يارب فرج همي وكربي
بنات ببدا بقصتي لان بنتي الله يصلحها كل ماجيت اكتب بكت
ماصدقت تنام
المهم انا لما كنت حامل سافرت لاهلي وقام زوجي يقول لامي تعالي عندنا اذا ولدت بنتك المهم امي هي جايه جايه بدون عزيمه
انا استغربت من زوجي انه قال لها لاني مره قلت له ورفض يقول مابغا احد يجي عندنا
المهم ونا بالتاسع كل يوم يقول ليش امك ماتجي قبل ماتولدين ونا مابغا تجي الابعد ماولد عشان ماتشيل الهم
المهم ولدت والحمدلله قال متى تجي امك قلت بكره عاد سارت ضروف لجدتي ام امي وسارت بالعنايه وامي سارت ماتقدر تجي لان جدتي مره حالها خطير ونا جلست 6 ايام بالمستشفى متنومه
وكل يوم اسال امي تقول بكره اذ طلعت جدتك بجي لاكن القدر كان فوق كل شي وتوفيت جدتي وماجت امي وكل يوم تكلمني تقول ابشري بجيك
وبعد مانتهى العزاء ابوي تعب وتنوم 3 ايام بالمستشفى
وبعدها قالو خلاص بنجيكي والحين كملت 20 يوم من ولدت وقالو بنجي نسلم
المهم قلت لزوجي اهلي بيجون قال ليه خلاص اتصلي وقولي انا سرت بخير ماله داعي تجون قلت بس يسلمون
ويطلق يقول والله مايدخلون ؟؟؟ طيب ليه
قال كذا
المهم ارسلت رساله لاخوي واتصلت امي قالت وش فيه قلت مدري عنه
قالت خلاص احنا جاين واتركيه لاتكلمينه
وطنشته المهم اهلي جو بس راحو شقه ويتصلون عليه مايرد
قال لي وين اهلك قلت وصلو الضهر وقام معصب وياخذ الجوال والتلفون عشان ماعلمهم مكان البيت
واهلي عادي ماهم زعلانين لانهم عارفين حركاته
سرت اكلم اختي بس عالفيس بوك واسالها عن اهلي
قالت اهلي بس بيمرون يسلمون عليك وبيمشون على طول
المهم انا ساكته ماقلت له شي
وش اسوي احس نفسي بختنق من هاذا الرجال المتخلف
تخيلواذا حد من العيال صلح مشكله مايخاصمه ولا يضربه لا يردها كلها براسي
يقول امكم هذي ماتربت قليلت ادب لو فيها خير كان ربتكم
ويجلس يسبني ويسب اهلي واخواني واخواتي >طيب لحضه اهلي وش دخلهم
بعض الاوقات يقول الله يلعن من عرفني عليك لاكن كلها فتره بسيطه والله ماتجلسين بالبيت تجلس بنتي تبكي ومايحس فيها
يجلس يخاصمها يقول بلاشي دلع
وهو على هاذا الحال اذا زعل يسب يسب ومايخلي كلمه وسخه مايقولها وخلال دقايق يجي يسولف وماارد عليه يقول وش فيك اقول وش قلت قبل شويه يقول ماعليك كلام كله مايقدم ولايوخر
وسرت متعوده على اسلوبه السامج
استلمت حافز قلت باعطي امي هديه ويحلف ويطلق ماعطيه يقول ماتعب الاانا
طيب الحين هو 24 ساعه بالمجلس عالنت بس يسمع اغاني
كل يوم احذره وانصحه مافيه فايده
حتى عيالي ينصحونه يقولون يابابا الاغاني حرام ومافيه فايده
طفشت وزهقت بس بنفس الوقت اكون فرحانه لاني اشوف عيالي يكبرون قدامي ونا الي ادرسهم واهتم فيهم وابغا اشوفهم في احسن حال
بنات حلو مشكلتي
اول شي وش السواة عشان اهلي يجون
وكيف اتعامل معه مع لسانه الطويل
وشكرااا