علمووني.. كيف اعلم بنتي الحمام:(

[حيآتوو]

مرحباااً

السالفه بدون مقدمات
اني بديت اقول لبنتي من هي سنة ونص اذا بغت حمام تقولي
بس كلام
وفعلا كانت تقول ماشاء الله بس بعد ماتخلص
ً

وكنت بعلمها باجازة الصيف بحكم ااني ادرس
وماعندي الا هالفرصه وهي كملت سنتين

بس ماكنت عارفه شسوي وكيف ابدأ .. وكثييير هذروا ع راسي
صغيره صغيره وحرام عليك !
ماكنت مقتنعه بكلامهم لان واثقه بنتي ذكيه مااشاء الله وقرفانه
بس سبحان الله تأثرت وكسلت

الحين عمرها سنتين ونص
وربي مو عااارفه كيف
احسها مطيعه بس مو فاهمه شالمطلوب
خصوصا انها ولامره عملت الصغيره بدون حفاض
ولاوهي تسبح ولا وهي تبدل يعني ماتعرفها

نروح الحمام تتفرج ع الديكور وتسالف لين ماتتعب واطلعها
وهديه
وهذي حالتنا بدون تطورات!!

الللي يقهرر انها منتكسه قبل تقول اذا سوتها
الحين عااادي

وانا حامل بالسادس ومرررره اتنرفز
فمره قلت بخليها بشوف متى تقول!
لين ماتكرمون طبعت ملابسها وتوها تقول
وعصبت فيها وضربتها

ومنها والله جاني اكتئاااااااب ولارجعت اعلمها
احس مافيني صبر ومابي اعصب
ومعفوسه

المشكله ::
1/ جاي البرد .. قلت بعلمها هالاسبوع ع الاقل الكبيره بس مدري يقولون ماينفع لازم كله مع بعض!!!

2/ اجازتي الجايه بولادتي .. شهرين اجازه
تحمست بعلمها فيها.. قريت انه الطفل يتأزم بقدوم بيبي جديد ويتخربط وماينفع

3/ ماعندي اجازه بعدها الا 3 اسابيع
وبتكمل فيهم الثلاث سنين

مابيها تكبر بحفاضه .. احس سبه لها
ويعايرونها العيال

بلييز علموووني شسووي:( :(

عطوني برنامج التدريب بالتفصييييل
حتى لو طويل بس ابي انجز بدون عصبيه


ايه صح الاخت تشاهد تلفزيون كثير
واحيانا تعاند بس عشان مايفوتها شي
يعني تقول حمام! يجي اللي تحبه
تقول لا خلاص مابي حمام!

والا لما نكون بالحمام تكرمون ... تسمع اللي تحبه جا .. تقول يلا بتطلع تبي تشوفه!

شالحل؟ ماابي امنعها عشان ماتكره الحمام
ولاعارفه اضبطه
قمت اقلل الساعات بس لسسسه!! ><

حالتي عويصه

[ح ـسسآيف]

الله يقومك بالسلامة يارب
وياعمري عليها بنتك لاتضربينها ترى عضلاتها لسى ماتعودت باقي ويبغى لك صبر على المرحلة هذي
انا أولادي عودتهم على الحمام على ثلاث سنوات بحزم خلاص رغم انهم كانوا يقولون عني ليش ماتعودينهم بدري كذا غلط بس كنت ارحمهم جسمهم صغير
كنت أمدح لهم اطفال بعمرهم انهم يروحون الحمام ويصيرون كبار
وكل ماسووا شيء بالحمام خليتهم يلصقون ملصقات يحبونها على الباب سبونج بوب ولا دورا واعطيهم هدايا يحبونها
وامدح فيهم واحسسهم انهم صاروا كبار خلاص
أسبوع أسبوعين بالكثير خلاص يتعودن حتى بفراشهم الحمد لله مايسوونها الا نادرا بس ماأشربهم قبل لاينامون سوائل كثير ..

الكبيرة أول مايسوونها يقعدون يصيحون ياماما دودو جت لين تعودوا خلاص ..
يبي لك صبر يا أختي وشهر زمان ان شاء الله بتتعود معاك

[حيآتوو]

اااه ياختي لاتذكريني هذي اول مرره وعشان كذا اكتأبت والله
وقطعتت قلت لازم انا اصير جاهزه تمام ،، مابيها تتعقد:((

بس لان مره قهرتني ماتقول اذا سوتها وترضى على نفسها
مع ان قبل تقول وماما تقول طاوعيها تبي تتعلم
وحتئ لو اوقاتها مو عدله اوديها
بس انتكست!!

