أهلا وسهلا بك إلى منتديات حوامل النسائية. |
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا |
|
إستفسارات مرحلة الولادة إستفسارات الولادة الذين هم على وشك ولادة للطرح جميع مشكلاتهم واستفساراتهم قبل وأثناء ومابعد الولادة للأمهات الجدد وذوات الخبرة |
09-28-2012, 04:04 AM | المشاركة رقم: 1 | ||||||||||||||||||||||||||||||||||||||
|
المنتدى :
إستفسارات مرحلة الولادة
قصه ولادتي ب احلي هديه من رب العالمين والصدمه بعد11 ساعه من الطلق الصناعي
بسم الله الرحمن الرحيم اولا وحشتوني كتير ووحشني المنتدي جداااااا انشغلت فتره عنكم مع احلي حاجه حصلتلي ف حياتي وهو ابني يوسف ربنا يخليه ليه هو وجوزي وميحرمنيش منهم ابداااااا استغليت الفرصه وقلت احكيلكم قصه ولادتي ولدت الحمد لله بتاريخ 4\9\2012 الساعه 12 الا ربع مساءا الاسم .. يوسف العمر ..24 يوم نبدأ الحكايه كانت اخر متابعه ليه مع دكتورتي طبعا انا مقيمه ف السعوديه بس نزلت مصر عشان اولد وهرجع تاني ان شاء الله ب احلي هديه من رب العالمين المهم كشف الدكتوره وقالت مفتوح 4 سم ماشاء الله مع اني مكنتش حسه ب اي وجع ولا حتي مغص خفيف مع اني كان باقيلي 5 ايام واخلص التاسع وقالت خلال ايام توقعي الولاده المهم عدي كام يوم ولا في اي تغير طبعا كنت متوتره كتييييير ومتضايقه عايزه اولد تعبت من التقل والحر المهم يوم 3 دخلت اخد دش واحس بمياه بتنزل مني مكنتش مميزه اهملتلها ودخلت نمت شويه واحس تاني بميه بتنزل مكنتش كتير وقتها حسيت ان الولاده قربت كل ده ومغيش اي وجع خااااااالص صحيت اختي ويا عيني قلبها ضعيف خافت جدا وقالت نصحي ماما قلتلها لا بلاش نقلقها فضلت ع الحال ده لحد الصبح كلمت دكتورتي وقالت تعاليلي المستشفي الساعه 10 الصبح قمت لبست وجهزت شنطتي وتوكلت ع الله ورحت المستشفي مع اهلي وطبعا ف غياب جوزي كنت اتمني يكونن معايا ويحضر ولاده اول طفل لينا لكن الظروف اقوي الحمد لله المهم روحت وكشفت وكانت الصدمه انه مفتوح نص سم طبعا اتصدمت كل ده ولالا اي وجع يذكر جهزوا الاوضه وطلعت فيها وبدأت معاناتي مع الطلق الصناعي طبعا لان الرحم مفتوح ومفيش اي وجع فضلت مركبه المحاليل من الساعه 1 الضهر لحد الساعه 11 ونص ب الليل وليكم ان تتخليوا مدي الوجع والمعاناه اللي كنت فيها تيجي الطلقه وانا اصرخ من شده الوجع طبعا دكتورتي راحت العياده بتاعتها وكل ممرضه تدخل متعرفش اللي قبلها عملت ايه مع العلم انها مستشفي خاصه المهم دخلت ممرضه تانيه حسبي الله ونعم الوكيل فيها ركبت محلول تاني بعد ما الاول خلص وحطت فيه حقنه الطلق الصناعي والمفروض انها تظبط كميه الحلول بعيد عن ايدي لآ دي وقفت تتكلم مع اختي ونسيت انها مظبطتش كميه المحلول وتيجيني طلقه غير محتمله وانا اصرخ وامي تاخدني ف حضنها وانا اقول خلاااااااااااااص مش قادره اتحمل خليها توقفه وفعلا وقفته واتصلت اختي ب الدكتوره وفعلا جت بس بعد حوالي ساعتين كانت الساعه 11ونص ب اليل جابت الجهاز وشافت نبضات البيبي وقامت واخده الجهاز وماشيه وطبعا كل معالم وشها متغيره انا طبعا خفت جدااااا وحسيت اني في شئ مش مظبوط قمت جري وراها ومن الخوف راح كل التعب اللي فيه وكانت المفااااااااااااجاه دخلت امي وقالت الدكتوره بتقول لازم عمليه (ولاده قيصري) وانا انهرت ودموعي بقت شلالات واقولها ازاااي بعد كل التعب ده طب ليه مش من الاول وانا ابكي وامي واختي واخويا وكل اللي حولايا مصدومين المهم جم الممرضات وجهزوني للعمليه وانا الدموع ف عيوني ومش مصدقه اه نسيت اقولكم اني كنت مخبيه علي جوزي اني بولد لانه مسافر ومكنتش عايزه يعيش لحظات قلق بس للاسف عرف من بره المهم وهما بيجهزوني للعمليه اتصل عليه قلتله اني هنام شويه وابقي كلمني كمان شويه طبعا اخر حاجه هو عارفها اني هولد طبيعي نزلت العمليات وانا حسه اني مش هطلع منها احساس ب الخوف مقدرش اوصفه طبعا خدرني الدكتوره ومحستش غير وانا ببدا افوق من البنج كل اللي علي لساني اني عايزه اكلم جوزي وكلمني وقالي حمد الله ع السلامه وانا مش ف وعي الكامل حسيت بنفسي وانا سامعه صوت ابني احلي صوت سمعته ودني وبقول لماما اني بحبه اوي يا ماما ههههههه وارجع اغيب