تجمع حوامل ليبيا

[يقين]

بالله عليكم يابنات اني ليا يومين مريضه بنموت ضهري وبطني وكبدي وعندي غازات المهم لما قريت في النت علي الاعراض متاعي قالولي خرااااااب الرحم وفعلا كل الاعراض عندي وفي وحده قالتلي لازم عمليه واحيانا يشيلوه بكل الصراحه اني خفت موووووووت
قولولي شنهوه الخراااااب اول مره نسمع بيه
طمنوني تربحوا والله ماني عارفه حاجه

[soomaa83]

كيف حالكم بنات

شن يا ياقين رعشتينى وبعدين هلاعراض انحسها عادية مش لدرجة ينحو الرحم
ومش كل الى فى مواقع صح وكل وحدة وجسمها واعراضها
لوحى عليك امشى عاينى بس ومدوريش
ونشالله مافيك غير الخير

[ريم البراري]

يقين يا يقين اول حاجة صلي على النبي

مصطلح خراب مصطلح متخلف وحسب علمي يقصدوا بيه وجود هواء في الرحم أو رطوبة والتهابات ومعظم النساء فيهم وعنده علاج في الطب الشعبى والطب الحديث وحتى البنات اللي مش متزوجات يصيرلهم معادش تقولي كلمة خراب على لسانك وكان اللي توجعها بطنها وإلا ظهرها عندها خراب معناها كلنا خاربات وأولكم أني بعيد الشر عليك حبوبتي تعوذي من الشيطان وامشي طيبي فطورك وغدوة كان سخر ربي امشي لدكتورة كويسة تشوفك وان شاء ما فيك الا العافية

ما تخافيش بكل وإدعي وتوكلي على الله اللي يتوكل عليه ما يخيب

[ام قصى محمد]

ههههههههههههه والله مسكينه يايقين انتى من جدك
ههههههههههههه
قوليلى مش اليوم مراجعتك وبعدين هذا الامر عادى انا بعد بنتى البكريه قع\ت نحمل ونزل ولما مشيت لطبيبه عرب قلتلى هذى غازات وقالتلى جيبى نص كيلو عسل وحطى عليه ماعقتين كبار زنجبيل وملعقتين كبار كمون اسعد مطحون وفعلا حملت بجنجونى
وسعى بالك

[ام قصى محمد]

المهم اليوم جتنى الدوره
وانا مش عارفه قبل كنت شاكه انى حامل وتوا متضايقه
شكلى حابه نحمل ومش فاطنه هههههههههه
فى الاوعى

[يقين]

اهلين بنات ربي يخليكم ليا علي ردودكم

[يقين]

مشيت للعياده وقالتلي الدكتوره ماعندكش حمل الحمدلله طبعا
وحولتني عالباطنيه قالولي عندك نزله معويه وضغطك نازل والحمدلله طبعا اليوم درت يوم مطنطن بكاوات علي تخميم بس الحمد لله طلعت سليمه

[soomaa83]

حمد لله على سلامتك
ومعاش تفاولى على روحك بحاجة زى هدى
طمنتينى والحمد لله

[يقين]

شكرا سومه عالرد ربي يخليك
ويا ريمه اللهم صلي وسلم علي سيدنا محمد وربي يخليك ليا يا مهبلتيني
وام قصي عندك حق تضحكي والله يا ام قصي قعدت نقول لراجلي كان حولوهولي تتزوج عليا ولالا وهوا عايش الدور مسكين بعد ما مات من الخلعه بعد قالولي نزله معويه فرح بكل مسكين اليوم فطر في المستشفي

[hatoo]

حمدلله علي سلامتك يقين ,وشنو اخباركم يابنات وها يام قصي كان عاجبك الحمل عندك الشهر الجاى