¤ô§ô ~أحلى تجمع حوامل التوأم 2011~ ô§ô

[قطرة ندى*]

ماما قلقانة الله يسمع منج يارب ومااشوفها هالشهر
كيري حالة الأكتئاب عادي تجي بعد الولادة انا جتني بولدي الثاني
محجبة مايغلون عليك اذا تبين ترى اختي شاطرة تسوي مثلهم
الياه ان شاء الله راح ابشركم بالحمل ماني ناسية بس الله يتمم علي

[ماما قلقانه]

اهلا الياه ايش اخبارك.انا الحين 26 اسبوع.وحشتونى كتير بس مش بداوم امام الكمبيوتر كتير لان الماء حول الاجنه قليل وباخد حقن .ادعولى ربى يتمملى حملى على خير

[الياه]

ماما قلقانة

الله يتمم لج على خير، ماتشوفين شر
ارتاحي حبوبة، أنتي في نهاية الشهر السادس؟
أنت بكرية؟؟
وااااايد حلوة صورة التوينز اللي ف توقيعج
غرااااام الصورة
الله يرزقج أن شاءالله بالتوأم الصحيح المعافة

ليش ما تحطين لج شريط حمل؟؟؟


قطرة ندى

أكثري من الدعاء والصدقة بنية الذرية الصالحة
وإن شاءالله الله يتقبل منج
وتبشرينا

[ماما قلقانه]

لا يا الياه انا عندى احمد وشهد ربى يحفظهم.وكنت حامل من سنه ونصف بس ربنا ما اراد.عشان كده قلقانه ربنا يستر

[رضاك ربي]

كيري

مبارك وحمد لله عسلامتك واستمتعي بلحظاتك يسلملك البنوتات ماخبرتينا عن اسمائهم

عذاري
بالعافية حبيبتي ومو مهم عدد الوجبات كلي براحتك المهم التنوع

اول غرام
قتلك حبيبتي مقدمين مايغلون عليك لو يصير ترى اسويها ياما فضلت غيري على نفسي ههههه والحمدلله ولامرة ندمت وكان ربي يكرمني بالافضل

[ماما قلقانه]

انا هقوم انيم الولاد لان عندهم مدرسه فى الصباح اشوفكم بكره بخير ان شاء الله

[الياه]

ماماه قلقانة

الله يبارك لج في عيالج، ويتمم لج حملج للتاسع
وتفرحين بخوانهم التوينز
نوم العوافي ماماه

رضاك ربي

شخبارج عساج بخير؟؟

[كيري]

سبحان الله ... والحمد لله .. والشكر لله ..

الاكشن باختصار ..
في يو الاربعاء 13 -3 .. رحت لموعدي المعتاد .. وكان اول يو بالتاسع .. كان لي عشرة ايام بإنتكاسة تعب مضاعف ..ثقل مضاعف ..ما اقو الابمساعدة ما اجلس ما انام الامتكية .. وحالتي حالة . نفس يروح ويجي ... والبيبيات من اسابع روسهم تحت .. فكانت الؤخرة كاتمه على نفسي وارجولهم كذلك ..اللهم لك الحمد .. بصراحة كنت ادعي ربي ..لو ما اخذ الا يوم من التاسع .. وكان رجلي يقول لا ابتاخذي اسبوعين وكنت ابكي على طول ...

المهم رحت لموعدي ... قالولي الضغط مرتفع .. وعندك زلال .. لاني انتفخت الفترة الاخيرة مررررررررة .. ولي شهر ما اطول رجليني .. ولا البس الابمساعدة .. اللهم لك الحمد ..مابي اخوفكم ...لان مو الكل مثلي طبعا ..ز
قالت الدكتورة بنتابع الضغط شوي وتطلعين .. جتني الصيحة قلت ابي اولد خلاص .. قامت تضحك قالت اصلا زلال بنومك بس يمكن مانولدك ..

سوولي اشعة .. لقو نبض والثاني بعيد .. حاولوا بثلاث اجهزة لين اطمنوا واخيرررررررررررررا شفت الاستشاري بهاء الدين ... استانست ..ههههههه
المهم قالللدكتورة تنويم بس قبل ترقى اكشفي من تحت
كشفت قالت 3 س ولادة .. وقالت ربي استجاب دعاك .. ورقيت على طول لغرفة الولادة ... لوحدي .. جاني طاقم بدوا يركبوا التخطيط .. طولوا مايصلون للثانية لانهم ورى بعض .. كانت الساعة 12 الظهر ..
دخل معي رجلي .. نظام الستشفى مسموح (( مدينة الملك فهد الطبية ..[الرياض ))
المهم ركبوا المغذي تعذيب لان عرقي صغيرة وبشرعة تخرب ابرتهم ...شققوني لين قالوا بس ..

الطلق خفيف ماحس فيه .. الساعة 2 فكوا الموية طبعا قبلها طردت رجلي وقلت ما ابيك عندي الحمد لله طلع .. دخلوا تخطيط البيبي من تحت ..
الساعة اربع العصر سوت كشف لسى 3 س عملو تحريض طلق مافيه ..لكن ظهري ابكي منه من الوسط لي شهر احسة مفتوح والم مو طبيعي .. اقولها طلق تقول لا .. حاولت فيهم اقو شوي طاعوني عشان اتبول وراس البيبي ينزل ..مافيه فايدة
الساعة 6 لسى 3 س .. الساعة 8 بالليل عطوني ابرة طلق .. مع مسكن .. صاروا يشوفون طلق بس انا اماحس .. والمسكن عشان ضغطي كان حدة مرتفع ...
للساعة 11 .. كشفت لسى 3 وشوي .. اللهم لك الحمد على كل حال .. هواش يتسويلي قصدرة وانا رافضة .. تجيبلي الصحن حقهم وانتو بكرامه واحاول لين اقصر ..

