علموني شلون اسوي بسبوسة

[متفائلة دائما]

لو تكرمتووووووو يا بنات اللي تعرف تسوي بسبوسة تعلمني شلون اسويها

ابغى المقادير و الطريقة لو سمحتو



و الف الف الف شكر مقدما

[الريميه]

حتى انا ودي اتعلم مثلك

[@دبدوبه@]

ارحبي هلا وغلا متفائله بعطيكم طريقتي بس بشرط تصلحونها وتسدحون الصوره ورايكم من غير مجامله. لان طريقتي طريقه الوالده وعاد الشوام بسبوستهم تفتح التفس هاه موافقين اذا موافقين باسدح الطريقه

[ميمي الغامدي]

حبيبتي باعطيكي طريقة مزبوطة ان شاء الله
المقادير
علبة قشطة
بنفس علبة القشطة سكر ناعم
بنفس علبة القشطة حليب ناشف
بنفس علبة القشطة ثلاثة ارباع العلبة زيت
ملعقة بيكنج بودر
بنفس علبة القشطة علبتين ونص سميد

الطريقة
نضع كل المقادير بالخلاط الكهربائي ماعدا السميد ثم نطفي الخلاط ونضع السميد ونحركه بملعقة وبالنهاية نضع البيكنج بودر ونحطها بالصينية ممكن تخليها ربع ساعة قبل لادخليها الفرن بعدين تحمريها وممكن ترشيها بشيرة او بحليب نستله وبالعافية

علي فكرة هذي البسبوسة طعمها مثل بسبوسة الطازج

[أخت أنا بدونك "no thing"]

مرحبااااا حبيبتي بعطيك طريقة الوالده الله يحفظهااا سهله مره ولاهي مكلفه

المقادير
1/كوب سميد

1/كوب سكر

1/كوب جوز هند

زبادي واحد

2 بيض

1/2كوب زيت ملعقه صغيره فانيليا ,ونفسهاا بيكنج بودر

الطريقه

تخلطين جميع المقادير وتحطينهاااا ف بايركس كبير شوي علشان المقادير تاخذ راحتهااا

وتدخلينااا الفرن وتسقينهااا شيره او نستله انااا احط نستله

وبالعااااافيه

[@دبدوبه@]

هع هع هع تسلمون حبيباتي سبقتوني بس بسدح الطريقه وجربوها انتو وادعولي وربي كل ما صلحتها هنا بامريكا لصاحباتي واصحاب زوجي تجننو عليها والكل ياخذ طريقتها.ا المهم الطريقه 3اكواب سميد +2علبه قشطه +ملعقتين كبيره سمنه +ملعقتين كبيره باكنج بودر+كوب جوز هند +ثلاث ارباع سكر طبعا كلها تقدرينها بنفس الكوب ووتعجينيها بيدك زين وتكوني مجهزه الفرن حامي والصينيه مقاس كبير عشان يطلع سمكها حلو ومدهونه شوي سمنه تحطي الخليط في الصينيه وبيدك تفرديها وعشان ما تلصق بللي يدك كويه وافرديها بعدين قطعيها مربعات او الشكل اللي ينابك وجوات كل مكعب حطي لوز مقشر اغرسيه بس ودخليه الفرن درجة 350 الين تتحمر اطرافها بعدين حمريها من فوق وخرجيها وعطول صبي الشيره او القطر وارجعي عيدي على نفس التقطيعه ولالعافيه على قلوبكم بس. ابغى منكم دعوه حلوه لي ولزوجي ولولدي *

[يارب ترزق جمولة بطفل]

هذي على مسؤليتي جربت طرق مانفع معاي الا هذي الطريقة وهي
بيضة وكاس سكر مطحون وعلبة قشطة وملعقة فانلييا تخلط حتى تتجانس ثم يضاف فنجان شاهي زيت و2كاس سميد و2ملاعق وسط باكنج بودر وتخلط ثم يضاف نصف كاس ماء ثم يصب نصف الخليط وتدخل الفرن من أسفل وأعلى حتى تتحمر ثم نعمل الحشوة كاس حليب سائل وفنجان قهوة سكر و4ملاعق وسط نشا وتوضع على النار حتى تثقل ثم تصب في الصينية ويصب باقي الخليط وتدخل الفرن من أعلى حتى تتحمر والشيرة حسب الرغبة
ملاحظة /مقادير العجينة تكون بكاس الجبن الصغير والصينية الصغيرة وبالهنا والعافية ولاتنسيني من دعوتك الصالحة

[متفائلة دائما]

هذا عشمي فيكم يا بنات و الله ما خذلتوني ربي ما يحرمني منكم

مشكوريييييييييين حبيباتي : دبدوبة , ميمي الغامدي ,اخت انا بدونك ,يا رب ترزق جمولة بطفل .
و الله ما قصرتووو
ان شاء الله راح اجرب كل الوصفات اللي تفظلتو بها و لكم دعوة من اعماق قلبي
اللهم حقق لاخواتي كل مبتغاهم و احفظهم من كل مكروه و نولهم كل متمنياااااتهم ياااااااااارب

[حبيبة روحة]

ماشاء الله على الردود ..
اختي المتفائلة افتحي محل بسبوسة هههههههه
وهذة طريق من عندي لك والله احس انك طيبة وتستاهلي كل خير .. ولو ادل بيتك كان وصلتها لعندك ..
بصراحة كل من يذوقها يقولوا ماشاء الله عليها والكل يطلب الطريقة مني ومن اخواتي ومرة صار لي موقف كنت زايرة بيت خالي ولما عرف ولد خالي اني موجودة طلب من امة تقول لي اسويها لة وقالت لي وهي ميتة ضحك علية وعملتها لة ..
1 كاس حليب بودرة
1 حليب وادي فاطمة ابو مجلي .. اذا كنت من السعودية اكيد تعرفينة واذا من برى فهو حليب نشربة مع اضافة الشاهي علية .
1 قشطة
1 كاس سكر ناعم
ثلث الكاس زيت
وملعقة بكنج بودر
وكاس سميد
اضيف المقادير كاملة الا السميد بالاخير والبكنج بودر واخلطي حتى يكون عندك خليط سايل واضيفي عليها السميد .. معلومة مرات يجي السميد ناعم وتجي الخلطة سايلة اضيف علية زيادة ملعقتين منة
واذا تحبي حشوات مهلبية او قشطة طازجة او قشطة عادية انتي واختيارك
بس يفضل معها حشوة
مرات مايكون عندي حليب سايل بامجلي فا استخدم زبادي وتطلع لذيذة .. وتمام .
كمان معلومة لك لا تشغلي الفرن على حرارة عالية جدا لانها تحرق وتعجن من الوسط .. والافضل فرن الكهرباء فيها
والله لو جربتيها ماتندمي عليها
وكل وادعي لي