أسماء البنات .... وإختلاف الصفات

[نورا]

أقدم لكم نوع آخر من الشعر من باب المداعبة
وهي تعني بإختلاف أسماء البنات
وإختلاف الصفات
ولا تخلو من محاورة شعرية لإثبات الذات
إقرأوها على اللحن السامري
فلنعتبرها صورة من الواقع والزعل مرفوع
يالله حيهم
................


هند وعفاف ومي .....وايمان وخــــلود
والجوهرة .....والبندري..... ومعيوفــــــة
(وسوسن ودنيا) مع ( افانين وعهـــود )
والكارثة صاروخ سمـــــــوه شوفـــــــــة
والترفة أبعد ماعلى البنـــت منقـــــــــــود
اسم الدلع تروف..... ماهي بلوفـــــــــــــة
تعارفن للود ( سلمــــى مع نجــــــــــود )
واللي زعل ينطح ثلاثيــــــن طوفــــــــــــة
وتحاورن بالزيــــن ( افنــــــــان وورود )
والقاضي اللي يفصل الزين..... نوفـــــــة
ثم ثارت الفتنة على ايقــــــــاع مشــــدود
وغـادة تدون كل عرض(ن) تشوفــــــــــه
افنان قالت..... ماعلى الحاضـــــرة زود
انا الجمال اللـــــــــي نوادر وصوفـــــــــه
عسى الحسود يصير في عينـــه العــــــود
أنا بجمالي ..... عارفـــة ومعروفـــــــــة
وقالت ورود انسي ترى مالـــك وجـــــــود
لاصرت بالساحة جمــالـــــك اطوفــــــــــه
يكفي جمال الروح..... بالروح محمــــود
والا جمال الوجه .....قــادم كسوفـــــــــــه
تشاجرن..... واشتــــدت الفتنة بــــــــــزود
وتدخلت تغريــــد لضبــــــط البروفـــــــــــة
انتن نموذج بيـن .....الانواع موجـــــــــود
وفي كل نوع(ن) تختلف به وصوفــــــــــه
بنت(ن) طبيعي زينها مالـــــه حـــــــــــدود
وبنت(ن) بلا مكياج .....ياوي شوفــــــــــه
بنت(ن) من الغيرة صــــارت كما العــــود
وبنت(ن) ولا تهتــم للي تشوفـــــــــــــــــه
بنت(ن) تحط السـر في بير مســــــــــــدود
وبنت(ن) بلمع البرق تنشـر حروفــــــــــه
بنت(ن) تغض الطرف والشوف محـــدود
وبنت(ن) ولا يمكن بشي(ن) تطوفــــــــــه
فضول يقتلها .....على أمر معهــــــــــود
لازم تعرف الوضع من جوف جوفـــــــــه
وكل البنات أنواع وكل نوع موجــــــــــود
وأفضلهن اللي..... بذات الدين معروفـة