حبيباتى سيدات ليبيا تفضلو لأعرف ما حالكم

[أثري في مدادي]

[أثري في مدادي]

[اوشي]

صباح الخير عالجميع

[اوشي]

امس مشيت للكوافير

درت فتلة لوجهي بس ... لان حواجبي جيت الحوش ورسمتهم رسمة اتهبل وبعدها حطيت مشقر

وزدت حتى وجهي شقرته ولما غسلت وجهي طلع منور وحوجبي كانني لاقطتهم طلعت الرسمه واضحة

واتجنن ... بالاضافة انني ميشت قصتي خصلات بسيطة

واليوم جايتني الحناية ...

سوسو مرة سالتيني تصبغ فيك الحنة والا لا

مرات عدة تصبغ .. لكن فيه مرات صبغتها عادية ومرة طلعت صفرة صفرة خخخخخخ

لين تعقدت منها

[اوشي]

وتوة سلام ........

نشوفكم علي خير ياحبيبات

[dr.loly]

السلام عليكم ورحم الله وبركاته



صبــاحوووو عســل

[dr.loly]

امس كنت تعبانه اشويااات هضا ياعزيزاتي اول امس جتني الدورة بعد غياب شهر ونص وتوقيف الحبوب

وطبعا مغص وجو شين لدرجة درت خلطات لاول مــره,,

الخلطة لي منزلتيها ياشمووسه في منتدي الدورة وخلطة وحده اخري تنظف الرحم ..

بجد حسيتها متكدسه بعد غياب وماتبيش تنزل ف التجئت لهالحل..



عموما امس مش لدرجة التعب لي خلاص منها بس هكي نفسيتي ومش متحملة بنة المطبخ جو وحام هههه


عموما زوجي الغالي دار الفطور والغدا .. وخصيصا ان كان احد عطله

دار حويتات في السيلفر بالكوشه وشرمولة طايبه ههههههه وقالي سقع عليك ليااا زمااااااااان اصلا ماشفتها خخخخخخ

وعصير طبيعي وتغدينا ونعسنا ..

وبم ان ف مراخ من القروب جايبه اوليد وهدية الوليد لي طلبتها ع نت جت وكانت فراش العاب ..


وزوجي مكلمه ان بنجوا هالايام قلت خل نمشي وخلاص ف العشيه


خصيصا ان الحجاج جوا امــــــــــــس


وتبيلهم مشيات ..

ف ماحبيتش يكثرن عليا المشاوير وبسسس

[dr.loly]

وفي واحد من سبها ازوج .. وقالو وصل هالايام

هو كان هنا وباته اصر ان يزوج خايف عليه وهكي وان مايردش والجو هذا..




قالتلي المراة الجايبه امس ان جتها العروس قبلي بيوم وقالتلها وصلنا من يومين ..




عموما زوجي اقترح عليا ان نعزموهم وانا رحبت جدآ بالفكرة ..




واحتمال يوم الجمعه قالي .. اليوم بيقوله





وفكرت انديرلهم عصبــان وبطاطا مبطنه وشيش وتشكيلة سلاطات حلوة ..

والوجبه محتاره بين رز بالخلطه وشعيريه بالخلطه..



والاكثر مكرونه بالخلطه



نحس فيهم مايعرفوهش واااجد عرب سبها وبعض مناطق الغرب

لان اصحاب زوجي عجبتهم وقالوا اول مرة نشوفوها لي ف مناطق هذه




ف انحب اندير لضيوفي حاجة جديدة ف الوجبة نوعا ما ..




والعروووس قلت نعطيها هدية ساااعه الحق شاريتها لروحي قبل

هي فضية بالموووف راقية بكل وقاعده ف علبتها ومسكرة مافتحتهش بكل



لاني مالبستهش بكل


عندي ساعه فضيه ناعمة ماركة بوووس جايبتها م ليبيا نلبس فيها حتي مع الموف حاليآ ... مرتاحتلها اكثر





وذاتس ات

[dr.loly]

سوسو البيجامات لي مرة حكيت عليهم في اول الخريف .. قلت شريت بيجامات حوش تشكيلة وانوااع مابين البسيطات وكلاسكيات .. قتيلي صوريهن ..