بنتي من النوع اللي دوم مشغول.. احسها تطنش من حوستها
فهمتي!

المهم ماعلمتيني بالضبط..
-اشيل الحفاظ والا اخليها واعلمها بيها
-متى البسها الكلوت؟
- متى اشيل حفاظ الليل؟

والاهم شلون اخليها تععرف المطلوب؟؟
صدق لازم كل 10 دقايق اوديها؟؟ اخاف تزهق وتعاف !

ينفع اعلمها بالنهار وبعد المغرب حفاظ؟
يعني الدروس محدودة كم ساعه بالنهار بحكم اني ادرس؟

ويعطيك العافيه

[ح ـسسآيف]

المشاركة الأصلية كتبت بواسطة حيآتوو

بنتي من النوع اللي دوم مشغول.. احسها تطنش من حوستها
فهمتي!

كل الاطفال كذا تقريبا ينسون حالهم باللعب والتلفزيون

المهم ماعلمتيني بالضبط..
-اشيل الحفاظ والا اخليها واعلمها بيها

شيلي الحفاظ عنها عشان تتعلم لك بسرعة وقت ماهيا صاحية

-متى البسها الكلوت؟

اذا شلتي الحفاظ على طول أو عادي نفس سراويل البجايم عشان اذا سوتها ماتحوس لك البيت

- متى اشيل حفاظ الليل؟

مبدئيا اذا نامت لبسيها الحفاظ لين تتأكدي ان الحفاظ تبقى جافة وشجعيها اهم شيء
طبعا بالخرجات ووقت النوم كنت البسهم الحفاظ

والاهم شلون اخليها تععرف المطلوب؟؟
صدق لازم كل 10 دقايق اوديها؟؟ اخاف تزهق وتعاف !

تقريبا .. جيبي لك كرسي جمب الحمام بما أنك حامل واجلسي لين تسويها وتستوعب انها سوت وقولي لها انتي اذا نززلت موية من تحت قولي عشان اشطفك أوووو ...... تعرفي تتفاهمي معها انتي وطبعا الموضوع حبة حبة .. بداية كل عشر دقايق .. بعدين كل نص ساعة ,, تدريجيا تزيدين الوقت بس راح تسألينها كل شوي لأنها يمكن تنسى ماتقول لك

ينفع اعلمها بالنهار وبعد المغرب حفاظ؟
يعني الدروس محدودة كم ساعه بالنهار بحكم اني ادرس؟

على حسب ووقتك ونفسيتك ,بس الاهم لا تعلمينها وانتي ماعندك صبر لأنك يمكن تكرهينها بالشيء ذا من غير قصد

ويعطيك العافيه

الله يعافيك أختي كلنا بالمنتدى نفيد ونستفيد من بعض .. الله يسهل أمرك يارب

[om aseel]

حبيبتى انتى اتأخرتى كتير على انك تعوديها على الاقل على البوتى انها تعرفها

يعنى تعزمى عليها وياريت تكون شكل او على هيئة حيوان بحيث تحبها ومرة على مرة هاتلاقيها تعمل فيها وبعدين تدخل الحمام

بس ماشااء الله بنتك كبيرة بس ممكن تعرفيها عليها وتبدأى معاها قبل ولادتك لأنك هاتتعبى اوى معاها عشان البيبى الجديد وغيرتها منه

الله يقويكى عليهم يارب

بصى اشتري البوتى وعوديها عليها فترة اسبوع او اتنين كده وعرفيها اننا نعمل هنا الحمام لغاية اما تعرفها وممكن تحطيهالها قدام التليفزيون عشان ماتقومش وتعمل وبعد كده دخليها الحمام وجيبلها البوتى بتاعة التواليت عليها اشكال ورسومات

وخليها فى الحمام لعبة بتحبها تمسكها وقت الحمام وابقى طفى التليفزيون وقت الحمام عشان تركز هههههههههههههه وان شااء الله ماتتعبك وتتعود بسرعة خصوصآ انها كبيرة وهاتبقى سريعة الفهم ان شااء الله

