** ليبيا زين علي زين ليبيا ورد وياسمين ** تجمع الليبيات

[جوهرة ليبيا]

الله يبارك فيك هدهد

اوشي كيف حالك وليلتك سعيده

حتي اني خلاااااااص جمونتي رقدت ربي يحفظها

عندي جدول طوييييييل غدوه باذن الله

تصبحوا علي الف خير

[جوهرة ليبيا]

[sosolibya]

صبااااااااااااااااح الخير

الكهرباء من أمس الصبح لحد عقاب الليل مقطوووووووووعة..

كيف حالكم..

[sosolibya]

ااااااااااااه قلبي الصغير لا يتحمل,, يافروسة أبعثيلي بكلاوة وكنافة ضروووووووووري

على العموم صحتين وعادي ماتعدليش مادام جسمك حلو أشبعي فيها..

أنا أمس طبعا مشيت للمة ولبست حولي يعني حرير ههههههههه يافروسة مش خروف المهم وعطيت راجلي المحرمة باش جابلي عليها فالينيا حلوة لأنالوقت لم يسعفني باش نشري بروحي
وجابلي من محل صاحبه السوري 3 وأخترت..

واللمة كانت حلوة ..
وهدرزنا وروحنا
ولبتقديم كان ..
شوكلا
نسكافيه و4 حلويات
وبعدين الطبيخة وبيتزا وطاجين وشاورما
وسلاطة ومشروب و3 أنواع فواكه
وبعدها مكسرات الحمد لله نعمة
وبعدين بخرونا بالفاسوخ جو يهببببل..

وطبعا طلعنا روحنا في عز المطر..

[dr.loly]

المشاركة الأصلية كتبت بواسطة هدية الخالق

فروسه صحتين البازين حتي أني امبارح درته عشي
وصدقتي الغربه أحسن مدرسة واحد يتعلم فيها كل شي والله كنت ما نعرف نديره البازين رغم إنه أهل زوجي من الأول قالولي تعلميه لأنه زوجي يحبه ومحروم منا من زمان
بوي جابلي شكارة كبيره دقيق وقالي يالله كل يوم بازين والله درته مره والا اتنين وعجزت ماجاش مني باهي تجي أمي تكمل فيه مني ولما تزوجت أول أسبوعين قعدتهم في ليبيا عزوزتي قاتلي تعالي ديري بازين جيت واني نرعش ههههه حركت شوي وعيت كملاته مني درت سبله قلتلها المغرف كبير أني واخده عالصغير نتعلم بيه الحق أني حتي احني جبت معاي واحد صغير ما نعرفش بالكبير
لكن توا الحمد لله وليت أسطى فيه هههههه

الله يسلمكـ عزيزتي..
فعلآ احسن مدرسه قبل كنت معتمده ع ماما فيه نقولها بعد نجوكم ديره لنا
لان ابوفروسي يمووووووت فيه..
طلعآ زوجي من عمره 15 وهو يقرا في طرابــلس حتي الدراسات العليا ف طرابلس..

واصحابه ف حقل نفط غرابه اغلبهم فيديرو فيه اصحابه

لكن توا الحمدلله أتقنته .. وبطريقة ماما العاديه هههه

حتي نا بالمعصدة الصغيره سوا هو ولا العصيدهـ.. وكميات بسيطه..

وضحكتيني عطكـ الخير ههههههههههه ..ع مواقفك بالذات مع عمتك

خطرتي عليا اول مرة نطيب عند عربي قعدت ماسكه قلبي وجا رز يهبل من الاخير

بعدها اشجعت ههههه وقعدت ندير ف كل شئ بعد نجيهم...
حتي المقطع والعصيده درتهن..