عن الوعي واصحي تاني واقولها انا بحبه اوي يا ماما هههههه بعدين جه اخويا وقالي عايزه تشوفيه قلتله اه جه ورهولي حطيت ايدي علي راسه وحسيت بشعره ناااااعم وارجع اغيب عن الوعي لحد ما فقت من البنج وطبعا مكنتش قادره اتحرك ولا اخده نمت ف المستشفي وطلعت تاني يوم ومعايا احلي هديه واحلي احساس ف الدنيا احساس الامومه وتوته توته خلصت الحدوته اه نسيت عرفت بقي بعد كام يوم من الولاده ان الدكتوره قررت قيصري لان البيبي كان نازل ف الحوض وكان المفروض تكون ولاده لكن طبعا الرحم كان سمييييييييك جداااااا ومش هفتح بسهوله وطبعا دي فيها خطوره ع البيبي وقالت الدكتوره اني لو مصممه اولد قيصري قدامي محاولات كمان لمده يوم بس هي مش مسؤله عن صحه الجنين يعني الحمد لله قدر الله وما شاء فعل واهم شئ عندي صحه ابني ربنا ما يحرمني منه ويهدهولي وف النهايه ربنا ما يحرم اي واحده من احساس الامومه وكل حامل تقوم ب السلامه وربنا يرزق كل محرومه اااااااااامين يا رب اختكم سمكه سابقا وام يوسف حاليا
|
||||||||||||||||||||||||||||||||||||||
09-28-2012, 05:03 AM | المشاركة رقم: 2 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
اول شي الحمد لله على السلامه وربي يحفظ لك يوسف
|
||||||||||||||||||||||||||||||||||||||
09-28-2012, 05:13 AM | المشاركة رقم: 3 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
الحمدلله ع السلامه ، ويوسف بالدنيا ياختي ،
|
||||||||||||||||||||||||||||||||||||||
09-28-2012, 05:42 AM | المشاركة رقم: 4 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
الف مبروك حبيبتي عقبالي وكل الحوامل بولاده هينه لينه من رب كريم قولوا امين بس غريبه كشفت ولقته 4سم وتركوك كم يوم مفروض خلوك عندهم واذا وقف على اربعه عطوك طلق صناعي
|
||||||||||||||||||||||||||||||||||||||
09-28-2012, 05:55 AM | المشاركة رقم: 5 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
|
||||||||||||||||||||||||||||||||||||||
09-28-2012, 09:26 AM | المشاركة رقم: 6 | ||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
الف الف مبروك يتربى بعزكم |
||||||||||||||||||||||||||||||||||||
09-28-2012, 09:37 AM | المشاركة رقم: 7 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
الف مبروك والحمدلله ع سلامتك
|
||||||||||||||||||||||||||||||||||||||
09-28-2012, 10:23 AM | المشاركة رقم: 8 | ||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
حمدلله على سلامتك .. |
||||||||||||||||||||||||||||||||||||
09-28-2012, 08:31 PM | المشاركة رقم: 9 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
و كأنها قصة ولادتي..أنا مثلك 11 ساعة مع الطلق الصناعي و بعدها ولدت قيصري
|
||||||||||||||||||||||||||||||||||||||
09-28-2012, 08:40 PM | المشاركة رقم: 10 | ||||||||||||||||||||||||||||||||||||||
|
كاتب الموضوع :
samoka
المنتدى :
إستفسارات مرحلة الولادة
رد: قصه ولادتي ب احلي هديه من رب العالمين والصدمه بعد11 ساعه من الطلق الصناعي
الف الف مروووووووك وحمد لله ع سلامتك انتي وابنك ..
|
||||||||||||||||||||||||||||||||||||||
مواقع النشر (المفضلة) |
جديد منتدى إستفسارات مرحلة الولادة |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
معلومات عن الطلق الصناعي ، ماهو الطلق الصناعي ، الطلق الصناعي | نفسي احبك | إستفسارات مرحلة الولادة | 1 | 10-30-2014 09:59 PM |
الطلق الصناعي ، اعراض الطلق الصناعي ، اللجوء للطلق الصناعي | بنت الوادى | إستفسارات مرحلة الولادة | 0 | 09-11-2012 06:24 PM |
الطلق الصناعي ، اضرار الطلق الصناعي ، مشاكل الطلق الصناعي | بنت الوادى | إستفسارات مرحلة الولادة | 0 | 09-04-2012 07:34 PM |
الطلق الصناعي ، تاثير الطلق الصناعي ، اضرار الطلق الصناعي | بنت الوادى | إستفسارات مرحلة الولادة | 1 | 08-21-2012 02:23 PM |
ولدت الحمد لله و جبت احلى يوسف - قصة ولادتي و الطلق الصناعي - | Om Youssef | إستفسارات مرحلة الولادة | 30 | 04-15-2011 02:20 PM |