناد حاولى ابوكي يتفاهم معا احد يدخل يبغا يتزوج خلي يروح ويجرب دوبو متزوج من فين حيتزوج ثانية

شوفي بنصحك ترا الشهادة هيا الي باقيتلك في دي الدنيا

بالاقناع وانا مع راي الي قبلى بالاجازات خلي يجي ياخذك انا الان متزوجة واتوزوجت في الصيف واكمل عند اهلى وكل خميس وجمعة ينزلى والاجازات دي يجي ياخذني حاولى تقنعي بدا الشي
ترا سيرة الزواج تهديد

وتحويلك لجامعة ثانية حيعطلك في الخطة ممكن طالبة زائر بس برضو تتاخري لانو يخلوكي تدرسي نص الخطة

حاولى بالتفاهم

بس اتمسكي بدراستك
افرضي نقلتي وخلوكي تعييدي وحملتي ويبقالك سنوات كثيرة ايش حتسوي

[صوت الامل باذن ربي]

ياقلبي كل اللي راح اعيدها 10 ساعات وترم واحد. مايستاهل اضحي. وطول مدة تخرجي سنتين ونص مو كتير

[رزينة]

من الان باقيلك سنتين ونص وانت بجامعتك
ولا لما حتنقلى حيبقالك سنتين ونص

[صوت الامل باذن ربي]

من دحين ولو نقلت حيزيد ترم

[meso]

السلام عليكم ورحمة الله تعالى وبركاتة
اختى الحبيبة مشكلتك نفس مشكلتى سبحان الله,ابى اكمل دراستى وجامعتى فى بلد وزوجى ببلد ثانى
وباقى لى سنتين,والله الموضوع يحير بس بالتفاهم كل شى يصير
عن نفسى متوكلة على الله وها اليومين بحاول معاه ليين يوافق وان شاء الله خير
والله يهدى ازواجنا ونخلص دراسة