دردشة بنات ليبيا , دردشة حوامل ليبيا , تجمع بنات ليبيا

[sosolibya]

صباح الورد يا قطاقيط

[sosolibya]

نوضو يا خميرة نوم فالحين غير فى السهر

[ميمونة]

السلام عليكم ورحمه الله وبراكاته


كيف حالكم اليوم ---بصراحه مش عارفه كيف نصبر علي اخباركم بعد مانتزوج الحق لاني تعلقت في كل وحده فيكم وحبيتكم في الله ونتمني لكل وحده فيكم يرزقها ربي ماتتمني

طبعا انا استحاله ننسي وقفة كل بنت جنبي في مرحله الصعبه اللي مريت فيها لما تتطلقت كل وحده فيكم وقفه معايا وقفه راجل الحق ولما تزوجت مافيش وحده مافرحتليش من قلبها

ماتتفرحوش راني راجعه مش تقولوا تفتكتو مني اعطوني شهر بس لاني ماعنديش نت في الحوش ولكن باذن الله كل مانحصل فرصه نخش نهدرز عليكم --

غدوه انشاءالله ب فاتحتي وبندير الحنه والحلوة ووالاحد الحفله --كنت نتمني نعزمكم كلكم وانتم تعرفوا --بس الصراحه مانكذبش عليكم مدايره لمه عائليه في الحوش بسيطه--

الانسان يغلط ممكن مممكن غلطت في وحده منكم بس لاااعتقد ممكن حد فهمني خطا المهم اللي حس اني غالطه فيه يسامحني من كل قلبي



وأخيراً أشكر جميع الاعضاء الرائعين بل أكثرمن رائعين أذكر منهم-

ايوته---عيون --ام رفيده--ميراس--ام وسونه----ام سعد--معراج--ام اسيل--حبل الوصل--نسرينا--سورينام--يقين--تمر حنه--ام قصي--ام اجنادين --سالي--سوسو--ام معاذ--ام ورد--ام محمد--شمس الرمان--زهراء--الاء--ميرنا--خايفه انكون نسيت وحده فيكم واكيده نسيت بس والله في القلب كلكم ربي يعطي لكل وحده فيكم كل خير ويرزقها من واسع ابوابه ونسمع عليكم الاخبار الطيبه يارب اللي تبي تحمل نسمع بيها حامل انشاءالله--والا تبي تحول من حوشها نسمع بيها كملت بنيها--والا تبي تسافر ربي يرزقها بالسفر --والا تبي تروح لبلادها نسمع بيها انشاءالله في وسط اهلها وناسها


ربي يحميكم ويحفظكلم صغورتكم وازواجكم واهلكم من عين كل حاسد يارب العالمين وادعولي يكون هذا ولد حلال ويعوضني علي كل مر عشته يارب العالمين

اللهم اجعله لي كما احب واجعلني له كما يحب واجعلنا لك كما تحب
اللهم اسألك أن تضع لي في قلبه مواضع الرحمة والمودة والالفة من عندك
اللهم أصلح بيننا وأجمعنا فى الخير وعلى الخير
واسعدني ولا تشقيني معه .. يا أرحم الراحمين



أستودعكم الله الذي لا تضيع ودائعه

[saly.me.91]

السلام عليكم

[saly.me.91]

عاد اليوم جمعه مش ح يخش حد معروفة

[saly.me.91]

ميمونة ربي يوفقك ويسعدك في حياتك ويجعلها زيجة الدهر

[saly.me.91]

[IMG][/IMG]

[يقين]

صبااااااااااااح الخير

[saly.me.91]

[يقين]

ميمو ربي يوفقك حبيبه ويهنيك
سااااااااااااااااااالي هاني جيت شويه وبنطلع خخخخخخخخ نهدد فيك