قصة حملي وولادتي طويلة بس نبي رايكم

[saly.me.91]

بسم الله الرحمن الرحيم

قصة حملي وولادتي

طبعا كانت الزيارة الاولى للمركز الاردني وبعدالفحوصات طلع السبب في تاخير الحمل من زوجي فعرض علينا الدكتور حلين يا هوا ايدير عملية ع الدوالي ياندير عملية حقن مجهري ..

ولما شفت ان عملية الدوالي اغلبها مش ناجحة ومع علمي ان الحقن المجهري حتى هوا مش ديما ناجح، فقررت اني نتوكل ع الله ونديرها مع انهااتكلف هلبا بس عادي ، ف شن صار ؛ رفعت طاقمي الذهب لسوق بوسليم وبعته ب2800 *.
*وقلت عوضي على ربي.. المهم مشيت للمركز وعطاني مجموعه ايباري كورس مع المتابعه باش يشوف البويضات وكل يوم كان يقول تمام التمام المهم 9 ايام وكانو جاهزات مع ان في ناس يوصلو حتى 21 يوم
تاني يوم كتبلي ابرة تفجير وقلي ارجعي بعد يومين
*
جيت ياحنة وخلصنا ووقعنا ع ورقة ان المركز مش مسؤول عن فشل العملية ونزلوني لوطا وجابولي لبسة العمليات..
كنت فرحانة بنطير ونراجي في دوري ع احر من الجمر ، وجت ممرضة التخدير وطزتلي الكانيولة وخششوني ورقدوني ع السرير وكتفولي يديا واعطوني البنج.
وبعدما فقت لقيت روحي الدنيا ادور بيا وجابولي تغدية وقالولي يومين استمري عليها.
قالولي سحبنا 16 بويضة منهم 11ً كويسات
انردو عليك بعد يومين فاتو اليومين واتصلو قالولي غدوة اتجي بنردولك الاجنة تلقحو 7 ومنهم 5 انقساماتهم كويسة
*
جيت تاني يوم بنفس الطريقة تخليص ونزول لوطى ولبس بس المرة هده من غير بنج .. خشيت غرفة العمليات والممرضة شادتلي يدي والدكتور يرجع ف الاجنة وكمل قالي انشالله توم ولد ضحكت انا ودعيت اللهم اني استودعتك اجنتي يامن لاتضيع عنده الودائع.. قالولي ارجعي بعد 14 يوم للتحليل
وكل يوم نلمس ف بطني بسعادة وكان رايي ان حتى لو ماحملتش المهم حملتهم ع اقل ايامات واستمتعت بكوني حامل وكنت انقوله يسلمو عليك صغارك هههههه

وبعد 10 ايام جاني امساك اتصلت بالدكتور نبي حل قالي تعالي انشوفك وشافني بالجهاز قال she is pregnant! قتله no she is not قالي ليش قتله لانه بكري قال بس انا دكتور وبعرف بس اعملي هالتحليل مشان نتاكد ودرت التحليل ونستنى............ لحظات تمر كانها سنوات وجت الممرضة قدام الناس تبتسملي وسلمت عليا وقتلي مبروك ومشت
طلعت وراها زي المريوحة متاكدة؟ قتلي اي بس متقوليش للدكتور
وقلت لمحمد وكانت ردت فعله ابتسامة واااااااااسعة وصمت.. محلاها الصدمة

ارجعي بعد اسبوعين قال الدكتور ولما شافني قال توم وبعدها قال تلاتة وهاد الرابع قتله ترا زيد شوف بالك في واحد لابد هنى ولاهنى خخخخخخخخ
بس واحد في نبض ارجعي بعد اسبوعين نتاكد لو فيهم نبض يبقى لازم عملية
ورجعت وكانو الاربعه فيهم نبض بسم الله ماشاء الله وقال لاااااااازم انحو اثنين قتله اسبوع انفكر ومنها صرت اناجل فيها من اسبوع لاسبوع وقررت نخليهم والدكتور كل مايشوفني يوبخني ويقولي ح يطيحوفي الخامس بالله هوا واحد ومرات ايطيح حتى من الاول

ويجو معاقين والخ الخ الخ ويتصل ويضغط ع العيلة باش يقنعوني بس انا كان املي بالله كبير
وقررت معاش نمشيله

