تجمع الولاده القيصريه

[ورودي البيضاء]

ليالي الحب مافي عدد محدد للقيصريات ومافي احد يقدر يحددلك الا دكتورك اللي بيعملك العملية ومايقدر يعطي رأيه الا بعد مايفتح بطنك ويشوف اثار العملية السابقة

لأنه ع حسب بيقدر يقلك تمام تقدري تجيبي عشرة ولا اثنين ولا واحد ولا لاعاد تحاولي حتى بعيد عنك طبعا



وبالنسبة لأسئلتك طبعا بيكتبولك عالمضادات و المسكنات سواء حكومي او خاص ماعليك الفرق بالعناية وقت وجودك هناك فقط

وتحاولي ماتجي موية عالجرح اول خمس ايام .. بعدها عادي جدا بدون فرك وصابون طبعا

ماتحطي اي خلطات ولا اي شي بس تمسحي كل يوم عليه بكحول طبي اللي هي مسحات طبية تلقيها بأي صيدلية وبس

امشي من اووول يوم مهما كسلتي اضغطي ع نفسك وامشي نصيحة انتي بنفسك راح تلاحظي اول ماتمشي بتتحسني اسرع

وامشي مستقيم عشان تتمدد الخيوط لما تتشد وتلتئم وهي مرتخية فيصير بعد الشفاء ماتحسي فيها

وهي مراجعة وحدة تشيك لك عالجرح وتفك الغرز او اللزقات وخلاص

والكبس افضل اللي هي الليزر .. الخياطة تكون فيها تحت الجلد فمايكون فيه غرز تتعبك او تتفك ..

وكل ماتركتي فترة اطول بعد العملية كل ماكان افضل لكن اقل مدة لازم تتركيها ستة شهووور لكن مرة انصحك تزودي قد ماتقدري

[حبيبة زوجها1400]

انا هذي قيصريتي الثالثة بعد ايام بتكون ..
جربت في الثنتين اللي قبلها البنج الكامل واللحين ودي بالنصفي عشان يقولون اريح وابغا اشوف طفلي لما يخرج للدنيا وابغا ابقى فايقة واطمن امي واهلي .. مو اقعد ساعة بالافاقة والكل قلقان علي .. فإيش نصيحتكم لي

[جونة]

السلام عليكم
انصحك بالنصفي مع اني للامانه بكريه ومومجربه
بس الكل يمدح النصفي ، ولحظة بكاء طفلك لاول مرة لحظة ماتتعوض ، اضافة الى ان البنج الكامل متعب مره


اناداخله هدا التجمع لاني ناوية اولدقيصري ببنج نصفي اذا كان في ذلك الخير لي
ما أحس باستعداد لعذاب الطبيعي من ساعات طلق وشق عجان وخياطة وانعدام المنطقه وكشف العورة احسها فشيله مرة الطبيعي وربنايجيب الخير
نصايحكم يامجربات النوعين

[جونة]

وبصراحه سمعت مؤخرا حاجه محرجة مرة اتمنى تجاوبوني عليها
وهي خروج اشياء اخرى الله يكرمكم اثناء الولادة الطبيعيه وقوة الدفع وانتوبكرامه
هل دا الشئ صحيح

[يارحيم]

المشاركة الأصلية كتبت بواسطة جونة

وبصراحه سمعت مؤخرا حاجه محرجة مرة اتمنى تجاوبوني عليها
وهي خروج اشياء اخرى الله يكرمكم اثناء الولادة الطبيعيه وقوة الدفع وانتوبكرامه
هل دا الشئ صحيح

اغلب المستشفيات يعطون الام مسهل قبل الولاده وينظف امعائها فمهما دفعت بالولادة ما يطلع شي..

