دردشة حوامل مصر - دردشة بنات مصر - تجمع حوامل مصر

[somia]

برنسس ان شاء الله ربنا هيسترها معانا..
انا هاضطر اخرج دلوقتي عشان هاروح انام لاني بطني شدت قوي عليا ومبقتش قادرة اقعد خالص..
السلام عليكم ورحمة الله وبركاته

[dr.princess]

somia
ان شاء الله
الف سلامة عليكى وروحى ارتاحى احسن ونتكلم بعدين

[dr.princess]

malak2010
مش عوايدك تتأخرى كده فى النوم
انا هستناكى ساعة كمان بس أكتر من كده هبقى unavailable انتى عارفة النوم أولى فى الحالات دى ههههههههه

[نجمه البحر]

ازيكم يا بنات عاملين ايه على فكرة يا ملاك اناقلوقه اصلا بطبعى فعلا بس عارفه من حقى المرادى فعلا انا هقولك على اسم المضاد الحيوى نيوفورادانتين 50 ملى جرام

[نجمه البحر]

ضحكتينى يا ملاك للدراجادى القلق انك تشكى فى الحمل ان شاء الله يرزقنا ربنا باولاد معافين ويرزق كل محتاج يارب

[نولارا]

احمد بيقولكم صباح الخيرررررررررررررررررررر

[somia]

صباح النور على البشموهندس أحمد وعلى مامته..

[dr.princess]

انتوا فين يابنات


malak2010
يارب ماتكون حاجة وحشة اللى حرمتنا منك النهاردة وتكون كل حاجة تماام

[رنا خالد]

انا حبيت اوي المنتدي ده وبجد حبيت الدردشه معاكم جدا
وعايزه اقول لبرنسيس وسميه اللي مابيحبوش اللبن لازم نحبه
ونشرب علي الاقل كوبايتين كل يوم لحسن والله انا اعرف واحده ماكنتش بتشرب لبن اثناء الحمل ابنها اتولد عنده لين عظام ومقدرش يمشي الا بعد سنتين ونص بعد الشر علي ولادنا كلنا
وممكن كمان تاخدوا اقراص الكالسيوم دي هايله ومكمله للنقص في نسبة الكالسيوم بس دي بتتاخد من الشهر الرابع حتي اول الشهر الثامن وبعدين بتتقطع
وعايزه اقولكم كمان ان الرمان مفيد جدااااااااااااااااااااا
عشان الحديد والبلح الاحمر كمان
والكبده البلدي
التلاته دول سحر والله بيعالجوا الانيميا بشكل رهيب
معلش طولت عليكوا بس كنت حابه اوضح لكم فايدة الكام حاجه دول عشان صحتكم تهمني
اسيبكم دلوقتي لحسن شكل الكفته اتحرقت ع النار وجوزي مش هيلاقي حاجه ياكلها ههههههه

[somia]

ازيك ياربنسس انا هنا.. فعلا ربنا يسترها ويكون مانع ملاك خير .. اللهم اااااااااااامين
رنا..جزاك الله خيرا على المعلومات.. رنا انتي حامل ولا لسة ربنا مأذنش؟؟