ومع المثبتات والايباري اللي يوم بعد يوم مشيت للجلاء ودرت عملية الربط ولما طالعة من العملية وفقت ورافعيني للغرفة لاقتني امي وبلحظة نزلت دمعاتي حسيت اني ضعيفة ومسكينة وطلعو امي ماخلوهاش اتخش الا في وقت الزيارة ولوحوني ع سرير مش سريري بلا غطا لامخدة لاشي زي القزونة ونضت لسريري وانا دايخة ودمي سايل ولبست واتكيت وطلبت مسكن واتريحت

فاتو الشهور مابين نخصة ووجع والبطن يكبر وضيق التنفس والضلوع بيتكسرو والنوم صعب وبالذات جنبي اليمين نخصات موس الله المستعان والكساد من الرقاد ع السرير وشادتها نت ومنتدى حوامل خخخخخ
جي الشهر السادس وحصلت تقرير طبي وموافقة للعلاج ف تونس بعدما الدكاترة قالولي لااااازم تمشي برا*
مشينا المطار وركبت الطيارة وطارت بينا جت المظيفة انتي باي شهر قلتلها بالخامس مع ان بطني يدل اني في العاشر .. قالتلي مش واضح قلتلها توام قتلي حتى وكان احنا توا ف الجو!

من الرزن كانت مسافة 50. متر كانها 5 كيلومتر وانا نجاهد ونمشي للسوق متاع المنار في اليومين اللي قعدناهم غادي وحولنا لحي فرنسا وانبطاح ع السرير جي يوم عطلة وجاني نزيف وقعدت انراجي امتى ايجي الصبح وبوشي ع الدكتور بن زينب وحولنا ع مستشفى وسيلة بورقيبة..
*دارولي دخول طبعا الامور مش بهالبساطة شوق تمشوير وتشحوير حصلاته امي ومحمد ومكالمات مع عمار التايب وفي الاخير مستشفى عام
لانظافة لا اهتمام لارعاية لا طب لا تمريض لا شي*
حاجة وحدة بس تكسيدة مع العزايز اه حقا ماقلتش انهم حطوني في قسم اورام النساء

ومع الماسي اللي نسمع فيها امتاع وحدة قلبولها المثانة وعاودوالعملية ووحدة ماعطوهاش تغدية ووحدة لما يفتحولها قيصري قصولها رجل العيل كانت عندي الولادة رعب مع اني كنت نتمنى كل يوم انه تجيني الوجعة وهذا كله انا في السابع وكل وجعه نقعد فرحانة باش نرتاح من الثقل اللي مش قادرة ننحرك لا نرقد لا ناكل زي الناس من القداد تبدا ليلتي حرفة مع اني انقرطع في الشروبو لكن دون جدوى فلجات للحبوب

وبين القداد وبين الشر اللي ضربنا من ماكلة المستشفى اللي لاطعم لالون لارائحة طبعا مش تحسابوها امية هههه ياريت ! عبارة عن حوته بمصارينها ولا محمصة قارصة وسلاطة بوسخها ومكرونة املتخة ولا صطر دجاج اصفر زي البزااار لا ... الحاجة الوحيدة اللي ناكل فيها منهم الليمة الحلوية اللي مرة قريب بكيت وانا نشحت فيها من الممرضة ومع ذلك قتلي لا خديتي حصتك.
بس بارك الله فيهم فاعلي الخير ناس تتصدق عليا بالماكلة اللي تجيهم شي كسكسي شي شربة شي طبيخة بازيليا وطاجين جبن حتى الفراولة وعصير الفراولة

وامي حبيبتي مسكينة اتقارع من اجلي وتطلع وترقا في الدروج بارتفاع 40متر باش تجيبلي بيتزا ولا وجبة وتحرم في نفسها ماتاباش تاكل منها وتغصب ع نفسها وتاكل في ماكلة المستشفى*
والا طلعتها باش تجيبلي حبوب القداد اللي تمو مني ونازلة من السليطة اللي كلها لبز من المطر وتزلق ع شوي تكسرت وولت جبتها حالة وكملت مشوارها لين صبت المطر وغسلتها وفوق هدا كله خطمت وخدتلي بيتزا.
كم انت عظيمة يا امي..."
لما خشت وشفتها مسكينة كانت زي الفلوس وداااهشة لان المستشفى اصنصيره فاسد وانا في الدور التاني..

