طمنوني زيادة بحجم الجنين واختلاف فصيلة الدم بيني وبين زوجي

[طعمي جلكسي]

مساءكم الله بالخير
كيفكم وكيف كروشاتكم؟؟ ان شاء الله بخير

ياحبيباتي انا رحت قبل خمس اياااام رحت للدكتوووره
وسوت لي سونار وقالت لي ان الجنين زايد عن حجمه
يعني الجنين حجمه 600
والمفروض يكون 500
وقالت لي احتمال يكون تعسر بالولاده لاسمح الله
وانا من يومها بس افكر وابكي
امانه عليكم طمنوني وريحوا بالي
انا بكريه واول حمل لي
ولي خمس ايام بالشهر السادس
انا قلت يمكن من الفيتامين اللي اخده
لانه سمعت انه يضخم الجنين
والفيتامين هو فيتامين السيدات الي علبته بيضاء وورقته خضراء
اللي تستخدمه تقول لي كيف وضع الجنين؟؟؟؟

وابى اسألكم انا من الشهر الاول سويت تحليل دم وبول الله يكرمكم
والى الان ماسويت تحليل
تشورون علي اني اسوي ولالا ؟؟
عشان اطمن ع البيبي
لاني خااايفه وابى اسوي تحليل السكر
وخااايفه ع البيبي كمان لاني اليوم عرفت انه زوجي فصيلة دمه a_
وانا فصيلة دمي a+
وسمعت انه لاااازم اخد ابره وقت الولاده عشان مايسير شي للبيبي بأذن الله تعالى

فــياليت ياحلوووات اللي عندها فكره عن اللي سار دا كله تطمني الله يطمن قلبها ع البيبي ياااااااااااااااااااااااااااااااااارب


وادعوا لي ان الله يستر علي وع البيبي
ويرزقنا بطفل سليم معافى من غير تشويه ولامرض ولازياده ولانقصان
ويرزقنا بولاده سهله هديه من عندك

لاتتأخروووووا بالرد علي
انتظركم بفااااااارغ الصبر

[فتون]

ياقلبي ياحبيبتي والله مدرييااااااااااااااااااااارب العالمين يرزقك بطفل زي القمر وسليم ومعافى ويسهل لك الولادة وماتحسي بالالم ابداا يارب ياكريم ويحفظكم ويحميكم من كل شر انتي والبيبي

[marwa]

لاتشيلي هم ايش دي الدكتوره الي تقول زي كده وتخوفك لاتسمعي كلامها ربي يسهل عليكي

[marwa]

لاتسمعي لكلامها المفروض اتخوفك وتشيلك هم دكتوره ايش هدي
ربي يسهل عليكي انشاءلله ومافيكي شي انشاءلله

[حبيبي]

صحيح لا تشيلي هم البيبي لا مضخم ولا شي وبنسبه لتحاليل اي اعمليها مشان تطمني انو ما في عندك سكر حمل لانه سكر الحمل يسبب تضخم للجنين والله يسهل ولادتك وولادتي

[همس الإيمان]

انا اخويه لما اتولد كان عنده 4 كيلو ما شاء الله وكان فعلا دبدوب
فده مش شرط ان البيبى يكون مش طبيعى ممكن هوه اصلا كبير
والاعرفه ان ولاده امى لاخويه ماكانتش اصعب من القبله او البعده مع ان كان وزننا من 2 ل3 كيلو
ربنا يطمنك عليه والدكتورة فقط تعطيكى الشافته مش ناوية تقلقك ولا حاجه
وربنا يوفقلك ولادتك ويجعلها سهله

[طعمي جلكسي]

اااااااااااااامين ياااااااااااااااارب
الله يسمع منكم
وربي خاااااايفه
اكتب لكم ودمعي وسط عيني
والدكتوووره هادي
في مستوصف البدر في البحيرات (( مكه ))
دكتوره ياسمين
وحده هنا في المنتدى قالتها لي
والله يجزاها الف خير وماقصرت
وبالعكس الدكتوره ارتحت لها واحس انها شاطره
بس وربي خوفتني
يااااارب طمني ياااارب


انتظر الردود البقيه

[طعمي جلكسي]

المشاركة الأصلية كتبت بواسطة همس الإيمان

انا اخويه لما اتولد كان عنده 4 كيلو ما شاء الله وكان فعلا دبدوب
فده مش شرط ان البيبى يكون مش طبيعى ممكن هوه اصلا كبير
والاعرفه ان ولاده امى لاخويه ماكانتش اصعب من القبله او البعده مع ان كان وزننا من 2 ل3 كيلو
ربنا يطمنك عليه والدكتورة فقط تعطيكى الشافته مش ناوية تقلقك ولا حاجه
وربنا يوفقلك ولادتك ويجعلها سهله

طيب انا ببداية السادس والمفروض يكون حجمه 500
اجل متى يكووون 2 كيلو او 3 كيلو
في اي شهر؟؟؟
والوالده لما جابت اخوووك جابته طبيعي ولاقيصري؟؟؟

ردي علي

[~*روز*~]

ياعسوله لازم تعملي تحاليل دم وبول الله يكرمك عشان تتطمني انه ماعندك اي مشكله

ونصيحه مني لاتاخذي الفيتمينات لانها تكبر البيبي

انا الدكتوره وصفت لي فيتامينات في الخامس اخذتها اسبوع وبعدين اختي قالت تكبر البيبي وتركتها على طوول

انتي عوضي بالفواكهه والخظار مافي احسن من الطبيعي

[طعمي جلكسي]

روز ياعسل
يعني فعلا انه الفيتامين يكبر البيبي؟؟ مثل ماسمعت
ياااااربي طمني من عندك يااارب
اصلا الفيتامين خلص عندي من اسبوووع وكنت بشتري واحد تاني
بس طالما يكبر فعلا راح اتركه
طيب انتي دحين في اي شهر؟؟ وكيف وضع الجنين لما تسوي سونار لانك ماتأخدي فيتامين؟؟؟
طمنيني ياقمر
واايش تستخدمي من حبوب؟؟
لاني انا استخدم فيتامين السيدات والكالسيوم وحبوب الحديد بطعم الشوكولا


انتظرك