أسعار الولادة

[رهومة]

بسم الله الرحمن الرحيم

أعضاء منتدى حوامل الرائع

السلام عليكم ورحمة الله وبركاته

أدخل في الهرجة على طول

أنا أبغا أعرف أسعار الولادة الطبيعية او القيصيرة
في مستشفى الاطباء المتحدون في جدة
و في مستشفى التخصصي في جدة
وأي مستشفى في هذا المستوى

لأنى بصراحة أتابع في مكة في الرفيع واليوم سلفتى ولدة قيصيرة بعد ما الدكتور قالها طبيعى طول التسعة شهور وفاجأها بأسباب غير مقنعة بعد ما داقت الوجع والألم وفتح الرحم عندها ونزل الدم والمويا قال لها لا أنا خايف تفتح الخياطة الاولى (لأنها ولدت قبل توئم قيصري) وولدها قيصري ومرررررة أتعذبت

والدكتور دا اصلا جراح
ويسحب فلــــــــوس مرة كتير

ياليت إلى تعرف تقولى
انا مشهية أولد في الاطباء المتحدون عند هشام رمضااني وخايفة أروح وأحرج من اسعار الولادة


يارب تمم لى على خير أنا وكل الحوامل

[رهومة]

u>>>>>>>>>>>p

[مدام الهام]

اللة يهون عليك انا ماعندي فكرة بس انتي دقي على نفس المستشفى واستفسري عن كل المعلومات الي تبغيها ويقولولك وخذي رقمهم من الاستعلامات او الدليل

[koko_2008]

ما بعرف الله يسهل ولادتكى وتقومى بالف سلامة

[عسولة زمانها]

السلام عليكم ورحمه الله وبركاته
اهلين رهومه والله يهون عليكي صراحه انا مرت اخويا ولدت بالرفيع ومسكينه قيصري رغم انه النونو طبيعي جدا بس يبغو فلوس طبعا ولا استنو عليا انا عن نفسي مرره ما انصح باي وحده تروح تولد عندهم لانه مالهم صبر على الوحده
و للاطباء المتحدون اخت صاحبتي كل ولاداتها عندهم ومشاءالله تمدح فيهم وانا ان شاءالله على الثامن بجي جده واراجع بالاطباء المتحدون و فقيه واشوف اش اللي ارتاح عنده لانه بنات عمتي بفقيه برضه يمدحو فيه وبالنسبه للاسعار زي ما تكرمو الاخوات اسالي بالسنترال ترى مافي وقت كل ماكان ابدر ككان افضل ... وبالتوفيق

[يارب عفوك]

ماعندي فكره عن اسعار الولاده بجده..

بس ليه ماتبحثي بالقوقل اكيد راح يفيدك اكثر منا

[خوخه طعمه]

اللي اعرفه الطبيعي بحدود 7000
والقيصري 10000
الله يقومك بالسلامه يارب
حتى انا من مكه بس اتابع بالمركز الطبي بجده وراح اولد عندهم

[رهومة]

يعطـــــــــيكم العاففية


أنا مسيت اقولكم اني سرت اتابع في الاطباء المتحدون


عند دكتورة فاطمة النمر

واسعار الولادة 4800

مع طهور البيبي وتخريم ادن البنت

ومراجعه بعد الولادة للام وللبيبي


اما القيصؤي 13000
المستوى الذهبي

مبات 3 ايام فرست كلاس

غرفة على البحر

مع مراجعات الام وطهور البيبي وتخريم ادن البنت

والله لايحوجنا للقيصري

ان شاء الله كلنا طبيعي يااااااااااااااااارب