ومرت الايام وجي يوم انا متكية ع السرير وفاتحة النت وامي كانت اتصلي ونسمعو في صوت نحسابوه لقني العزايز زي كل يوم..
دورة الصوت بدي واضح عياط ولهيد فتحت امي باب الدار اللي غالبا انسكر فيه فدد من المتطفلين واحنا دارنا تقول مزار خريط مريط طبعا مانحكيش ع العزايز صاحباتي بس تبو الحق حتى هما مرات انفد منهم*
ماعلينا نرجعو لموضوعنا بعد طلت امي من الباب سمعت خبر ان الصيدلية انحرقت اعتبرها امر عادي وخشيت الحمام..

وماهي ا لحظات حتى سمعت امي تعيط ياعابدة اطلعي المستشفى انحرق وحتى شغلي ماكملته لبست وطلعت نجري حدفتلي امي الروب وقتلي نلبس جبتي قتلها البسي باهي والفلوس انجيبهم ع اساس ببنرجعو غير شوية لين يطفو النار قلتلها جيبيهم وطلعنا من الدار ولقينا الناس يجرو يمين ويسار وماعرفناش من انتبعو يسار بيبان الطوارئ ويمين الدروج شفنا ممرضة ماشية ايمين وفجرتها لين وصلنا الدروج ولقينا الدخان الاسود طالعلنا بيلتهمنا ناضت الممرضة فقدت صوابها وبدت تندب وتتطايح.. انا مالي ؟؟ولينا انا وامي باتجاه بيبان الطوارئ واخترنا اليمين ونزلنا وكنت نجري في نظري بس هيا جرية سلحفاة من الرزن ونزلنا لقينا باب مسكر ودروج يرقي فوق.. رقينا ولقينا الممرض ورجالة يقيمو في النساوين فوق حيط ارتفاعه متر ونص

حيه عليا كيف بنركب بهالبطن وقتها انهرت وعرفت انه مستحيل وامي ينادو عليها باش تركب قالتلهم شي بنتي قبل وركبوني كيف مشعارفة وفي وسط الزحمة والناس تتعايط والنساوين يجرو بدمهم وحدة ادور في عيلها اللي كيف جايباته مالقاتاش والصغار مهربينهم في اسرة وعالم خاش بعضه والمفاجاة الاحلى والاروع انه بعد الركوب اكيد فيه نزول.. ووصلنا للمرحلة متاع التنين اللي في سوبر ماريو مستوى النزول زوز متر ونص غبارة

*واتكررت لقطة امي متاع بنتي قبل وخفتها اتريح مني وقعمزت ونحيت الروب ونزلت رجليا وتلقوني ونزلت وامي وراي وانا نمشي ونبكي والالم يزيد قلت اكيد ح تنفجر الخياطة واتصيرلي حاجة من هالرعايش وفي وسط الزحام لقينا سوبر مان اللي هوا دكتور رزيقة وقعد يخزرلي وعرفني جي وقال لامي هزها هزها قتله امي وين نهزها قلها المونبليزير و بمعجزة لقت امي بيرو وورقة باش كتبلنا اسم المصحة وجابلنا تاكسي وهزنا وطول الطريق واناندعي في الدعاء متاع الالم لييييين خف الالم ومشي

وصلنا المصحة وبعد التقصقيص من بعتكم ومن ومن كلمو الدكتور وقاللهم استقبلوها وبدو يتجارو التغذية والتحاليل والاكسجين وفرحت بداري الجديدة والرفاهية
يومين وجي محمد من ليبيا وبديت انفد من روتين العيادة وفديت من ماكلتهم بعد ماكنت نشوف فيها جنة حدا ماكلة المستشفى حتى هما دجاج اصفر مش عارفة شن قصتهم مع البزار ولا لحم بقر ستيك من يوم مارجعته كما هو كرهته

واتنفخت ووليت زي التريلة زي ماقالي الاردني ورجليا ولو زي العرصات والتحاليل كل دقيقة والكانيولات نقبولي يديا لقو عندي ضغط وبجميع انواع الحبوب وبمختلف جرعاتها شي قال ننزل وبدو في زيادة الدم لان جاني فقر دم لقوه سبعه ومحمد ماشي جاي ع مصرف الدم وامي تطلب في الليبيين اللي في الريسبشون وجي يوم باتت فيه امي في الحوش مع محمد بعدما. خافو من التخليص وكانت اطول ليلة في حياتي لاني بديت نخاف من الوحدة وفوق هدا كله ضيق التنفس الغريب اللي جاني والكحة من ابسط مجهود وقضيت الليل كله مقعمزة على حافة السرير.

