مرحبا بنوووتات .. كروووووووووووشات ,, امهات
حبيت انزل لكم قصه ولادتي .. وهيه خاااااااااااااااااصه لبكروووشات تجمع جمادى الاخر
...انا طبعا من بدايه حملي اراجع في مستشفى خاااص وكانت دكتووورتي تقووولي نسبة ولادتي طبيييعي ضعييفه جدا لاني ولادتي الاولى كانت عمليه وجلست بعده ستة شهوور وحملت مافي وقت يرتااح الرحم ...
وكان موووعد ولادتي يوووم 15 من شهر 6 .. المهم دخلت التاسع في 15 من شهر 5 ونزلت عند اهلي .. وبديت اراجع في مستشفى خاااص لان زووجي مايحب المستشفيات الحكوووميه
وجاء يوم الثلاثاء 3 .. 6 صحييت بالصباح وااااو ماقدر اتحرك الم بظهري زي الصعقات الكهربائيه واااااااااااااااو وربي بالحييل امشي ..
وصحيت زوجي ورحنا للمستشفى ودخلت للعياده مارحت طوارئ ودخلت عند دكتوورتي وقل لها
وقامت كشفت لي الرحم وقالت مفتووح نصف سانتي وسوت لي تخطيط الطلق وقالت فيه طلق يلأ ع غرفة العمليات .. مانقدر نولدك طبيعي ابدا .. ماعندنا استشاري وانتي حالتك تحتاج استشاري
المهم عصب زووجي وتهاوش معاها لانوو مايبي عمليه وانا اقووله تكفئ ابي عمليه وهوو رافض وطلعنا من المستشفئ ووداني لامي وقال لامي كل شئ فقالت له امي لا لا تسوووووووووي لها عمليه خلها الين يقوئ معاها الطلق وودها لمستشفى حكووومي
المهم نمنا عند اهلي وفي الصباح صحيييييييييييت وانا مثل الفل مافيني الم ابدا تحطم زووجي مره
وماعاد قال لي شئ وجلست الاربعاء والخميس والجمعه وانا معايا مثل الام الدوووره بس ساكته ماقلت لاحد طفشششت بصرااحه .. ولما جاء السبت 7.. 6 صحيت ومعاي نفس الالام وع العصر بدأت تقوى طبعا كنت عند اهل زوجي هذاك اليوم وعندهم مزرعه تبعد عن بيتهم 2 كيلووو تقريبا واروح اخذ تفاحه واكلم اخوات زوجي وننزلنا للمزرعه طبعا مشي وكل ماجاتني طلقه اوقف ماعاد اقدر امشي واذا راحت اقاوم وامشي الين وصلنا وجلسنا فيها نصف ساعه بعدين رجعنا ووصلت البيت ع المغرب وصليت وجاني زوجي قلت لاتطلع الليله لاي مكان قالي لييش قلت احتمال اولد ناظرني وهو مصدوووم قال فيك شئ قلت لا بس عندي احساس مابي اقول عندي طلق فيوديني ع طوووول ماعنده صبر قال يلا ع المستشفئ قلت امزح مافيني شئ وطلعت مع البنات اساعدهم في المطبخ واتصلت علي امي فعلمتها قلت الحين بين الطلقه والثانيه خمس دقايق قالت خلاص ررووحي المستشفى قلت والله مابروووح الا لماتنزل الموويات اودم .. شئ يدل ع ان عندي ولاده قالت خلاص بس طمنيني عليك .. طبعا زوجي طلع
وجلست الين الساعه 9 وانا اسوي العشاء مع البنات حسيت شئ ينزل مني واااااااااااو بغيت انجن وارووح لدوره المياه وانتو بكرامه الا والمويات تنزل مني بقووووه واتصل ع امي واخبرها عشان بمرها بتروووح معاي واكلم زووجي وجاء طيررررررررررررررررررررراان ورحنا المستشفئ طبعا بعييد منا تقريبا ساعه الاربع ودخل طوارى طبعا مستشفئ حكومي وكشفت علي قالت الرحم مفتووح 3 سم بس
المهم اخذت مني تحاليل دم وبووول وركبت بيدي مغذي وودتني لقسم الملاحظه وركبت تخطيط الطلق وجاء دكتووور وكشف علي وقلت له عن عمليتي قالي راح نعطيك فرصه تولدي طبيعي واذا ماقدرتي بنحولك ع العمليات .. واجلس ادعي ربي واستغفر وكل ماجاتني طلقه اكتم نفسي الين الساعه 12 طبعا تركووني وراحوو ماعاد كشفوو علي ابدا وع الساعه 12 حسيت نفسي ابي الحمام وانادي الممرضه توقف الغذايه وجات ورحت للحمام ورجعت وجلست ارجع توقعوون وش ارجع ارجع التفاحه اللي اكلتها بالعصر والالم يزييييييد معايا المهم كل شويه اقوم واروح للحمام احس في شئ ضاغط ع المثانه مااتحمل .. شافتني ممرضه سعوديه رايحه وجايه ع الحمام جاتني قالت خليني اكشف عليك .. قلت لا فيني طلقه الحين شويه قالت طيب ولمار احت الطلقه كشفت قالت واااااااااااااااااو ماشاء الله 7 سم انا بجد انصدمت وراحت نادت الدكتور وجاء بسرعه وكشف قال خلاص ولاده 10 سم وربي بس خمس دقايق بين ال7 و10 سم وقالي لاتدفيين ودخلت غرفة الولاده ولقيت فيها استشاري واخصائي وممرضه فلبينه وممرضتين سعوديات واجلس ادف وادف وماطلع شئ قالي الدكتور الجنين راسه لسئ مانزل في الحووض خلاص لاتدفين بنوديك للعمليات .. قال الاستشاري لادفي راح اولدك طبيعي ان شاء الله قال دفي ونا راح اساعدك واجلس ادف وادف اليييييييييييين تعبت ومانزل شئ قلت خلاص ودوني عمليه انا تعبت طنشني الاستشاري وقال دفي وانا ادف يقولي شاطره شاطره وماحسيت الا وحبيبي يصيح بين يدينهم وااااااااااااااااااااو وربي لحظه حلووه نسيت التعب وجلست اناظر فيه واخذووه يغسلونه وجاء الاستشاري يغفص بطني الين طلعت المشيمه وقالي الحمدلله ع السلامه وراح وجاء الاخصائي وخيطني وانا اقول لهم بردااااااااااااااااااااانه بردانه رحوو جابو لي بطانيه وكوب حليب والحمدلله راح التعب واتصل ع امي واخبرها هي وزوجي طبعا ولدت الساعه2 ونصف وجلست الين الساعه 5 وطلعوووني للتنويم والحمدلله ولدت طبيعي وسمييييييييييييييت ولدي باسل يارب تحفظه وتخليه لي ياحي ياقيوووم.. وعقبالاااال كل الكروووشات يارب واللي ماحملوووو ياااااااااااااااااااااااااااااارب يحملوون ويجيبوون اطفال سليمين يارب ...
هذي قصة ولادتي واعذرووووووووني ع الاطاله ..
تحياتي لكم