[dr.loly]

المشاركة الأصلية كتبت بواسطة أثري في مدادي

أم فروسي

أحيي فيك وفي زوجك ،،،،،،،،،،،،،،
همتكم في الضيافة
وحسن استقبال الحبايب
وكرمكم الشرقي المميز
وإحسانكم على من يشتهي
أمثال هذه الوجباااااااااااااات

ومبارك على فروسي استقلاليته وتحرره من رق اللهاية الشينـــــــــــــــــــــة ~~~~
والعاقبة عند
دودي وألولي ورويتا
من الرضاعة الطبيعية
بالخير والصحة والعافية

زرت أمـــــــــــــــــــــــس "" مونسون "" تخفيضات 70 في المئة
فيه حاجات روعة من الأخيرررررررررررررر
اشتريت
أقراط على شكل قلوب صغيرة بألوان متنوعة الواحد بــــــــــــــ دينار
وتقدري تركبي لكل قرط سلسال فيه قلب بحجم أكبر شوية بـــــــــــ 3 دينار
يعني هدية نزوكة بـــــــــــ أربعة دينار فقط !!!!

وأخذت أقراط أخرى بألوان الصيفية المنعشة الفوشيا والفوسفوري
وإسورة تايقر مخمليـــــــــــــــــــــة ،،، عندي ليها أقراط من العام الماضي
وأخذت لدودي تشكيلة مشابك شعر بــــــــــــــس تخفيضهم 50 في المئة
وخذيتلها فستان شيفون "" موف بالوردي """ ناعم وبسيط ويمشي ثاني يوم العيد
كان بــــــــــــ 90 أصبح بـــــــــــــ 30

وقالولي """ دبنهامز """ أيضا تخفيض 50 في المئة ... مازال ما طقيت فيه !!!

اهلآ اثــري..الله يبااارك فيك وفرحااانه بشكل لايوصــف بفروسي الحمدللله
مع ان امس ناض نقنق اشوي طلع به باااته

لانه خايفين ع الاء تنوض..
وقعدت نرضع فيها زي لهايه بيش ترد ترقد
مبارك ماشريتي من اكسسوارات اسعارهن جدا مغريه ووصفهن يبين انهن انيقات
مونسون بريطانيا غالي بكل واغلبية دبشه مطرز حتى اكسسوارات لعند توه نقول معقول نفس البضاعه عندكم
لان بجد تخيلي تلقي شال عادي جدا ويطلع سعره ب ليبي 300 وياريته يستاهل

مثلا زي شالات اسكتلندا...

الحق خشيتله مرة او 2 وما استهاونيش

لكن الديبنهامزز هذا كبيدتي ههههههه

لو منك عديتيله هو احســـــــــــــن

بس هنا ماخفضوووش واجد ومش كل حاجه..

وحصلت منه فستااان فقط ف تخفيض

وعادة ديما نشروا منه ف الايام العاديه هههههههه
لدرجة تجاوزت مشترياتنا مبالغ كبيره


طلعت عندهم ف كمبيوتر

قالولنا نديرولكم بطاقة الديبنهامز تشروا بهااا وفيها تخفيض

لكن للاسف لازم يقعد عندك راتب من عمــل مش طالب يعني..

[dr.loly]

المشاركة الأصلية كتبت بواسطة جوهرة ليبيا

قداش ليا خاطري نمشي لديبنهامز وحتي حاطه 500بس علي جيهه امقايله بنمشي بيهم ليه

لاني نعرف نفسي والله كان نلقي انروح بالسوق كله ههههههههههه

اليوم عاينت ودارتلي جهاز وطمنتني ان كل شئ تمام ولله الحمد وقالتلي لو ماجاتكش الدورة لانك اتضعي فتوقعي نزول بقعه كل اسبوع


ولما امروحين نزلني راجلي لمحل ذهب طبعا مفاجاة اخترت تعليقه نازكه وناعمه وخاتم فخم وحلو ربي يحفظلي راجلي وبياتي

هههههههه نحن النساء ماعندنش روح مع الشوبنق..
نا من صغري نحب الشوبنق بس مش ف حمو خخخخخ