*تاني يوم بدو في الاكسجين وماهي الا يومين وجاني الدكتور الصبح وقاللي اقعدي صايمة الظهر العملية كان هدا يوم 30-4-2012 وفرحت قرييييييييب طرت .......عجباً.
ومع انهم قالولي اقعدي صايمة الا انه العطش قتلني وبديت نشرب في المية بالخنبه لا ومش هكي وبس جى خاطري في الفراولة وحدفت حبة في فمي ان شاءالله ماحد حوش
وجابولي لبسة العمليات وكنت فيها *زي الدبة*وكنت كيف مسكرة اسبوع في الشهر الثامن
ونزلوني من غير مانشوف محمد لانه كان يجري باش يجيبلي دم وودعت امي وانا اللي نقوللها ماتخافيش بسيطة
*
ونزلوني للدور الول وخششوني للغرفة وبطحوني ع السرير وبدو في التقصقيص جو باش مانخافش وجي دكتور التخدير وانا نشوف في اللي توتي في الامواس والطوبوات تقول بيحفرو بير.. وانا نتجدى فيهم ماتركبوش طوبو البول الا بعد البنج وبعد المناورات هده كلها سكرو راسهم وركبوه ماكانش واعر هلبا زي ما اعتقدت

وقعمزوني وقالولي راااك تتحركي قلتلهم عاااارفة وطزولي ابرة الظهر ورقدوني ودارو الستار وركبلي ابرة في يدي وخيطها ببونتوات من غير بنج .. كم انا صبورة!

وبدو يجزرو فيا وانا وجهي ياااكل فيا قريب نمزقه من الحكان وفجاة نسمع عياط نحسابه جاي من بره واستدركت انه البيبي ووروهالي هااادي بنت وبعدها عيطة تانية وعيطة تالتة وهدا ولد والعيطة الاخيرة وهدا ولد ودمعتي نزلت ع خدي من الفرحه .. تي كيف صار وين رقم 2. ماشفتهاش قالو طلعوها مشت وبعدها شفت الدكاترة يباركولي ورحت فيها لين فقت وانا في العناية وجت امي وحمودة وفرحت بيهم هلللبا وبديت نحكيلهم ونبكي مانبيهمش يطلعو من بحداي

ومافاتت هاديكا الليلة الا بخليني ونخليك وانا نشرب في المية بالدرقة زوز شيش طلعت منهم..
ورجعوني الصبح لداري وماشفتش صغاري الابعد تلاتة ايام وبالكرسي المتحرك
وكنت مش مصدقة روحي من الفرحة ومع اني اصابني تضخم في القلب الا انه الحمدلله على نعمتك ياااارب واحفظهم لي واحفظلي امي الغالية وزوجي.
وهااااااااذا كله كوم وابتسامة واحد منهم ولا ضحكته ليا كووووووووم تاني

[أم جنى فديتها]

ماشاءالله ﻵقوة اﻵ بالله

الحمدلله على سﻵمتكم جميعآ
ومبرووووك المواليد التوأم

[متغليه لعيوني]

الف مبروك والحمد الله على سلامتك ويارب يحفظهم ويبارك فيهم وربي يعوظك التعب الي تعبتيه يارب

[دلوعة دلوعة]

ألف مبروووك التوأم وحمدلله على سلامتك

[saly.me.91]

الله يسلمكم جميعا ويبارك فيكم

[فديت اخواني]

ماشاء الله تبارك الرحمن
يتربوا بعزكم
والحمدلله على السلامة

[ميراس]

المشاركة الأصلية كتبت بواسطة saly.me.91

بسم الله الرحمن الرحيم

قصة حملي وولادتي

طبعا كانت الزيارةالاولى للمركز الاردني وبعدالفحوصات طلع السبب في تاخير الحمل من زوجي فعرض علينا الدكتور حلين ياهوا ايدير عملية ع الدوالي ياندير عملية حقن مجهري ..