المهم الساعة 1 بالليل سوت تحريض وعطوني طلق مرة ثانية ...

للاسف مافاد ..وكلما بنام يصحوني ..لان المسكن دوخني .. كل شوي اقول فيه طلق تقول شوي بس ..
وتصحيني تقول البيبي ينام اذا نمتي ..لاتنامين

المهم .. الساعة 3 حطت القصدرة اللي تطلعها بسرعة وعورتني اصلا قاعدة تنعس .. تهاوشت معها .. وكلما تبولت عقبها اتعب .. من الالم وانتوا بكرامة ..

المهم ..الساعة خمس كشفت 4 وشوي .. قالت خلاص للساعة 8 ما انفتح الرحم عملية .. طاب خاطري قلت خلاص عملية تكفين قالتلي اللي صبرك يوم يصيرك كم ساعة ..
لاني بصرحة رغم اني بغرفة لحالي ودلع ..الا اني اسمع اللي يصارخون بغيت اروح فيها من الروعة قمت ادعيلهم وضغطي يرتفع...
الساعة 6 .. قابت صحنها عشان اتبول .. وانتو بكرامة

فجأة ... حسيت اني بغيب عن الوعي ونفسي يروح ويجي وأأشر لها تشيل الصحن قامت تضرب الجرس وتطق فيني .. وتعطيني اكسجين .. تجمعوا علي .. صرت اسمع دقات قلبي تروح وتجي وتخف احس اني بعالم ثاني ... خفت ..خفت حدي ... بعد شوي بدى نفسي يرجع
طولوا حولي لين استقرت حالتي قالت الدكتورة خلاص الاصل عملية ساعة بس ننتظر كشفت 5س ..
على الساعة 7 ونص دقات واحد من البيبيات انخفضت ونفس الشيء ادهروا تجهيز وحوسة وقصدرة ... دقات البيبي رجعت طبيعية الحمد لله ..
ودوني للعمليات قبلها جتني مساعدة دكتور التخدير تشاورني بالبنج قلت كامل قالت اسمعي كلامي خذي نصفي ..وابتدعينلي ..

انا ما كنت افكر بشي غير ظهري اللي بموت من المة ..قلت طيب ظهري احس فيه قالت لا قلت خلاص نصفي ..

رحت .. للعمليات ..
جلسوني على السرير رجولي تحت وبحضني مخدة المهم جاء دكتور التخدير وعطاني ابرة مع ظهري كنت خايفة تألم وا صدقتها لكن فعلا ما حسيت .. الا بوخز خفيف .. سدحوني ,, على طول احسيت برجولي قالولي حركيهم ماقدرت قاله ابدوا شبكوا الاجهزة وحطوا الستارة قلتلهم حطوا ستارة فوق عشان ماشوفهم باللنبة ..
بدو شغلهم .. وانا كل تفكيري بظهري ..استانس حدي ما احس فيه .قمت ادعي . شوي وسمعت بكى البيبي يالبى قلبي ناديتها جابتها لي قالت بنت .. وراحتبها قلت والثانية قالت لسى ماطلعت .. شوي واسمع صوتها سألتها قالت بنت ..يالبى قلبها ..علما بأنهم كانوا يقولو بنت وولد ..

اللهم لك الحمد على كل حال ..

بعد ها ... لا اله الا الله جتني نفاضه .. قمت ارجف بشكل مو طبيعي حطوني بسخانات ... للأسف .. كان ضغطي مرتفع مرة .. وعطوني مسكن صرت اسمعهم ولا اسمعهم ساعة اقوم وساعة انام ... حرارتي ارتفعت فجأة 39 وشوي حطوني بالانعاش بعدها الملاحظة حولي اشكثرهم اقوم على اصواتهم زوجي كان حولي طاقته الروعة .. والدكاترة يروحون ويجون من الساعة 9 للساعة اربع العصر .. ومتابعة للساعة 8 بالليل ... قمت بالسلامة بعد رحلة طويله ..الله لايحرمني اجرها ..
دقيت على اهلي بشرتهم انصدموا ..

لاني ماقلت لحد اني في المستشفى .. ابدا .. لكن التوأم فيل ولادتي بسبوعين بديت اسرب الاخبار ...
اللهم لك الحمد على كل حال ..

البنوتات .. وحدة كيلويين وعشرين غرام .. ووحدة كيلوين وميتين قرام .. صغنزتات لبى قلبهم
ما احتاجوا حضانة ..
تنزمت خمس ايام وطلعت قالوا البنات كأن فيهم صفار حللوهم ودخلوهم بالحصانة يوم باللنبة .. وطلعوا بالسلامة من البكرة ..

انصحكم بالبنج النصفي من جد وناسة ..صح جتني كحة بعد يومين لكن مومنه ..وراحت



وتيتي تيتي خلصت الحتوته ... اتمنى اني ماتركت فرصة لاي سؤال .. وقلتلكم بإختصار ههههههه

[رضاك ربي]

تذكرت ورجعت اقول بنكي بنكي لاتخوفيني حياتي من مستشفيات الامارات وبعدين طبيبي نصحني بطبيبة بالوصل قال طويلة بال وتتصرف بالولادة زين وهي الافضل للتوائم وطبعا ارادة ربنا وتياسيره فوق الكل

[قطرة ندى*]

كيري قصتك مرة اثرت فيني
الله يعينك انا جربت ارتفاع الضغط بس بدون حمل مرة متعب
بس ليش ضغطك كان مرتفع
الحمدلله على سلامتك مرة ثانية ويتربوا بعزكم البنوتات ياترى يتشابهون