** ليبيا زين علي زين ليبيا ورد وياسمين ** تجمع الليبيات

[dr.loly]

جيجي المراره ف كيكة كاكاو غريبة عادة ماتصيرش الا اذا استخدمتي كاكاو دااايت

نا طريقتي في كيكة الكاكاوو تختلف شوي في الخلاط والحق لي يذووقهاااا تعجبه

خفيفه جدآآ..

ونحب نديرلها طبقة زي كاسترد و موز ولا مربي وجوز وهند ولا شوكولاته ولوز مجروش نكهة تطلع خيااال

[dr.loly]

اليوم بندير وحده لاصحاب زوجي جايين يقروا وعشا ان شاء الله

بس بنديرها اسفنجــيه مش اخفيفه ان شاء الله

[اوشي]

السلام عليكم ورحمة الله وبركاته

كيف حالكن يا احلى خوات ان شاء الله اموركن تمام

[اوشي]

فروسة ..

شخبارك ياحلوة واخبار العيال وبوهم وربي يعينك علي فطمة اللهاية

خليتيني انفكر حتى شن ادير رويتا لما نفطمها عليها

وربي يعطيك صحيحتك علي نشاطك في المنتدى وفي حوشك

وكيف ماقالت اثورة يضرب الريجيم شو بيذل هههههههههههه

لاباس تدلعي ايام في الشهر صحة صحة

اثورة ..

كيفك ياعسولة انت وجود وعليوة وبوهم وشن اخبار الوالدة ربي يطول في عمرها


سوسو ..

ماشاء الله نشاط زايد وكيكات وتطييب وحاجات حلوة ربي يعطيك الصحة

والعدوى شورها انتقلت من ريومي لخوها معليش ضروري من المعاناة

وماشاء الله عليه وليدك ان شاء الله تشوفي اعلى شهادته


جنودة ..

شخبارك واخبار دراستك ان شاء بالتوفيق لك ولراجلك وبالنسبة لبروان حتى

انا نفس المشكلة بس احسن حل هو الحلاقة خاصة بفينوس سبا


هدهد ..

لاباس عليك يا ام سوما شكلها مناعتك قليلة كل شوي تشكي من بردة

ربي يشفيك ياحبيبة ورد بالك من سوما الحركية واحسن حاجة اديريها

انك اتحولي الكنب وخلاص وبالنسبة للعزومة تمت علي خير ولله الحمد


جيجي ..

ماشاء الله ربي يعطيك الصحة علي قلبة الحوش وتنظيفته وعلى سهرتك الحلوة هههه

وبالنسبة للدم لو مافيش الم اثناء الاتصال بزوجك وماينزلش دم وظهرك مايوجعش فيك

انا نرجح انها استحاضة وانت شوفي مواصفات الدم لو خفيف ومافيش قطع ومافيش رائحة

معناها استحاضة فتوكلي على الله ومارسي حياتك التعبدية والزوجية عادي


امووولة ..

وشك والا القمر وحشتينا اوي ... وربي يخليلك فطومة الحلوة ويحفظها لك وديمة رقديها علي جنبها

لان فيه اطفال ديمل يطلعو في حليب من فمهم وهم مرقدين وتسببلهم في الشرقة

فاحسن شي ترقدعلي جنبها ’’ وبالنسبة للرضاعة لو ماتبيش الا صدرك خليها الحبيبة علي راحتها

[اوشي]

اختي عطـــــــــــــورة اهلا وسهلا بيك معانا

[اوشي]

ام معاذ وام ورد ورغودة وحبيبة حازم اشتقنا لكم

[اوشي]

بالنسبة لعزومتي ..

خوي وزوجته جو من تركيا ونزلو في بنغازي وقعدو فيها يومين وجوني الجمعة

درتلهم عشاهم مكرونة امبوخة بالخضرة وبرودو باللحم الوطني والبصل طلعت اتهبل

وسلاطة وامخلل ومشروب وتفاح وموز وبرتقال

وجابولنا هدايا عبارة عن علبة شكلاطة فاخرة وحلقوم فاخر وجابو للعيال قناديل واعاب

وجابو لدود بلوزة امريكية سوداء طويلة لين الركبة اتهبل تنفع جوليه للمدرسة

وجابولي عصارة برتقال

وثاني يوم السبت كان اليوم العالمي

طبعا انا امدايرة غريبة باللوز الخزايني وخبزة محشية بالتمر اتهبل للفطور وعندي كعك من فبل

نضت الصبح درت فطور

شاهي وقهوة وكاكاو وحليب ... ودحي وجبنة .. وتوست دهنته بالزبدة وحطيته في الجريلا

لين تحمر ودهنته بمربى


لمينا حوسة الصبح وخشيت عالغدا درت دجاج بالخضرة في ورق الالومنيوم عالسريع وزقبته

في الكوشة ودرت امعاه برودو ورز ابيض


اما العشاء فكان ارز بالخلطة كبدة وكاجو ولوز وزبيب وعصبان ومحشي فلفل وشربة

وبيتزا وطاجين امبطن بالجبنة وكنت اموتية شيش طاووق علي طريقة فروسة

بس ماسعفنيش الوقت حطيته في التلاجة ودرته ثاني يوم

االمهم درت ساطة عادية وكول سلو وسلاطة الجزر والعدس وامخلل

ومشروب وفواكة وهديت العرايس كل وحدة خاتم

وعدو عيت سلفي بعد العشا دغري وعيت خوي عدو ثاني يوم بعد ما مرضو عندي من البرد

قلت الهم في تركيا قعدتو اسبوعين ما مرضتوش وقعدتو عني يومين ومرضتو

وخوي لما وصل لطبرق صارت امعاه حمى شديدة لين رفعوه للمستشفى وضربه بابرة

[اوشي]

فروسة..

بالنسبة لكرسي العروس اعتقد انه هو كرسي اعويشة

[dr.loly]

المشاركة الأصلية كتبت بواسطة اوشي

فروسة..

بالنسبة لكرسي العروس اعتقد انه هو كرسي اعويشة

من اعويشــــــــــــــــــــــه؟؟؟؟؟؟؟؟؟؟؟؟

[اوشي]