دردشة بنات ليبيا , دردشة حوامل ليبيا , تجمع بنات ليبيا

[ليبياقلبي]

مساء الخيرات اهلين بيك جوهرة شموسة مبروك علا صبيتك وجوكم يهبل من الاخير وسلامي للكل انا هايمة مرة عمي روحت من العمرة السبت بت في حوش جدي
وغدوة بنحني وبندير الحلوة عرس بنت عمتي والخبر الاحلى حصلت ايفاد جاء قرار ايفادي

[أم أجنادين 80]

الف الف الف مبروك ام نوزة
والله فرحتلك من كل قلبي
ايفاد اوائل ولا معيدين

[جوهرة ليبيا]

السلام عليكم ورحمة الله وبركاتة

مساء الخيرات
كيف حالكم وشن اخباركم؟؟؟

والله يابنات الصداع امداير فيا حالة والحمد لله علي كل حال

المشكلة ان دكتورتي اليوم راحتها الا لحالات الولادة بس اتجي

منو فيكم من طرابلس وسوق الجمعة بالتحديد

[أم أجنادين 80]

هلا جوهرة
شن غداك اليوم
انا اليوم حملة تنظيف تكملة ليوم السبت
السبت حولت الجلسات والصالون وكنست تحتهم ونظفت التراب من الرواشن
وتسيق البلكونات واليوم المطبخ وطبعا ماانتوبش الوركينة ضروري منها بس المرة هذه بالقفازات
مزالي تلميع الأثاث بس
معادش عندي نية انديرهم اليوم ممكن غدوة ؟؟؟

[أم أجنادين 80]

وينكم
سجلتكم غياب

[dr.loly]

السلام عليكم ورحمة الله وبركاته

[dr.loly]

عدنا,,,
والله يسلمكم حبيباتي شموووسه وام اجنادين,,, والحمدلله عدت فترة النفاس,,, وانا ماططلعتش ياام اجنادين الا ف بيان بنت صبيتي وفي اخر ايام النفاس....وحتي نا نفسك مانحبش انسيب زوجي بكل ,,لكن الله غالب ظروف يحكمن,, كان زارد وبعدها عدا يوم لطرابلس عبا الابليكشن ف طرابلس مباشر ع النت بالشركه مع جماعة بريطانيا وبعد روح خداني,,

شموووسه حنان العريبي كنت مقتنعه بها هي بس قبل فرحي لدرجة قلت كان ماحصلنهاش مانبش فرقه ماما كانت تبي ناديه ستار والا النجاح ,,,بس اقتنعت فيها ف الفرح ,,الخق دارتلي ليلة سمحه والرقص ماوقفش بكل رغم اني جايبة مصورة فيديو لاكن واجد رقصن عالمسرح والباقي تحت,, وهي بروحها رقصت ودارت جو بس اغلب اغانيها ع الثورة والثوار وشفشوفه وهله خخخخخخخخخخخ فرحي ف شهر6 2011,,, وجبناها ب 750دينار
وتوا ماما وخواتي حضرن فررح ولد جيرانا قالو سليمة الفاخري رايحه جوها سمح وماما تقريبآ بتحجزها وقالت ب850


اوشي ياسمحه مافهمتش طريقه عصبانك م الاخير خخخخخخخخخخخخخ,,,, جيبي سبورة وتباشير واشرحي



جوهرة ليبيــآ ,,,ماشاء الله عليك وربي يحفظكـ ويخليلك رنوده حتي نا زيك بديت نتعلق ببنتي واجد بس ازغيرونه دوبها امربعنه

[dr.loly]

بكرة ماشيه لاخت زوجي بنعطيها هديه بنتها العروس..
وشريت بدله حمرا للفرح بعد مالفيت نص بنغازي بيش لقيت حاجه تناسب جسمي حي عليا جسمي عدا فيها راحت الرشاقه زمان ماعمريش جربته الشعور هضا امتاع تعجبك حاجه وماتلقيش مقاسك او تلقي بس تجي مكلبزة او ماتسكرش السوسته قريب بكيت وابوفراس يهون عليا يقولي توا تردي زي قبل هدا من الحمل بس,,,,,
من38 لي 46مقاسي تخيلن زمان خشيت ع 40 قبل فرحي وزعلت اخري امالا توا شن اندير

انحرمت من الفساتين اللي خاطري فيهن ورست اخرتها غ بدلة بس الحق ذوق زوجي حلو كنت انقيس ف 2 وماعجبنيش جابها ليا قستها خيال بس جابها وردي هادي انا اخترت حمرا بس ايديها شفافات واخرتهن تطريز وورده وظهر شفاف نصه

[dr.loly]

[جوهرة ليبيا]

السلام عليكم

بنات شنو غداكم اليوم محتارة شن انطيب
عندي اكثر من نوع من الحوت لكن مش طايقة ريحتة
وخصوصا ان المطبخ امتاعي بار يعني الحوش حاااالة ساعتين تنضيف وتبخير ويالله الريحة تمشي من الحوش


بنات شنو معني صبيتي والله مافهمتها هههه؟؟؟