[يارحيم]

المشاركة الأصلية كتبت بواسطة حبيبة زوجها1400

انا هذي قيصريتي الثالثة بعد ايام بتكون ..
جربت في الثنتين اللي قبلها البنج الكامل واللحين ودي بالنصفي عشان يقولون اريح وابغا اشوف طفلي لما يخرج للدنيا وابغا ابقى فايقة واطمن امي واهلي .. مو اقعد ساعة بالافاقة والكل قلقان علي .. فإيش نصيحتكم لي

النصفي رائع.. تضلين صاحيه وما تحسين باي الم وتسمعين صياح طفلك وتشوفينه اول ما يطلع للدنيا.. وبالافاقه تكونين صاحية مع البيبي وتكلمين اهلك وتطمنين الكل.. وبنفس اليوم المفروض تقدرين تمشين وتتحركين ويروح اثر البنج..

[يارحيم]

جونة انا معاك ان القيصري يكون احيانا اهون من الطبيعي بس مو دايم.. على حسب الولادة تتعسر ولا لا البيبي حجمه كبير ولا لا وهكذا..

وفعلا شق العجان والخياطه ازمة.. انا بكرية وولدت قيصري واكتب بالتجمع مع البنات كلنا والدين حول بعض واغلبهم والدين طبيعي.. ولاحظت اني خفيت وعمليتي طابت وهم لسا يعانون من خياطة العجان ويتشكون.. طبعا زي ما قلتلك يختلف من وحده لوحده اعرف بنت لها عشر شهور والدة قيصري وللحين الجرح متعبها.. انتي وحظك وشطارة دكتورتك..

بس اذا قصدك على كشف العورة.. ترا حتى بالقيصري يكشفون العورة!! ترا الفتحه اللي يفتحونها اخر البطن عند المنطقه اللي تحت وماتدخلين غرفة العمليات الا وانتي شايله الاندر وير ويرفعون لبسك يطلعونك بطنك واللي تحته عشان يفتحون الفتحه ويشتغلون.. ايه وبعد يحطون لك قسطرة من تحت قبل يبدون بالعمليه!! عشان اخراج البول.. وبعد العمليه اذا خفيتي وتحركتي يشيلونها..

يعني العورة فيك فيك هههههه والبنج النصفي انا جربته.. روعه ما تحسين بالم ابدا وتسمعين صياح طفلك اول ما يطلع ويجيبونه لك على طول تشوفينه وتصورين معاه وتضلين صاحيه طول الوقت.. وبعد العمليه بعد تكونين صاحيه مع البيبي وترضعينه..

[أم بذرة]

بنات انا والد قيصري بسألكم عدة اسئلة
متي نبدأ نشرب الحليب ؟
وعادي نلبش مشد بعد العشرة ايام واذا لا متى؟
والي تعرف الارطا هل ممكن نستخدمها؟
وايش تستخدمون للمنطقة التحتية بعد الحمل الولادة ؟

[يارحيم]

المشاركة الأصلية كتبت بواسطة أم بذرة

بنات انا والد قيصري بسألكم عدة اسئلة
متي نبدأ نشرب الحليب ؟
وعادي نلبش مشد بعد العشرة ايام واذا لا متى؟
والي تعرف الارطا هل ممكن نستخدمها؟
وايش تستخدمون للمنطقة التحتية بعد الحمل الولادة ؟

اشربي حليب متى مابغيتي وش علاقة الحليب بالولادة؟

ما اعتقد تقدرين تلبسين مشد باول شهرين.. اسألي دكتورتك..

ماعرف ايش هي الارطا ماقدر افيدك

المنطقة التحتيه ما تحتاج شي بما انك والدة قيصري..

[جونة]

يارحيم
الله يسعدك حبيبتي ويخليلك خلودي يااارب
جزاكي الله خيرعالاجوبة الشافيه
اناخايفه بس من القسطرة وابرة الضهر
القسطرة تعور ؟ وماينفع يمشوهابدون قسطرة ؟ سمعت ناس مايحطولهم
وايش حكاية تصريف الدم بحبل.بعدالعمليه برضو تخووووف