دردشة حوامل مصر - دردشة بنات مصر - تجمع حوامل مصر

دودى اشرف · 10-16-2010, 05:30 PM

صباح الخيييييييييييييييير بلييييييييل .... ازيكم جميعا ... سمية وبرنسيس ورنا .. عاملين ايه ... يا رب تكونى احسن دلوقتى يا سمية .. ممكن تحط اللبن على اى حاجة على فكرة ... يعنى لو بتحبوا العصير اعملوا اى حاجة باللبن ... كلوا جبنة بس مش حاقة والجبنة القريش اعرف انها حلوة جدا وفيها كالسيوم ... ممكن لو تقدروا تاكلوها هاتوها وكلوها بالطماطم مثلا ولا حاجة ... وربنا يعينكم على الكام شهر دول .... وملاك ان شاء الله لعل المانع خير

دودى اشرف · 10-16-2010, 05:32 PM

اقتباس:

المشاركة الأصلية كتبت بواسطة نولارا

احمد بيقولكم صباح الخيرررررررررررررررررررر

صباح الفل على عيونه ... ربنا يخليهولك يارب

somia · 10-16-2010, 05:42 PM

دودي مساء النور.. انا الحمد لله بخير.. انتي عاملة ايه واتأخرتي في الدخول كده ليه؟؟

dr.princess · 10-16-2010, 05:47 PM

اقتباس:

المشاركة الأصلية كتبت بواسطة رنا خالد

انا حبيت اوي المنتدي ده وبجد حبيت الدردشه معاكم جدا
وعايزه اقول لبرنسيس وسميه اللي مابيحبوش اللبن لازم نحبه
ونشرب علي الاقل كوبايتين كل يوم لحسن والله انا اعرف واحده ماكنتش بتشرب لبن اثناء الحمل ابنها اتولد عنده لين عظام ومقدرش يمشي الا بعد سنتين ونص بعد الشر علي ولادنا كلنا
وممكن كمان تاخدوا اقراص الكالسيوم دي هايله ومكمله للنقص في نسبة الكالسيوم بس دي بتتاخد من الشهر الرابع حتي اول الشهر الثامن وبعدين بتتقطع
وعايزه اقولكم كمان ان الرمان مفيد جدااااااااااااااااااااا
عشان الحديد والبلح الاحمر كمان
والكبده البلدي
التلاته دول سحر والله بيعالجوا الانيميا بشكل رهيب
معلش طولت عليكوا بس كنت حابه اوضح لكم فايدة الكام حاجه دول عشان صحتكم تهمني
اسيبكم دلوقتي لحسن شكل الكفته اتحرقت ع النار وجوزي مش هيلاقي حاجه ياكلها ههههههه

انا عارفة انى لازم اشربه بس اعمل ايه حتى لو شربته بيبهدلى ويتعبنى طول اليوم فبقيت بكرهه اكتر
وانا مجربة الكلام ده مع ابن اختى مبدأش يسنن ويحبى الا بعد ما أخد حقن للكالسيوم لان اختى بردة كانت مش بتشرب لبن كتير
وانا عاملة حسابى الزيارة الجاية للدكتورة اقولها تكتبلى على كالسيوم اصل كده مينفعش خالص
وبالنسبة للبلح الاحمر مشفتوش هنا فى السعودية وكمان الكبدة كترها مش حلو فى الحمل يعنى مقفولة من كل الجهات فبالنسبالى مصدر الكالسيوم الوحيد هو الجبنة

شكرا يا رنا على النصايح المفيدة دى ومانتحرمش منك ابدا ويارب تكونى لحقتى الكفتة وبعدين الا الكفتة بوظى اى حاجة الا الكفتة ههههههههههه

