دردشة حوامل الأحساء- تجمع بنات الأحساء - الحسآويآآت

[رنين الصمت]

الريم كل البنات هالايام صياحات
الاولاد طلعو اهدى من البنات

كل اللي جابو بنات يشتكون منهم صياحين

[نغم]

هلا بنات بقوم أسوي الغدا بس قلت أطلطل عليكم ها رنون شفيها ليلتك ماصارت مميزه
هلا الريم أخبارك ها ماعندك خبر متى ترجع غاده وبالمانع منو مثل شطارتها بالله؟؟؟؟؟؟؟

[الريم الشارد]

الحمدلله رنون بخير ربي يخليك

[رنين الصمت]

هلا نغوم

ياريت بس مب مميزه الا ليله طافيه مافيها نور بالمره

رجعت منها اجر اذيال الهزيمه

[نغم]

ليش رنون قولي لنا شصار حرام أحنا تحمسنا قلنا في أكشن في الطريق

[الريم الشارد]

هلا نغوومه انا يوم سافرت الدكتوره غاده حولت على الدكتوره هنا بس مشاء الله هم هذي كويسه مره وتهتم بالمريضه حيييل والحين بعد الولاده مراجعاتي عندها ان شاء الله جربيها
موعدي عندها السبت الجاي وراح اخليها تطلعلي حبوب منع الحمل عشان بعد الاربعين مابي اروح مره ثانيه لانه عندهم زحمه

[نغم]

أممممممممم الريم هي أستشاريه

[رنين الصمت]

هذا الله يسلمكم وديت اعيالي بيت اهلي على امل افرفر لوقت متأخر

بس لا فرفره ولا يحزنون رحنا المطعم شبع الرجال
وعلى طول يبي يطلع من المطعم
طلعنا ومجرد ثواني مشيت الا الرجال قال تعبان ظهره يألمه بسرعه بسرعه طفشني

رجعت اخذت اعيالي من بيت اهلي ورجعنا البيت والغبنه فيني فيني الصيحه وراسي صدع لانه نفسيتي زفتت

بعدها رحت نمت بالغرفه وهو نام بالهواء الطلق

شفتو اكشني شلون يجنن مافي منه

قهر والله وللحين انا نفسيتي زفت من البارح

[نغم]

يا عمري رنون ليش كذا عاد وأنتي مجهزه نفسك خلاص عوضيها الليله لا تهدينه

[رنين الصمت]

اي تعويض مالي خلقه الحين خل اعصابي تهدى اول ..... شايله على بو الشباب