والحمدلله انها طمناتك وامورك بخير
ومبارك ماشريتي من ذهــب ..
الحق ماعنديش عليه واجد اميل للاكسسوارات او الفضه

[dr.loly]

المشاركة الأصلية كتبت بواسطة أثري في مدادي

جنودة
مرحبتين بهلال العيـــــــــــــــــــــــــــــد
وين جنودة وحكاياتها ؟؟؟؟؟؟؟؟؟؟؟؟؟؟؟

ربي يسهلك ويعاونك ،،،،
بالنسبة ،،،،،،،،،،،،،،
لإزالة الشعر
كنت من أشد مؤيدي الحلوى في كل مكااااااااااااااااااان
ولكن الحقيقة _ كما ذكرن الأخوات _
بعد تأملي لحديث الحلق والنتف ،،،، قررت البدء بحلق العانة
والحقيقة مشت معاي ~~~~~
دوووووووووريا وطبعا بلا آلام
لأن الشارع الحكيم لا يحث على شيء هكذا عبثا !!!!!!!!! لابد من حكمة

وأما الألة اللي ذكروها البنات ما عرفتها ،،،،وهل هي موجودة في ليبيا ؟؟؟؟
أوشي كأنك عرفتيها ،،، تعال هني
قوليلي عليها وين نلقاهاااااااااااا ،،، خخخخخخخخخخخخخ

موجودة براون يا اثري ومن اول ما طلعت منذ قديم الزمان خخخ
خالتي شاريتها من 2001 اصدارر قديم من ايمجوي
وبعدها جددتها ببروان ..

والحق ايطول مايطلع شعر ف يديها ورجليها
وبعدها شرت ماما زيها ..

لكن انا خواافه هههههههههه

طلعت معايا في فرحي عبوة الصبايا من براون لكن بلا فايده خخخخ

خصيصا ان غير مشعره خفيف وبلا لوون ديما صاحباتي يقولني ياعوينك هههه

لكن المنطقة انسجمت مع فينوس جيليت من اولاي


اصلا الحلوة هيجتلي بشره ف فرحي رغم انها تهني الحــق............

لكن لها ضرر ع المدى البعيد يقول تقتقل اعصاب حسيه بشويه
وتسبب ترهل والله أعلم..

واكيد رسولنا الكريم عليه افضل الصلوات والتسليم مانهانا عن حاجة الا فيها الفائدة العظيمة لنا

[dr.loly]

المشاركة الأصلية كتبت بواسطة sosolibya

ااااااااااااه قلبي الصغير لا يتحمل,, يافروسة أبعثيلي بكلاوة وكنافة ضروووووووووري

على العموم صحتين وعادي ماتعدليش مادام جسمك حلو أشبعي فيها..

أنا أمس طبعا مشيت للمة ولبست حولي يعني حرير ههههههههه يافروسة مش خروف المهم وعطيت راجلي المحرمة باش جابلي عليها فالينيا حلوة لأنالوقت لم يسعفني باش نشري بروحي
وجابلي من محل صاحبه السوري 3 وأخترت..

واللمة كانت حلوة ..
وهدرزنا وروحنا
ولبتقديم كان ..
شوكلا
نسكافيه و4 حلويات
وبعدين الطبيخة وبيتزا وطاجين وشاورما
وسلاطة ومشروب و3 أنواع فواكه
وبعدها مكسرات الحمد لله نعمة
وبعدين بخرونا بالفاسوخ جو يهببببل..

وطبعا طلعنا روحنا في عز المطر..

ماشاء الله ع الاجواء السمحه.. احلى جو المرواحه ف المطـــر
وحلو جو اللبسه مع فانيليا نحن ماعندناش الجو هذا نهاااائي
أصلا حتي لي بتلبس عربي او تتصدر زي ماتقولوا
تجيب وحده تلبسها بفلوس او تمشي الكوافير

[اوشي]