ولما شفت ان عملية الدوالي اغلبها مش ناجحة ومع علمي ان الحقن المجهري حتى هوا مش ديما ناجح، فقررت اني نتوكل ع الله ونديرها مع انهااتكلف هلبا بس عادي ، ف شن صار ؛ رفعت طاقمي الذهب لسوق بوسليم وبعته ب2800 *.
*وقلت عوضي على ربي.. المهم مشيت للمركز وعطاني مجموعه ايباري كورس مع المتابعه باش يشوف البويضات وكل يوم كان يقول تمام التمام المهم 9 ايام وكانو جاهزات مع ان في ناس يوصلو حتى 21 يوم
تاني يوم كتبلب ابرة تفجير وقلي ارجعي بعد يومين
*
جيت ياحنة وخلصنا ووقعنا ع ورقة ان المركز مش مسؤول عن فشل العملية ونزلوني لوطا وجابولي لبسة العمليات..
كنت فرحانة بنطير ونراجي في دوري ع احر من الجمر ، وجت ممرضة التخدير وطزتلي الكانيولة وخششوني ورقدوني ع السرير وكتفولي يديا واعطوني البنج.
وبعدما فقت لقيت روحي الدنيا ادور بيا وجابولي تغدية وقالولي يومين استمري عليها.
قالولي سحبنا 16 بويضة منهم 11ً كويسات
انردو بعد يومين عليك فاتو اليومين واتصلو قالولي غدوة اتجي بنردولك الاجنة تلقحو 7 ومنهم 5 انقساماتهم كويسة
*
جيت تاني يوم بنفس الطريقة تخليص ونزول لوطى ولبس بس المرة هده من غير بنج .. خشيت غرفة العمليات والممرضة شادتلي يدي والدكتور يرجع ف الاجنة وكمل قالي انشالله توم ولد ضحكت انا ودعيت اللهم اني استودعتكاجنتي يامن لاتضيع عنده الودائع.. قالولي ارجعي بعد 14 يوم للتحليل
وكل يوم نلمس ف بطني بسعادة وكان رايي ان حتى لو ماحملتش المهم حملتهم ع اقل ايامات واستمتعت بكوني حامل وكنت انقوله يسلمو عليك صغارك هههههه

وبعد 10 ايام جاني امساك اتصلت بالدكتور نبي حل قالي تعالي انشوفك وشافني بالجهاز قال she is pregnant! قتله no she is not قالي ليش قتله لانه بكري قال بس انا دكتور وبعرف بس اعملي هالتحليل مشان نتاكد ودرت التحليل ونستنى............ لحظات تمر كانها سنوات وجت الممرضة قدام الناس تبتسملي وسلمت عليا وقتلي مبروك ومشت
طلعت وراها زي المريوحة متاكدة؟ قتلي اي بس متقوليش للدكتور
وقلت لمحمد وكانت ردت فعله ابتسامة واااااااااسعة وصمت.. محلاها الصدمة

ارجعي بعد اسبوعين قال الدكتور ولما شافني قال توم وبعدها قال تلاتة وهاد الرابع قتله ترا زيد شوف بالك في واحد لابد هنى ولاهنى خخخخخخخخ
بس واحد في نبض ارجعي بعد اسبوعين نتاكد لو فيهم نبض يبقى لازم عملية
ورجعت وكانو الاربعه فيهم نبض بسم الله ماشاء اله وقال لاااااااازم انحو اثنين قتله اسبوع انفكر ومنها صرت اناجل فيها من اسبوع لاسبوع وقررت نخليهم والدكتور كل مايشوفني يبوخني ويقولي ح يطيحوفي الخامس بالله هوا واحد ومرات ايطيح حتى من الاول

ويجو معاقين والخ الخ الخ ويتصل ويضغط ع العيلة باش يقنعوني بس انا كان املي بالله كبير
وقررت معاش نمشيله

