ادخلوااا ضروري والده قيصري

[A-m-w]

صباح الورد
كيفكم
خلتكم الي والده قيصري وش الاشياء الضروريه الي لازم أسويها
والي ابتعد عنها
والأعشاب. والاهتمام بالعمليه والجسم
ومتى أبدى استخدم مانع
ومتى أبدا الجماع مع زوجي
وشكرا اذا لكم

[مهره الدنيا]

الله يسهلك ويقومك بالسلامه يارب

وان شاءالله المجرباااات يفيدوكي يــــا قمر

[ورودي البيضاء]

القيصري نفاسه مريح شوية

لا تلعبي بنفسك كثير من ناحية الخلطات لأنه هم منظفينك كويس

اشربي دوافي ودفي نفسك اشربي شاي زنجبيل قرفة هذه المعتادة كلها كويسة

مرة حلوة شاي النعناع او مغلي النعناع عشان الغازات والهوا اللي بعد القيصري تخلصي منه بسرعة ولا بتلاقي بطنك زي الطبلة لما تدقيها

عندك للغازات وهوا البطن مغلي النعناع .. و اليانسون والكراوية كويسين برضو .. وفيه حبوب مضغ بالنعناع ممتازة وهيا عادي حتى الاطفال ياخدوها دايما ياكلوها :)

اذا ماخف معاكي الهوا لين اسبوعين تلاتة روحي الصيدلية اطلبي منه شي للهوا .. منه نيو كاربون او شي زي كدا ناسية اسمه ممتاز برضو .. بس هذا لو مانفع معاكي النعناع واليانسون و حبوب المضغ العادية..

لأنه انا مرة مانفعت معايا بس عادي شفت اخواتي نفعت معاهم .. فانتي شوفي اللي يناسبك ..

بالنسبة للنفاس بينتهي بسرعة وزي ماقلت لا تلعبي بنفسك كثير الدوافي والقرفة والزنجبيل ولو تحبي تشربي قشر .. يكفو وينظفولك بطنك كفاية ..

يدوب اسبوعين وخلاص يا ينتهي يا يبدأ يتقطع وينقط وينتهي بعدها ..

لكن مع ان النفاس ينتهي بدري لكن اعتبري نفسك في الاربعين .. ممنوع جماع خديها فترة راحة للجرح يطيب الجماع على طول بدري كدا مو كويس لأنه الجرح تحت مرة فأجلوها لبعد الاربعين .. لأن الاربعين هو المدة الطبيعية للجسم نفسه وللرحم عشان يرجع طبيعي مش مدة الدم فقط ..

خديها فرصة تهتمي بنفسك وجسمك وتريحي من تعب الحمل وتغيري من نفسك وطلتك :)

بالنسبة للجرح .. كثير فيه خلطات وخرابيط والله الدكتورة حذرتني حتى من المرة اللي الاغلب يحطها ..

وانا عشان تنومت فوق شهرين بالمستشفى والله شفت كثيييير حريم مساكين راجعين اللي جرحها ملتهب واللي جرحها مفتوح

اغلبهم وربي بسبب المرة والخلطات حقت الحريم .. مرررة كتير عدو عليا .. انا من بعدها صدقت كلام الدكتورة وانتبهت انه مو اي شي احطه حتى لو معروف وحتى لو زبط مع عشرين وحدة ..

خصوصا المرة لأنه الي معروف انها تنش الغرز و تسرع باندمال الجرح ومطهر ..

بس مع القيصري نوووو

اثنين جو جرحهم مفتوح بسبب المرة

لأنها نشفت الجرح السطحي وجففت الغرز من قبل لا يلتئم

ماله دااااعي ابدا يا حبيبتي

كل اللي تسويهواللي انا وكل اللي اعرفهم نعملو

انك تجيبي مسحات طبية من الصيدلية تجيكي مجموعة ..

كل يوم مسحة عالجرح مرة وحدة بس كمان لا توسوسي وتصيري تمسحي كل شوية مو كويس ابدا ابدا

مرة وحدة كل يوم تمسحي كويييس عالجرح عادي لا تخافي اضغطي شوية بس مهم يتمسح كويس

وبس

اول اسبوع لا تخلي موية تجي عليه عادي تحممي بمنشفة مبللة او اي طريقة تناسبك بس لا تخلي موية تجي

وقد ماتقدر حاولي تهويه
طبعا لما تطلعي من المستشفى اصلا بيكونو فكو الضماد خلاص

فلا تقومي تحطي غطا او ضماد او شاش .. لا خليه مفتوح خلاص

كل يوم غيري الاندروير ولا تعرقي ابدا

ولو كانت لك كروشة انتبهي تكون مغطية عالجرح على طول وقتها حطي شاش وهويه كل شوية

غير كدا لا تغطي وكل فترة ارقدي وارفعي عنه عشان يتهوى مرة كويس للجرح

لا تدهني اي شي ولا تحطي اي شي ... لا تشيلي ثقيل بمعنى ثقيل مو كرسي ولا قدر طبخ .. لا المقصود شي ثقيل فعلا

يعني لا تدفي دولاب .. تسحبي سجادة .. اما الباقي عادي بعد اسبوع تجلسي تقومي اعملي اللي تبغي

امشي كثير يساعد عشان الجرح وعشان الهوا ببطنك

امنعي الامساك بأي طريقة لأنه مرة يتعب .. يعني كثررررري مووووووية ولو حستي في بوادر امساك صومي وقضيها موية نصيحة

ممم مافبالي شي تاني دحين

اذا حبيتي تسألي عن شي ارسليلي خاص اجاوبك قلبو

بالنسبة للمانع ما عندي فكرة لأني ما استخدمت وافتكر بحثت وقرات لقيت عشرين اجابة .. روحي لطبيبة احسن شي تزبطلك وضعك

[A-m-w]

مشكورة حبيبتي
ماقصرتي