يسمحون لي اولد قيصري؟ مابي طبيعي

[نهال الدوسري]

السلام عليكم

بنات انا بكرية ومن كثر مااسمع عن الولادة الطبيعية واقرا جتني فوبيا وصرت بس اوسوس درجة احلم اني اولد واموت

الزبدة ابي اولد قيصري سؤالي لو اروح المستشفى حكومي وقت الولادة واطلب منهم عملية يوافقون ؟ ولا لازم مستشفى خاص ؟ وحتى المستشفيات الخاصة يوافقون ولالا ؟

الله يسهل ولادتنا جميعا وخاصة اللي بترد علي

[متأمله]

اتوقع بيوافقون
بس ليه ماتولدين طبيعي احسن لك بواجد
وتاخذين إبره الظهر؟مادام انك خايفة
كل اللي جربوها ماحسوا في الولادة
الله يكتب لك اللي فيه الخير
والولادة الطبيعية اجر ان شاءلله

[نهال الدوسري]

بس يقولون ابرة الظهر ممكن تسبب شلل وانا اخاف وهم يعطوني اياها اتحرك ولا شي معليش تراني خوافه وبكرية مدري ماافهم بهالشغلات عموما يعطيك العافية مشكورة

[الحلم المنتظر]

اتكلي على ربك.الولاده الطبيعه.تعبها يوم اما العمليه يالله.يطيب بطنك وويكبر بطنك.بعدها الله يسهل عليك

[أم ح ــنونـہ]

شوفي حبيبتي
انا اليوم كنت في مستشفى حكومي منومه
وكانت وحده تبغى قيصري لانها خايفه
الدكتوره ما رضيت لها ابدا
قالت القيصري بس للحالات الحرجه
ممكن ما يوافقوا اذا طلبتي خصوصا لو كل شي عندك سليم
بس الخاص اظن عادي والله اعلم
بس نصيحه مني الطبيعي احسن مليووووون مرهـ
وكلنا مثلك يا قلبي خفنا وارتعبنا
بس الله سبحانه سهلها علينا وقمنا بالسلامه
عليك بالدعاء والصلاة وقراءة القرآن
وربي يتمم لك على خير حبيبتي ♥

[نهال الدوسري]

لا تكفين قولي انك تمزحين :(

يعني بيرفضون

والله متوكلة على ربي بس عجزت اطرد هالاحساس

بكلم بكرة مستشفى اهلي واشوف وش يقولون

يعطيكم الف عافيه

[غفران الحلوه]

الطبيعي احسن توكلي علي الله والله يسهل عليج الطبيعي بس بتتالمي وقت الولاده اما القيصري راح تتالمي لين بعدها باسبوع ولمن يفك البنج راح تتالمي كثير وماراح تقدري تشيلي البيبي او تحمميه وراح تتعبي كثير فا الطبيعي احسن الله يسهل عليج ولادتج تري مو كل الحوامل زي بعض ولا تسمعي من احد دايم يقولو الولاده متعبه ومادري شنو وتلاقينهم عندهم درزن عيال لا تخافي الله يسهل عليج

[لكبريائي رواية]

انصحك بالولادة الطبيعية لما لها من الأجر والثواب
لا تخافي من الموت عزيزتي ولا تفكري فيه ( لكل أجل كتاب فاذا جاء أجلهم لا يستأخرون ساعة ولا يستقدمون )..
سبحان الله لكي دعوة مستجابة وربي يسهللك حملك وولادتك..
بعدين سمعت عن الكمامة اثناء الولادة بلاش من الابرة خديها ورااح ترتاحي ان شاء الله
وانصحك شيلي فكرة القيصري من باااااااالك..

الله يتمملي ويتمملك وعلى كل الحوامل بخيير ياارب

[نهال الدوسري]

انا مو خايفة من الموت بالعكس لو اموت وانا اولد اموت مالي ولا ذنب بس خايفة من الالم

يعطيكم العافية ع الردود يالغاليات

[حيآتوو]

من جددك!!!

انا مووت خايفه من القيصريه .. تخيلي حتى لو بريتي كل عطسه وكل ضحكه تحسين بالجرح
اعرف وحده شهرين علما لمست رجولها :(((

ترا مرره اليممه لاتستهينين.

ومليووون اسلوب لتخفيف الالم
ابرة الظهر ماتسبب شلل لان مواي احد يضربها
ولو تحركتي فيه ابرة بالعضل
فيه اكسجين

كلها كم ساعه .. اهم شي الثقه بالله
هو اللي خلقك ويعرف شتتحملين شنو ماتتحملين
وكله بيد الله

الله يقومك بالسلامة

وان شاء الله مايوافقون هههه