ومع المثبتات والايباري اللي يوم بعد يوم مشيت للجلاء ودرت عملية الربط ولما طالعة من العملية وفقت ورافعيني للغرفة لاقتني امي وبلحظة نزلت دمعاتي حسيت اني ضعيفة ومسكينة وطلعو امي ماخلوهاش اتخش الا في وقت الزيارة ولوحوني ع سرير مش سريري بلا غطا لامخدة لاشي زي القزونة ونضت لسريري وانا دايخة ودمي سايل ولبست واتكيت وطلبت مسكن واتريحت

فاتو الشهور مابين نخصة ووجع والبطن يكبر وضيق التنفس والضلوع بيتكسرو والنوم صعب وبالذات جنبي اليمين نخصات موس الله المستعان والكساد من الرقاد ع السرير وشادتها نت ومنتدى حوامل خخخخخ
جي الشهر السادس وحصلت تقرير طبي وموافقة للعلاج ف تونس بعدما الدكاترة قالولي لااااازم تمشي برا*
مشينا المطار وركبت الطيارة وطارت بينا جت المظيفة انتي باي شهر قلتلها بالخامس مع ان بطني يدل اني في العاشر .. قالتلي مش واضح قلتلها توام قتلي حتى وكان احنا توا ف الجو!

من الرزن كانت مسافة 50. متر كانها 5 كيلومتر وانا نجاهد ونمشي للسوق متاع المنار في اليومين اللي قعدناهم غادي وحولنا لحي فرنسا وانبطاح ع السرير جي يوم عدلة وجاني نزيف وقعدت انراجي امتى ايجي الصبح وبوشي ع الدكتور بن زينب وحولنا ع مستشفى وسيلة بورقيبة..
*دارولي دخول دبعا الامور مش بهالبساطة شوق تمشوير وتشحوير حصلاته امي ومحمد ومكالمات مع عمار التايب وفي الاخير مستشفى عام
لانظافة لا اهتمام لارعاية لا طب لا تمريض لا شي*
حاجة وحدة بس تكسيدة مع العزايز اه حقا ماقلتش انهم حطوني في قسم اورام النساء

ومع الماسي اللي نسمع فيها امتاع وحدة قلبولها المثانة وعاودوالعملية ووحدة ماعطوهاش تغدية ووحدة لما يفتحولها قيصري قصولها رجل العيل كانت عندي الولادة رعب مع اني كنت نتمنى كل يوم انه تجيني الوجعة وهذا كله انا في السابع وكل وجعه نقعد فرحانة باش نرتاح من الثقل اللي مش قادرة ننحرك لا نرقد لا ناكل زي الناس من القداد تبدا ليلتي حرفة مع اني انقرطع في الشروبو لكن دون جدوى فلجات للحبوب

وبين القداد وبين الشر اللي ضربنا من ماكلة المستشفى اللي لاطعم لالون لارائحة طبعا مش تحسابوها امية هههه ياريت ! عبارة عن حوته بمصارينها ولا محمصة قارصة وسلاطة بوسخها ومكرونة املتخة ولا صطر دجاج اصفر زي البزااار لا ... الحاجة الوحيدة اللي ناكل فيها منهم الليمة الحلوية اللي مرة قريب بكيت وانا نشحت فيها من الممرضة ومع ذلك قتلي لا خديتي حصتك.
بس بارك الله فيهم فاعلي الخير ناس تتصدق عليا بالماكلة اللي تجيهم شي كسكسي شي شربة شي طبيخة بازيليا وطاجين جبن حتى الفراولة وعصير الفراولة

وامي حبيبتي مسكينة اتقارع من اجلي وتطلع وترقا في الدروج بارتفاع 40متر باش تجيبلي بيتزا ولا وجبة وتحرم في نفسها ماتاباش تاكل منها وتغصب ع نفسها وتاكل في ماكلة المستشفى*
والا طلعتها باش تجيبلي حبوب القداد اللي تمو مني ونازلة من السليطة اللي كلها لبز من المطر وتزلق ع شوي تكسرت وولت جبتها حالة وكملت مشوارها لين صبت المطر وغسلتها وفوق هدا كله خطمت وخدتلي بيتزا.
كم انت عظيمة يا امي..."
لما خشت وشفتها مسكينة كانت زي الفلوس وداااهشة لان المستشفى اصنصيره فاسد وانا في الدور التاني..