دودى اشرف · 10-16-2010, 05:49 PM

الحمدلله دايما ان شاء الله بخير يارب وتطمنى وتطمنينا ... انا والله انهارده كسلانة جدا مش عارفة ليه ... انا اصلى بصحى مع جوزى الصبح وينزل وانا اكمل نوم بس نوم متقطع لحد الساعة 12 كده وبقوم يدوب على ما ادخل الحمام واصلى الظهر واحضر الفطار على ما ييجى نفطر ويدخل ينام وانا بقى اعيش .. بس انهارده كنت مكسلة اوى من ساعة ما صحيت ... ولما جه وفطرنا دخلت كملت نوم معاه شوية وقام ونزل وقلت ادخل اشأر عليكوا ... هههههههههههههه
... هو تقريبا كل نزولة ليا ببقى تانى يوم كسلانة كده ... تقريبا من اللف ... وكمان حسيت امبارح انى تقلت شوية فى المشى ... وبقيت اتعب بسرعة .. يلا طولت عليكى ... ههههههههه
... بس قلت اشرح يومى ... كفاية كده بقى .. ههههههههههههههه

somia · 10-16-2010, 05:50 PM

ياااااااااااااااااااااااااااااه.. أخيرا برنسس نورتنا تاني ..ايه يا بنتي انتي اختفيتي فجأة كدة ليه؟؟؟

somia · 10-16-2010, 05:54 PM

دودي ربنا يعينك .. مين سمعك يا بنتي انا بفضل صاحية بالعافية وكل ما أنام أحس ان انا اما بصحى فعلا مبقدرش أفتح عينيا.. ربنا يعدلنا حملنا على خير.. اللهم ااااااامين

dr.princess · 10-16-2010, 05:58 PM

اقتباس:

المشاركة الأصلية كتبت بواسطة دودى اشرف

صباح الخيييييييييييييييير بلييييييييل .... ازيكم جميعا ... سمية وبرنسيس ورنا .. عاملين ايه ... يا رب تكونى احسن دلوقتى يا سمية .. ممكن تحط اللبن على اى حاجة على فكرة ... يعنى لو بتحبوا العصير اعملوا اى حاجة باللبن ... كلوا جبنة بس مش حاقة والجبنة القريش اعرف انها حلوة جدا وفيها كالسيوم ... ممكن لو تقدروا تاكلوها هاتوها وكلوها بالطماطم مثلا ولا حاجة ... وربنا يعينكم على الكام شهر دول .... وملاك ان شاء الله لعل المانع خير

دودى مساء الفل يا باشا
والله هى الجبنة الحمد لله الواحد لسه مكرههاش ربنا يستر فالحمدلله لسه فى امل
جوزى جايب جبنة طبعا ملحها قليل اسمها الطيب حلوة اوى وجبت من يومين جبنة قريش اول مرة الاقيها هنا بعملها تقريبا زى ماقلتى بالطماطم والخيار وبحط زيت زيتون بتبقى حلوة اوى
اما العصير باللبن فانا مش بحبه حتى من قبل الحمل

قوليلى محتاجة مساعدة بكرة الاحد لو عايزانا كلنا نصحيكى على ميعاد المستشفى طبعا مستعديين ههههههههههههه

رنا خالد · 10-16-2010, 06:02 PM

حابه اسألكم عن تحديد ميعاد ولادتي بالظبط لحسن الدكتوره ملخبطاني
انا اخر دوره ليا كانت يوم 3-18
وخلصت يوم3-22
كده امتي انا هاولد وامتي بدخل شهر جديد
وعايزه اعرف ازاي اعمل شريط الحمل اللي في التوقيع عندكم ده
معلش طلباتي كترت وياريت تفيدوني

dr.princess · 10-16-2010, 06:02 PM

somia
على ما صحيت من النوم قبل الساعة 3 الكهرباء لقيتها قاطعة الظاهر اتعدوا من مصر وعلى مارجعت تقريبا الساعة 5 الا شوية فتحت على طول
وقفلت شوية كلمت ماما وهى خرجت فرجعتلكم تانى