تجمع حوامل ليبيا

[ميرنا]

السلام عليكم يا بنات ايش اخباركم اعارف ان النت مقطوع فى ليبيا الا فى بعض المقهى الانتر نت وانا فى درنة وحابة تدعولى ربى يوفقنى انا حامل وفى الاسبوع الخامس

[soomaa83]

السلام عليكم
انا سومة من ليبيا بس مقيمة حاليا فى مصر من 6 شهور
انا حامل فى الاسبوع السابع

[يقين]

اهليييييييييييين ميرنا وسومه ربي يومكم بالسلامه حتي اني ليبيه ومقيمه في مصر حاليا

[يقين]

ديمه خشوا اهني باش نهدرزوا لاني اني قتلني الكساااااااااااد وفوق هادا مشغوله علي اماليه اشبح شن صاير في ليبيا والله يابنات اني قريب نهبل منالتفكير فيهم

[ام روفيدة]

المشاركة الأصلية كتبت بواسطة ميرنا

السلام عليكم يا بنات ايش اخباركم اعارف ان النت مقطوع فى ليبيا الا فى بعض المقهى الانتر نت وانا فى درنة وحابة تدعولى ربى يوفقنى انا حامل وفى الاسبوع الخامس

اختي ميرنا الف الف الف مليون مبارك وربي يحفظك إنتي والبيبي والله العظيم هدا احلى خبر سمعته اليوم وماشاء الله تبارك الرحمان عليك وحافظي على نفسك وسلمي لي على درنة شبر شبر واهلها الابطال مع اني ما نعرفهاش لكن استاحشت كل شبر في ليبيا وبإدن الله لما انروح بنزور كل مكان في ليبيا وربي يحفظكم وادعو لإخوانكم في الغرب ما تنسوهمش من دعائكم

[يقين]

تي وينك ياسومه العفو وين هربتي نبو نهدرزو حتي اني في مصر

[يقين]

شكله ماحد يبي ولايحب يهدرز يلا بااااااااااي

[soomaa83]

السلام عليكم
كيف الحال يا بنات ليبيا ولله ليكم وحشة
استاحشت وحدة اتكلمنى بليبى هنى كلهم مصرين

ولله كنت مشغولة حامل قى الاسبوع السابع
ونزل عليا دم هلبا مشيت درت سونار طلع توام واحد سمعت نبضه وتانى مابانش خايفة يموت
ادعولى يبان الاسبوع الى جاى

[يقين]

سومه لالا حبيبتي ماتخافيش ان شالله خير ماشاء الله توام ردي بالك علي روحك وارتااااااااااحي كويس تعرفي اني بكري توام ومااهتميتش بكل واجهضتهم في الشهر الرابع بعيد السو عليك طبعا لكن تريحي ماتبدليش مجهوووود وان شالله تحلي عويناتك علي خير
ههههههه شن رايك الجمله الاخيره ليبي صافي لهجه العزايز هيا باي حبيبتي

[اضوء]

السلام عليكم /كيف حالكن يا بنات ليبيا والفففففففففففففففففففففففففففف مبروك ميرنا وأنشاء الله ربى ايتمملك على خير يارب وانشاء الله البيبى هدا من قسمك والله حتى أنى أستحشت ليبيا وأستحشت أهلى لأنى مند بدأيت الاحداث فى ليبيا سافرت لكن أنشاء الله والله النصر قريب عالطاغية