وحتي انك علقتي لو انتقلنا كيف بنديرولها الدبش وهكي خخخخخخخخخ كيف صار جاك الزهااايمر...؟؟





ويوم الرمي هذا يجو فيه هل العريس للعروس ويجيبوا الكسوة والدبش والذهب

والعروس يغطولها وجهها ..برداء


وبعد يشتوا والجوا هذا ويعدوا تحول العروس غطاها



ومايطولوش واجد هل العريس بالكثير نص ساعه






وقبل مايجوا تكون حفله في ليدير فيها حتي ف صاله توا .. بس هي عادة في خيمة او بسيطة في الحوض


وقعدت تعرف بالحنه الصغيره توااااااااااا ... بعد تطورت الامور وقعدت جيبة الدبش ف الصاله ومايجوش هل العريس يعني


يقعد مشترك ف الصاله حنه وزفه




بس قاعده الحفله باسم الحنه الصغيره



وتلبس فيها العروس عادةة عبايه خليجيه وفيه لي تمكيج بسيط وفيه لي طالقه الشيانه وداسه شعرها وحنتها ههههه


عن نفسي ما اقتنعتش بكل بطلفة الشيانه هذه هههههههه


في حنتي الصغيره .. لبسته عباية طرفين كويتيه يقولولها ملكية

فوشي في السماوي الداكن .. ومطرزه بالذهبي و الفضي ..


وطلقت شعري ع طوله ومكيجت عادي جدآ .. وسندرت ههههههههه


صندرت معناها جلست ف كرسي العروس للعلم .. لو مافهمتيهش يعني



وكان عشا كسكو بالتقليه ( البصله) وبطاطا مبطنه وشيش وسلاطات وطرف مصران (عصبان)


داروهن في اطباق السيلفر هلي اختصارا للحوسه مع مشروب راني ...


ووزعوا علبة حلويات مع نسكافيه وبرضه اكواب ورق


هذا قبل العشا

ومع العشا حفاظة موزه وتفاحه ومنديل معطر وشيشه امية صغيره في طبق مغلف كل وحده يعطوها علبه




وقبل مايروحوا وزعوا عليهن



علبه فيه شمعة علي هيئة صدفه واللؤلوة لي فيها شمعه وع هيئة لؤلؤه صدفه .. بم انها ليلة حنه( ع اسا حنيت نا يعني ههههههه الغالي مايحبهش)


وكيسه فيه اشوية حنه ومعاها عطريه صغيره متاع 3 مل ..

وهذه كانت فكرة ماما ربي يحفظهاااا ..

وعادة مايدوروش فيها عندنا واااجد هالحاجه او مايديروش فيها بكل


وطبعا علبة خاصه للاطفال الحلوين وفيها كل مايحبوا ..


اه نسيت الشوكلاته وزعناها اول ماتجي الضيفه تاخد طرف وكانت كبيره اقل من كف اليد بشوي ومغلفه بشاش وورد مذهب لامع فيه لمسه يعني والورد بداخله ملبس وكل طرف شوكولاته معاه 3 ملبس






وهذه كانت حنتي الصغيره وحفلتها



ان شاء الله تكوني فهمتي الفكره

[dr.loly]

المرمرة تعني الرخامه




واكيد الروايات ورق افضل وافضل لكن الله غالب منين بنحصلهم اذا كان زمان صاحبتي تجيبلي فيهم نقرااا ونردلها

بم ان خواتها الكبار بكل كانن عندهن من ايام الثمانينات


اذا كان قبل عشر سنين وماحصلتهن ف بنغازي يابال توا؟؟