نصايحكم يبناااااااات...

[مودي]

بسم الله الرحمن الرحيم

السلام عليكم ورحمة الله وبركاته

بنات ابي افضفض معاكم شوي من زوجي

انا الان حامل وعند ماما لان حملي مره متعبني
وزوجي في البيت وبين بيتي وبيت اهلي خطوتين المهم

اول ماجيت عند امي كان ياجي ويسئل ويطمن علي ومن فتره سارت زياراتو في النادر وما يتصل ولايسئل ولايجي الاشوي ويمشي واذا عاتبتو يقول انا نفسيتي تعبانه بسبب العمل وولاتزعلي ويعتذر ويجي ويومين ويرجع زي ما كاااااااان
كيف اسوي معااااااه اخلية يهتم فيني شوي

[سكون الليل]

يمكن من جد عندو ضغوط في العمل ويمكن منحرج يجي كل شويتين بيت اهلك لا تزعلي وتضايقي نفسك
والله يسخر لك زوجك ويحنن قلبو عليك على طووووول ويقومك بالسلامة

[المهاء]

اكيد عنده ضغوط فالعمل وكويس انه يبرر موقفه لك اتحمليه الله يخليكم البعض ويقومك بالسلامه يااااااااااارب

[دلع]

صحيح حبيبتي لاتضغطي عليه اكيد زي ماقال هموم العمل تسوي اكثر انتي اسألي عنه واتصلي عليه كل وقت واتطمني عليه زي ماانتي محتاجه انه يسأل عنك انتي كمان اسألي عنه وحسسيه انك موجوده معاه فـ البيت..

[اميرة بدنيتي]

تحمليه من الضغوط اللي عليه

[رهومة]

يا مودى الرجال مشاكل العمل عندهم ماتخلص

ولاتزعلى ابدا ...

يمكن كمان يحس ان بيت اهلك برضو يعنى لسة غريب علية ينحرج كل شوى طاق بابهم

حاولى كل ما حسيتى نفسك احسن ومرتاحة تروحي بيتك

البسي لبس خفيف وحطي روج وبطى شعرك واجلسي معاه

ترا انتى كمان لما تلبسي وتتشيكي تغيري لنفسك جوا تحسي بتجدد يروح عنك تقل الحمل

خلى امك الله يحفظها ترسل لكم العشا ذاك اليوم

مو شرط ان الاجواء تكون رومنسية او ليلة اخرها جماع

لامجرد انكم تقضو وقت مع بعض بعيد عن كل الظغوط

سواء من عملة وانتى رح تنسي تقل حملك

ترا البيبيهات دى اليومين يحبو ابوهم من هما في البطن

لما تقربي منه ويحسس على بطنك البيبي تلاقيه يرتاح وانتى نفسيا والله ترتاحي

جربي وان شاء الله ربي يتمم لى ولك على خير

[بيسان]

حبيبتي نصيحتي لك وان شالله بتنفع اتمنى تطبقيها
طنشيه عالآخر عارفة انك بتضايقي وبتلاقي نفسك مسكتي الجوال ودقيتيله
بس معليش تحملي بس يومين طنشيه ولاتدقيله أبدا وخليه على راحة راحته وعشان تلتهي عنه سلي نفسك بأي شي ثاني عارفة غن بيشغلك
وغيري في نفسك شوي يعني اذا في امكانية تصبغي شعرك أو تقصيه وماأدري كيف الوضع في بيت اهلك يعني إذا عندك غرفة لوحدك أولا
المهم بعد هاليومين ولما بيشوفك طنشتيه بيستغرب لانه متعود انك تلاحقيه وتهتمي فيه بيستغرب الانقطاع
وبيجيلك ويشوفك متغيرة ولاتعاتبيه ابدا
ولو سألك ليش مااتصلتي قوليله كنت مشغولة او جوالي خربان أو أي حجة
وان شالله بيتلهفلك أكثر
موفقة

[الحب لك وحدك]

حبيبتي
لازم تتحملين شوي
يمكن يحس انها صعبه عليه كل يوم يجي عندك ببيت اهلك
انت كلميه واسالي عنه
ويمكن مثل ماقال لك ظروف عمل
حاول تخففين عنه الضغط مو تزيدين عليه
والله يسخر لك زوجك ويسعدكم دنيا واخره

[أميرة الأميرات]

اكيد عنده ضغوط فالعمل وكويس انه يبرر موقفه لك اتحمليه الله يخليكم لبعض

وحاولي تخففين عنه الضغط مو تزيدين عليه

والله يسخر لك زوجك ويسعدكم دنيا واخره

ويقومك بالسلامه يااااااااااارب

[بنت الريف]

الله يسخر لك زوجك ياااااااااااارب