ومرت الايام وجي يوم انا متكية ع السرير وفاتحة النت وامي كانت اتصلي ونسمعو في صوت نحسابوه لقني العزايز زي كل يوم..
دورة الصوت بدي واضح عياط ولهيد فتحت امي باب الدار اللي غالبا انسكر فيه فدد من المتطفلين واحنا دارنا تقول مزار خريط مريط طبعا مانحكيش ع العزايز صاحباتي بس تبو الحق حتى هما مرات انفد منهم*
ماعلينا نرجعو لموضوعنا بعد طلت امي من الباب سمعت خبر ان الصيدلية انحرقت اعتبرها امر عادي وخشيت الحمام..

وماهي ا لحظات حتى سمعت امي تعيط ياعابدة اطلعي المستشفى انحرق وحتى شغلي ماكملته لبست وطلعت نجري حدفتلي امي الروب وقتلي نلبس جبتي قتلها البسي باهي والفلوس انجيبهم ع اساس ببنرجعو غير شوية لين يطفو النار قلتلها جيبيهم وطلعنا من الدار ولقينا الناس يجرو يمين ويسار وماعرفناش من انتبعو يسار بيبان الطوارئ ويمين الدروج شنا ممرضة ماشية ايمين وفجرتها لين وصلنا الدروج ولقينا الدخان الاسود طالعلنا بيلتهمنا ناضت الممرضة فقدت صوابها وبدت تندب وتتطايح.. انا مالي ولينا انا وامي باتجاه بيبان الطوارئ واخترنا اليمين ونزلنا وكنت نجري في نظري بس هيا جرية سلحفاة من الرزن ونزلنا لقينا باب مسكر ودروج يرقي فوق.. رقينا ولقينا الممرض ورجالة يقيمو في النساوين فوق حيط ارتفاعه متر ونص

حيه عليا كيف بنركب بهالبطن وقتها انهرت وعرفت انه مستحيل وامي ينادو عليها باش تركب قالتلهم شي بنتي قبل وركبوني كيف مشعارفة وفي وسط الزحمة والناس تتعايط والنساوين يجرو بدمهم وحدة اطور في عيلها اللي كيف جايباته مالقاتاش والصغار مهربينهم في اسرة وعالم خاش بعضه والمفاجاة الاحلى والاروع انه بعد الركوب اكيد فيه نزول.. ووصلنا للمرحلة متاع التنين اللي في سوبر ماريو مستوى النزول زوز متر ونص غبارة

*واتكررت لقطة امي متاع بنتي قبل وخفتها اتريح مني وقعمزت ونحيت الروب ونزلت رجليا وتلقوني ونزلت وامي وراي وان نمشي ونبكي والالم يزيد قلت اكيد ح تنفجر الخياطة واتصيرلي حاجة من هالرعايش وفي وسط الزحام لقينا سوبر مان اللي هوا دكتور رزيقة وقعد يخزرلي وعرفني جي وقال لامي هزها هزها قتله امي وين نهزها قلها المونبليزير و بمعجزة لقت امي بيرو وورقة باش كتبلنا اسم المصحة وجابلنا تاكسي وهزنا وطول الطريق واناندعي في الدعاء متاع الالم لييييين خف الالم ومشي

وصلنا المصحة وبعد التقصقيص من بعتكم ومن ومن كلمو الدكتور وقاللهم استقبلوها وبدو يتجارو التغذية والتحاليل والاكسجين وفرحت بداري الجديدة والرفاهية
يومين وجي محمد من ليبيا وبديت انفد من روتين العيادة وفديت من ماكلتهم بعد ماكنت نشوف فيها جنة حدا ماكلة المستشفى حتى هما دجاج اصفر مش عارفة شن قصتهم مع البزار ولا لحم بقر ستيك من يوم مارجعته كما هو كرهته

واتنفخت ووليت زي التريلة زي ماقالي الاردني ورجليا ولو زي العرصات والتحاليل كل دقيقة والكانيولات نقبولي يديا لقو عندي ضغط وبجميع انواع الحبوب وبمختلف جرعاتها شي قال ننزل وبدو في زيادة الدم لان جاني فقر دم لقوه سبعه ومحمد ماشي جاي ع مصرف الدم وامي تطلب في الليبيين اللي في الريسبشون وجي يوم باتت فيه امي في الحوش مع محمد بعدما. خافو من التخليص وكانت اطول ليلة في حياتي لاني بديت نخاف من الوحدة وفوق هدا كله ضيق التنفس الغريب اللي جاني والكحة من ابسط مجهود وقضيت الليل كله مقعمزة على حافة السرير.

