ثبت موضوع حملي والحمدلله

[تفاصيل الهوى]

السلام عليكم حبايبي


انا قبل تقريبا اسبوع من بعد ما تأخرت دورتي بيوم سويت تحليل دم
وطلع سلبي

بعدها بيومين حسيت بغثيان بزياده سويت تحليل حمل مرتين وطلع ايجابي
وقالوا لي البنات بالمنتدى انه حمل واني ارجع اسوي تحليل الدم بعد كم يوم

المهم وقتها كنت متفاءله كثير انه حمل وسويت شريط الحمل وكل شي
بس كان لسى شي بقلبي يقولي لا تتأملين لحد ما تسوين تحليل الدم ويثبت اني حامل
البارحه رحت وسويت تحليل دم والحمدلله طلع ايجابي

اللهم لك الحمد

طبعا حبيت ابشركم واقولكم وش الاعراض اللي جتني قبل موعد الدوره زي ما كنت احب اقرأ عن كل وحده تأكدت من حملها واشوف اعراضها

بعد ايام التبويض ما انتبهت على شي
يعني مافتحت عيوني كثير
المهم اللي لاحظته انه بعد ايام التبويض جتني افرازات بيضاء على شكل خيوط
جلت كم يوم بعدها باسبوع تغيرت الافرازات وصارت سايله
وكأنها مويه اللي تنزل منك
من غير رائحه طبعا واللون اوقات شفاف واوقات بيضاء
واستمرت معاي لحد موعد الدوره وبعد ما طوفت موعد الدوره رجعت الافرازات على شكل خيوط

اما العرض الثاني اللي لاحظته هو ألم صدري اللي كان يجيني عادةً قبل موعد الدوره باسبوع
الشهر هذا جاني بعد ما فوتت موعد الدوره بيوم ومستمر معاي لحد الحين
اما الغثيان ما جاني الا بعد موعد الدوره بيومين تقريبا
بس غثيان خفيف من غير ترجيع
وكمان انا من النوع اللي احب اسوي رياضه شبة يوميا وخاصة مشي ساعه
بس الحين صرت اذا مشيت ساعه وخلصت يجيني عوار بظهري مع شوية مغص
يشبة الطلق الخفيف


بس هذي اعراضي
والله يرزق كل من تتمنى الذريه الصالحه

وسؤالي للي عنده فكره عن موضوعي
هو كيف اعرف اذا كنت حامل بتوأم او لا
علما ان لي حامل تقريبا 5 اسابيع
لانه عندنا وراثه بالعائله امي وخالتي جابوا توأم


وسلامتكم

[أموووره]

الف الف الف الف مبرووووووووك وربي فرحت لك
الحمدلله الله يتمم عليك حملك وثبته لك
والله يرزقني ومن تريد بالحمل هذا الشهر قادر ياكريم

[(ملاذ الروح)]

الف مبروووووووووك والله يتمم لك بالخير

[تفاصيل الهوى]

الله يبارك في عمرك اموووره
الله يسهل لك وتحملين عاجلا غير اجلا يا رب

[تفاصيل الهوى]

الله يبارك في عمرك ملاذ الروح

[Um Nawara]

الف مبروووك حبابه الله يتمملج ع خيير ياارب ..

[ام نجول]

الف الف مبروووك

[Hnoont7]

ماشاء الله
الف الف مبروووووك ي قلبي
الله يثبته ويفرحك فيه
تعرفين انهم توام من الاسبوع السابع تقريبا
لأن اذا كانوا بكيسين منفصلين رح تعرفين على طول من تسوين سونار
اما اذا كانو بمشيمه وحده مارح تعرفين الا لما تصيرين بالثالث او الرابع
موفقه ي عمري

[عاشقة الأمل]

ألف ألف مبروك أختي والله يتمم حملك ع كل خير

[أسيرة الغروب]

مبارك عليكي
وربنا يثبت حملك ويفرح قلبك بشوفة طفلك بعد تمام 9 شهور
اللهم امين