مع الله ....مع الله

[عزيزة النفس]

بسم الله الرحمن الرحيم
السلام عليكم ورحمة الله وبركاته
بسم الله الرحمن الرحيم

الى جميع اخواتي الغير متزوجات .....إليكم قصتي
انا كنت في حاله نفسيه سيئه بسبب زميلاتي وبنات عمي
تزوجوا إلا انا......... وكنت دايم اقول انا احسن منهم مثقفه
وخريجة جامعه والحمد الله مواصفاتي حلوه .... بس مدري ليش
الى الحين ما تزوجت .....وبديت الرحلة للبحث عن عريس ما خليت
خطابه وماخليت شيخ لكن ما اراد الله ....
وقبل شهرين كنت مره مضايقه قمت الساعة ثلاثه الفجر
ومسكت القران الكريم وقريت إلى ان وصلت قوله تعالى
(واذا سألك عبادي عني فاني قريب أجيب دعوة الداع إذا دعان)
والله بكيت وقلت في نفسي اطلب الناس المساعده ورب العباد قال اجيب دعوة الداعي .....قمت توضيت وصليت ودعيت وأيقنت أن الله قريب يجيب دعوتي .......
وقبل اسبوع تقدم لي ثلاث عرسان وكل واحد احسن من الثاني وغير متزوجين
وبالإسم يقولون نبي فلانه ... خالي قال العرسان كثير خليني اخذ واحد لبنتي
وهم رافضين فلانه او خلاص ........ والله العظيم إني احترت اختار مين
واحد ولد خالتي وإثنين من قبيلتي بس من بعيد ... وبعد صلاة الإستخاره
اخترت ولد خالتي .....والحين سويت التحليل ويوم السبت النتيجه
ونصيحتي عليكم بصلاة اخر الليل .......
وعقبال جميع اخواتي

[نورا]

[عزيزة النفس]

شكرا على مرورك حبيبتي

[الشوق عطري]

مشكوره والله يعطيك الف عافيه
على جهود الطيب

[الشوق عطري]

تسلمي يا الغاليه على موضوع

[سموة الشوق]

ربك قريب


بس إحنا اللي وين


سبحانك يارب


والله صادقه


مثلي كنت مضايقه لأن الناس يتكلموا على الوحده إذا يجونها خطاب وأهلها يرفضون بس الوحده فينا وش بيدها تسوي
وقمت في جوف الليل والله أذكر هاذيك الليله وناجيت ربي بالأسحار وبعدها بكم يوم يطلبني ولد خالي وصار النصيب


ونعم الزوج


ربي قريب ربي قريب ربي قريب

[عزيزة النفس]

والله يا اختي طيف انك صادقه
والله ثم والله اني اعرف وحده تخرجت بثقدير جج دراسات وكانت يائسه من الوظيفه وتظروفهم صعبه جدا والمناطق مكتفيه وخاصة المدينه اللي هي فيها والله يا اختي انها قامت الليل وما هي الا ايام وجاها اتصال يطلبونها للتوقيع على اوراقها الرسميه

ووحده ثانيه يرفضون يرفضون اهلها يزوجونها الا من القرايب وبعد سنين تزوجت وكانت يائسه من الانجاب ورزقها ربي ب 4 اطفال اكبرهم في رابع ابتدائي

صدقيني وانا جربت ودعيت الله انه يفرج همي والحمد لله استجاب لي

[سموة الشوق]

الله يجزاكي خير ياعزيزه النفس
وربي كريم منان

فيارب إرزق كل من بالمنتدى بالذريه الصالحة الطيبة يارب...........