*تاني يوم بدو في الاكسجين وماهي الا يومين وجاني الدكتور الصبح وقاللي اقعدي صايمة الظهر العملية كان هدا يوم 30-4-2012 وفرحت قرييييييييب طرت .......عجباً.
ومع انهم قالولي اقعدي صايمة الا انه العطش قتلني وبديت نشرب في المية بالخنبه لا ومش هكي وبس جى خاطري في الفراولة وحدفت حبة في فمي ان شاءالله ماحد حوش
وجابولي لبسة العمليات وكنت فيها *زي الدبة*وكنت كيف مسكرة اسبوع في الشهر الثامن
ونزلوني من غير مانشوف محمد لانه كان يجري باش يجيبلي دم وودعت امي وانا اللي نقوللها ماتخافيش بسيطة
*
ونزلوني للدور الول وخششوني للغرفة وبطحوني ع السرير وبدو في التقصقيص جو باش مانخافش وجي دكتور التخدير وانا نشوف في اللي توتي في الامواس والطوبوات تقول بيحفرو بير.. وانا نتجدى فيهم ماتركبوش طوبو البول الا بعد البنج وبعد المناورات هده كلها سكرو راسهم وركبوه ماكانش واعر هلبا زي ما اعتقدت

وقعمزوني وقالولي راااك تتحركي قلتلهم عاااارفة وطزولي ابرة الظهر ورقدوني ودارو الستار وركبلي ابرة في يدي وخيطها ببونتوات من غير بنج .. كم انا صبورة!

وبدو يجزرو فيا وانا وجهي ياااكل فيا قريب نمزقه من الحكان وفجاة نسمع عياط نحسابه جاي من بره واستدركت انه البيبي ووروهالي هااادي بنت وبعدها عيطة تانية وعيطة تالتة وهدا ولد والعيطة الاخيرة وهدا ولد ودمعتي نزلت ع خدي من الفرحه .. تي كيف صار وين رقم 2. ماشفتهاش قالو طلعوها مشت وبعدها شفت الدكاترة يباركولي ورحت فيها لين فقت وانا في العناية وجت امي وحمودة وفرحت بيهم هلللبا وبديت نحكيلهم ونبكي مانبيهمش يطلعو من بحداي

ومافاتت هاديكا الليلة الا بخليني ونخليك وانا نشرب في المية بالدرقة زوز شيش طلعت منهم..
ورجعوني الصبح لداري وماشفتش صغاري الابعد تلاتة ايام وبالكرسي المتحرك
وكنت مش مصدقة روحي من الفرحة ومع اني اصابني تضخم في القلب الا انه الحمدلله على نعمتك ياااارب واحفظهم لي واحفظلي امي الغالية وزوجي.
وهااااااااذا كله كوم وابتسامة واحد منهم ولا ضحكته ليا كووووووووم تاني

الف مبروك ياسالي والله العظيم نقرا ونبكي اتصدقي والله صبرتي ونلتي حبيبتي علي فكرة اني بعتلك رساله ارجو ان تكون وصلاتك وماهي اسما ء التي اخترتيها لهم ويتربو في عزك والعقبة لكل عطشان لهده اللحظات الؤترة يارب

[لوليته لولو]

سالتو حبيبتى حمد لله ع سلامتك وربي يحفض هم لك يارب

[أم أجنادين 80]

مـــاشاء الله صبرتي ونلتي
والحمد لله علي سلامتك وسلامتهم
ربي يحفظهملك يتربوا في عزكم
ربي عوضك بحاجة احسن من التاكم ان شاء الله يكبروا ويجيبولك احسن منه

[saly.me.91]

الله يبارك فيكم يااغلى اخوات ويحفظلكم صغاركم ويعطي كل متمني ياااارب العالمين