وان شااء الله تقومى بالسلآمة وربنا يخليهم لك ياارب....~

[يارب تسهل لي]

نفس المشكله بنتي سنتين و11شهر وماقدرت اعلمممممها مشكلتها تسوي الكبيره وتحس في رغبتها للحمام بس المشكله البوووول ماهي عارفه بالضبط اش معناه رغم اني جربت معها دخلتها معاي الحمام ووريتها كيف المويه وفهمتها وتقول ايه طيب ولما اسالها اقولها في بول ياماما تقول ايه ولما ادخلها الحمام مافي شي وارجع اجلسها شوي عادي تجلس واول ماطلعها اقول خلاص مافيها بول تعملها على البنطلون وبكذا ماستفدت شي حاولت حاولت مره ماعرفت رغم ان عمرها كبير شوي اللي زيها تعلمو الحمام بس انا عرفت انه الاولاد في الحمام يتعلمو قبل البنات مادري المعلومه صح ولالا بس قراتها

[دافئة المشاعر]

مسآلة وقت وتتعود لاتخافين
كل شي بهدنيا مسآلة وقت وصبر

[حلوة البنات]

انا الان حامل بالشهر الاول

و ولدي عمره سنه و شهرين

يعني لما اولد راح يكون عمره تقريبا سنتين

و احس تعب و راح اتعذب لانه راح يكون عندي 2

و احس عمر السنتين هو المناسب للتعليم الحمام

بس احس بيصير صعب عليه اعلمه و هو ولدي اول طفل و بيجي مولود جديد ف بينصدم احس او بيغار و ما راح يرضى يتعلم و بيعاند


الله يعين بس

[جوهرة مسقط]

الله يعينكم حبيباتي

كل شي بالصبر بيصير

وعقبالي اعلم بنوتي

[حوراء أحمد]

شوفي حبيبتي .. أنا بنتي الحمد لله مرة أرتحت معاها في تدريبها على الحمام
علمتها لما كملت سنتين .. طعمتها يوم و بدأت معاها يوم ثاني
قبل كل حاجه جلست معاها أتكلم سألتها : بابا كبير لو صغير ؟ قالت لي بابا كبير بابا قوي :)
سألتها و ماما .. قالت كمان كبيره ،، الشاهد ،، فهمتها ان بابا و ماما كبار لأن فيهم أسنان ..
ف هي كبيره لأن فيها أسنان :) ..
المهم .. بعدين قمت أتكلم ليها عن الرضع الصغار من العايله كيف هم صغار ما يعرفوا يتكلموا و يلبسوا حفاظ لأن ما يعرفوا يخبروا ماما أنهم يريدوا الحمام و راويتها صور أطفال عليهم حفاظ و ما فيهم أسنان و و و و ..
لما أقتنعت .. - عيب بس ما مشكله للإستفاده - راويتها دولاب ملابسنا إن أنا و أبوها نلبس الكلوت و ما عندنا حفاظ و إن احنا نروح نعملها في الحمام - لأن حنا كبار-
هذي المرحله الأولى ..

بعدين راويتها أني أخذت ليها كلوت حلو و مرسوم فيه دب و فصتختها الحفاظ و خليتها ترميه بالزباله..

و كنت شاريه لها غزال للحمام و فيه أزرار و يطلع مسيقى مره حيلو و أخذت كمان قصه طفوليه مصوره إسمها " لم أعد صغيره " فادتني كثيييير ..لو تقدري تحصلين عليها تمامز

ثلاث أيام في كل مكان تعملها و كل شوي ،،.. بعدين شوي شوي بدأت تفهم
أني خليت عليها الحفاظ في الليل أول الأيام .. و لما شتفها وقفت ما تعملها و هي نايمه بعدين شلته..
بس في النهار لما رمت الحفاظ خلااااص ما لبسته إياها ثاني..

و أني بنتي حجمها صغييير مره عمرها سنتين و وزنها بس ثمانيه كيلوا ، الكل كان يقول لي حرام لسا صغيره بس أني كنت أحسها فاهمة و نفس حالتك عندي دراسه فإستغليت إجازة العيد.

هدرت كثير بس أتنمى أفيدك